《只有一棵樹的森林》: 第二十五章

在取得第一場勝利後，我們有一天的休息時間去回復。
在第二日的比賽，焦點落在錢進的C班，星光熠熠的他們自然不負眾望，輕鬆大勝對手。
完場後，錢進看見我後，走過來跟我對話，
「琴日好嘢呀，咁都可以反勝」
「唔關我事架，我落場既時候，仲係輸緊」
「好彩係唔會有第二次」
「睇下點」
「決賽見！」
.
接下來的比賽，我們的對手都不算強，在我和杜杜的帶領下，A班都順利勝出。




重要的是，每位參加的同學都有上陣的機會，而波仔也逐漸上力，變成第三主力，成為一個＂3&D＂球員。
.
而最後一日的比賽，當B班贏了E班後，就決定了初中決賽的戲碼 – 由兩支熱門的再次對壘。
比賽將在下星期三的週會時段舉行，而皇者之戰將在下週五的放學時段進行。兩場比賽都會是分上下半場，各二十分鐘。
.
因此，我們在週末都不敢鬆懈。除了本身的恢復訓練外，還加強體能的訓練。
或許是只差一步，大家都顯得非常積極，努力去彌補不足。
.
回到學校後，想不到連老師也十分支持我們。除了向我們作出鼓勵，更特意減少功課，讓我們有更多時間去備戰。
.




Kathy身為主席，更安排一班女生接連探班，讓大家更有動力。
Carrie當然也不會放棄這個機會，
「隊長，飲水呀」
當Carrie遞水給我時，看到波仔神色有異。
「唔該！波仔！俾你既！」
我把水拋給波仔，然後走向方晴。
.
「做咩呀你？又請人食檸檬」
「係咩？有咩？我淨係見到你咋喎」
「幾時變得咁口花花架？！！」




「唔係呀，你睇下」
「？？？」
.
望過去波仔的方向，只見他拿著那支水在傻笑，然後又陶醉地望著Carrie。
Carrie被我拒絕後，就十分氣憤，轉身離去。
.
「波仔佢…」
「應該就係喇」
「哦，你又想做紅人」
「今次應該無咁易」
「咁又係，人地明明鍾意你，你就推佢俾波仔」
「係… 咩呀？唔係呀！佢都唔係鍾意我，就算係，我鍾意既人都唔會係佢」
「好喇好喇，同你講下笑咋麻，唔使咁認真喎」
.
不知不覺來到星期三，今日按慣例，高班先進行週會，低班在第二小息後才開始週會。




週會前的課是朱老師的數學課，身為我們的班主任，他當然明白我們的想法。
「各位同學，老師等陣會叫pizza，lunch大家就留係班房，無論比賽結果如何，就當慰勞大家！」
「朱sir萬歲！」
.
不單如此，朱老師還恩准我們提早下課，做好熱身。
落到球場時，已見比賽進入垃圾時間，錢進帶領的C班已穩奪高中組冠軍。
.
「到你表演喇，係決賽等你！」
「一定！」
.
「今日我一定唔會再輸」
「哦…」
兩兄弟真的很煩啊！
.
「大家，一定要熱夠身！今日的比賽，一定會比上次更緊湊！」




「知道！」
「大家！要加油呀！」看見Kathy率領一眾女子組努力打氣。
.
當我去到後備席時，方晴亦走上前，
「做咩呀？」
「應承我，一定要贏！」
「我應承你，一定親手將塊金牌掛係你頸上」
「唔准呃我！」
「一定！」
「勾手指尾！」
.
方晴真的伸出手指尾，我自然乖乖跟從，再加上手指公的蓋印。
「信我！」
.
Facebook：微言




Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈