《只有一棵樹的森林》: 第五十五章

贏得第一場比賽後，方晴她們有兩個星期去準備下一場比賽。
至於最受注目的磊光大戰聖羅蘭，則要留待最後一場小組賽，十一月中才能決定誰勝誰負。
.
而這段時間，方晴也要加強和加密訓練。
原本一星期一課的操練變成逄一，三，五的放學時間。
.
「呀駿…」
「？？？」
「你會唔會怪我呢排掛住練波少左陪你？」
「唔會呀，傻既，做咩無端端咁講？」




「因為我真係少左時間陪你…」
「你錯喇，你係多左時間陪我先啱！」
「下？」
「嗱，平時你放學無耐就要走，最多一齊溫下書；但係宜家，我可以睇住你練波，再送你番屋企，有時候中途你仲要買野食，所以實際上你係多左時間俾我去陪你！」
「點解你可以咁好！」
「咁就算要捱，都係幾個月啫，決賽十一月尾都打完，到時就可以回復正常」
「但我可能攰到整唔到早餐…」
「咁咪我整囉！」
「你整？你識煮野食既咩？」
「麻麻架咋，咁唔識咪學到識，有咁大隻白老鼠係度」




「呀駿…」
「好，一於咁決定，以後一、三、五早餐就你負責，二、四就我黎」
「嗯！」
.
坦白說，我的廚藝其實並不差，以前爸媽去旅行剩我一人時，都是自己煮的。至於味道如何…食了不會不舒服就可以吧！
.
剛好媽媽最近買了個飛碟機，明天可以大派用場了！
整個晚上，反復試了好幾次，麵包也用完了一整袋，終於大概掌握到這部機的運作。
.
星期二的早上，我竟然跳過了特訓，為的就是全心全意整早餐給方晴。




.
小心翼翼把新鮮做起的飛碟放進食物盒，然後我就飛快地出門，希望盡快把它送到方晴的口中。
.
雖然已經卸下保護裝備和拐杖，但今天我還是跑去搭巴士。
趕回學校後，七點十分，卻未見方晴的蹤影。
我坐在小食部等她，等下等下…
.
「Sorry呀！！你係咪等左好耐？」方晴的聲音把我叫醒
我竟然不知不覺睡著了…看一看手錶，竟然是七點四十五分。
.
「對唔住呀！我今朝唔知醒」方晴滿懷歉意
「唔緊要喎，快啲食早餐！Err…不過凍左…」
「唔～好食！！」
「真係？」
「芝腿飛碟喎！！仲要係你整既！！！」




「傻瓜，呢啲好簡單咋麻，擺落部機就得！」
「總之你整既我都鍾意食！！」
.
「咦，方同學，做咩食包咁慘呀？」又是那個討厭的插班生。
「乜又係你呀何同學...」方晴厭惡地說
「都話叫我Marcus囉」幹！突然來個花輪同學式撥頭髮是要幹甚麼？
.
「聽日等我叫工人攞啲燕窩俾你當早餐喇」
「唔使喇，燕窩留番俾你漱口好啲，你需要啲，我都係鍾意食啲handmade早餐」
「哦…handmade…我…」
「呀何能夠同學」我忍不住插口
「我最憎人叫我全名！你邊位呀！」
「方晴男朋友！我諗你唔應該叫Marcus，應該叫Can，Can Ho，啱哂你，全身銅臭味！」
「你！」
「呀晴我地走喇！」




說罷，我就拖著方晴離開。
.
「呀駿你好型呀！」
「唔通睇住佢撩我女朋友都無反應咩，我仲係男人黎既！」
「不過你頭先都好搞笑」
「你指Can Ho？」
「係呀！搞到我忍笑忍得幾辛苦！」
「總之我唔會比佢煩你！」
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈