《只有一棵樹的森林》: 第五十四章

比賽初段，方晴的一眾隊友都在適應節奏，畢竟是今季第一場比賽，而且還要是升班首戰，和之前的對手層次都不同。
面對這個情況，方晴卻無絲毫退縮，反而不斷向隊友喊話和提場，希望令她們盡快適應比賽。
.
首局初段磊光先以零比八落後，但隨著其他隊員逐步適應，雖然首局還是輸了，但也僅僅以二十比二十五落敗。
.
在調整戰術後，方晴孭起重任，接連強攻，取得五比零的領先。
雖然對手馬上作出針對性部署，但仍無阻方晴的強勢，繼續搶分。
整個第二局仿彿就像是方晴的個人騷，看得我也變得熱血沸騰，不禁站起來為她歡呼。
.
來到決定性的第三局，情況有點像上年的班籃，方晴在接連得分後，理所當然成為被防守的主要目標。




而方晴也看穿對方的心理，接連作出假動作，意欲進攻，引來對手的注意，但實質卻是由其他隊友作出進攻，這樣的「聲東擊西」，令到對手防不勝防。
.
第三局剛開始，就取得八比二的領先。
在第三局只打十五分的情況下，這個幅度的領先確實帶給對手很大的壓力，亦因而逼對手教練叫了個暫停。
.
「仲差七分！七分咋！贏埋佢！！！」
看到方晴盡力地嘶吼，就可以感受到她對比賽的重視。
.
暫停過後，方晴更加火力全開，連續開出三球Ace，完完全全把對手打沉。
最後，在有驚無險的情況下，磊光成功反勝，以局數二比一取得小組首勝，為升班打響頭炮。




.
完場後，我走到後備席，
「好叻呀你！！」我對方晴說
「多謝你呀！」
「傻既，我都係坐係側邊，乜都無做」
「唔係架，如果唔係你，我一定唔識點贏」
「下？！！」
「你記唔記得第三局？」
「梗係記得！你不斷聲東擊西，搶左個八比二的領先」
「其實都係靠你！」




「下下下！！」
「因為我望到你，就諗起上年班籃的情節，於是咪同班隊友搏下」
「哦，唔怪之得咁熟口面喇！」
「所以咪要多謝你！」
「傻既，係都多謝你自己！如果唔係你第二局個人表演，就唔會有第三局！」
「哈哈，不過都係要多謝你！」
「好喇，快啲去沖涼呀，唔係等陣凍親呀，我係出面等你呀！」
「Yes Sir！」
.
在大堂等了一會，方晴就出來了。
這…這…這是要人暈倒了嗎？剛洗完頭的她，十足出水芙蓉般，美到爆！
.
「吼！」
「下！」
「呆左做咩呀？」




「無，望你啫」
「有咩好望？！！」
「你靚囉！」
「又口花花！」
「我無呀！一切都係事實！！」我向天舉起三隻手指發誓。
「傻瓜，不過今日真係好多謝你黎，俾左好多信心我！」
「傻瓜，我應該既！」
.
「食野囉不如！」我建議
「好呀，我勁肚餓！」
「咪住，星期日喎，你唔使陪屋企咩？」
「我講左去比賽，之後會食完飯，再行一陣街先番去」
「咁好！咁我地去邊好？」
「不如去飲茶？」
「下，你啱既咩？！！！」




「我唔啱，但Auntie Uncle啱麻！我唔使陪Daddy啫，但你應該要麻！我地去揾定位等Auntie Uncle，我都好耐無見Auntie，Uncle又未正式見過我！」
「果然係最佳新抱！」
「司徒駿！！！」
.
結果，這個星期日，我們又在一起了。
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈