《只有一棵樹的森林》: 第四十一章

來到五月中，離考試還有兩星期，時間愈來愈緊湊。
.
一如以往，方晴這個早上也在小食部對出等我，準備好早餐等我梳洗後出來一起食。
.
「嘩，今日全部都係我鐘意食既嘢！！！」
「梗係喇，今日大日子當然要重視」
「下？」我不明
「送俾你架！」
「做咩無啦啦送禮物俾我？」
「下，今日你生日喎！」




「咪住，今日幾號？」
「13囉，你唔係5月13生日既咩？」
「係呀」
「傻瓜！你連自己生日都唔記得呀？」
「真係無左件事，呢排掛住溫書，真係好多野都無留意」
「所以我地今日要好好慶祝下！」
.
剛好今天是星期五，可以好好輕鬆一下。
.
「我已經同Daddy講左今晚唔番屋企食飯，放學我地可以去黃埔行下街，然後就番屋企同伯母一齊食生日飯」




「嘩！計劃好哂喎！」
「梗係啦，同你過既第一個生日喎！」
「唉...」
「做咩呀？」
「你為我做左咁多野，但係你既生日我就乜都無做過…」
「咁我一月生日嘛，嗰時我地未一齊，下年補番俾我咪得！」
「點解你可以咁好？」
「因為你對我太好，我都要做番啲嘢！」
「I love you！」
「傻既，我都愛你！」




.
結果放學的時候，我們馬上收拾東西，跑去趕乘免費穿梭巴士到黃埔。
平時，除非星期六日，否則都不會走到其他地方。
雖然我們沒有很多錢，不能購物，但抱著window shopping心態的我倆，其實已十分滿足。
.
平時我們在商場都只是逛一下小商店，這裡卻有大型百貨公司，還有大商場，書局。
重要的是，這裡有較低的機會遇上老師，所以我們牽著手走也不怕被發現。
.
「其實呢，點解你會應承我？」
「下，點解要唔應承？」
「咁我地差距咁大…」
「有幾大?」
「你第一，我都係第一，不過係包尾；你屋企住豪宅，我屋企住公屋；你係天使，我係…」
「係咩？」
「我都唔知」




「咁我又問你，你鐘意我啲咩？」
「我都唔知，或者因為你係天使，好完美，同埋我好想保護你」
「第一，你係曾經包尾，宜家已經唔係；第二，住邊度並唔係我地可以決定既，更何況，我更鐘意你屋企嗰種家庭溫暖；第三，我係人，我都有缺點，而我最大的弱點就處就偏偏比你保護住，令我無時無刻都可以得到安全感同受保護」
「對唔住呀晴」
「我知你諗咩，但我可以好肯定咁同你講，你從來都無高攀過！」
「嗯」
「番去喇，伯母等緊我地。」
.
「你地番黎喇！」
「伯母我黎幫你呀」
「好呀，你真係乖女！」
.
「黎喇，開飯喇，今晚鋸扒，駿仔最鍾意」
「仲有我最鍾意既栗米湯！」
「入面仲有，今日生日食豐富啲！」




「多謝媽咪！」
「呀晴佢仲訂左蛋糕」
「多謝你呀」
「身為女朋友，我係好應該咁做既！」
.
食到一半，爸爸也從內地趕回來，為我慶祝生日。
雖然我們住在小小的公屋，卻充滿著滿滿的愛
.
我真的覺得自己很幸福！
.
這一晚，真的很滿足。
.
Facebook：微言
Instagram：smallpotatosay
一至六每晚7點，重溫當年走過青蔥的歲月




Facebook, Instagram, 紙言, 高登共同發佈