《只有一棵樹的森林》: 第四十章

放學的時候，我原本想找方晴，但她匆匆離開，仔細一想，才記得她今天要練波。
這樣下來，只好在旁邊看著她練波，等待她。
.
不知不覺，就過了兩小時，方晴也練完波走到更衣室更衣。
我為了避免她走了，就站在女更衣室門口。
這樣做，當然十分引人注目。
從更衣室走出來的其他隊員，無一不對我的行為作出注視，除了看到一些鄙視和驚訝的目光，還有好奇的，一直等到方晴走出來。
.
「你企喺度做咩呀？！！」
「等你囉！」




「傻左咩？呢度女更衣室黎架！」
「為左等到你，又有咩所謂」
「咁…老師會話你行為不檢」
「咁我確實係行為不檢，如果唔係，我女朋友點會唔理我？！」
「你！無你咁好氣呀！」
.
方晴欲離去，卻被我馬上捉住她的手。
「你做咩呀？！」
「對唔住呀晴！」
「你放手先喇，其他人會睇到架！」




「唔放！除非你原諒我」
「乜你咁無賴架！人地又無話嬲你」
「下？！」
「我只係一直唔知點同你開口講野姐」
「對唔住呀，你上次個問題，我有左答案」
「？？？」
「就係等你番黎，一直等」
「傻，不過我都有唔啱，我唔應該突然問你呢啲問題」
「好喇，過左去就算喇。快啲過黎呀！」
「做咩呀？」




「你坐低先…然後合埋眼」
「下，做咩呀？」
「合埋眼先喇」
「古古怪怪咁…」
「掹大口呀」
「呀…」
.
「唔～好食呀！司徒駿混醬腸粉！！」方晴吃到我餵她的腸粉後，馬上張開眼
「你鍾意食就得」
.
就這樣，我們重新回復原狀，繼續大放閃光彈，羨煞旁人。
我們的戀情也慢慢由地下浮上面，愈趨穩定。
.
時間很快就來到五月，中三的生涯亦踏入最後衝刺，五月尾將會是大考的時候，屆時將決定我的前途。
而且，大考的成績將會直接影響我中四的選科。




.
「呀晴，中四你打算揀咩科？」
「應該都係商科」
「好彩姐」
「做咩呀？」
「幾驚你揀理科」
「點解呀？」
「因為我理科最差，我又無可能揀到」
「跟住呢？」
「如果你揀左理科，咁咪無得同你同班囉」我扮出一個可憐樣
「傻嘅，咁你又知一定會同我同班？」
「因為高中得一班商科囉」
「係醒喎，但你又知一定入到嘅？」
「我信我得！為左你，我一定搏老命！」
「吐口水講過！」




「總之我應承你，一定會好努力！」
「嗯，我信你得嘅！」
.
接下來，我又開始躲在圖書館和家中的生活，不斷複習，為的就是要在大考裏，火力全開，爭取最佳的成績，將平均分拉至合格以上，選到商科！
.
清晨特訓，然後上學，放學溫習，回家溫習，這樣規律的生活，其實真的不是容易挨。
同一時間，能夠陪方晴的時間也不多。
除了在學校的時間，私下相處的時間，也只有送她回家的一段路。
幸好，善解人意的她毫不介意，還跟我說，
「你第時補番比我咪得囉」
.
她真的是十分，十分好，天使的模樣，有時候也不禁會在想，為何她會願意接受我...
. 
Facebook：微言
Instagram：smallpotatosay




一至六每晚7點，重溫當年走過青蔥的歲月
Facebook, Instagram, 紙言, 高登共同發佈