《只有一棵樹的森林》: 第二十四章

在跳球前，錢通走到我身邊輕佻地說：
「等陣輸左唔好喊呀，今日就打殘你！」
「哦～」
.
我們排球隊出身的中鋒，論彈跳力又怎會落敗，輕鬆地把球拍到杜杜手上，我一衝刺就跑到入禁區，接應杜杜的長傳輕鬆上籃，領先二比零。
.
「訓醒喇小朋友，唔好變左谷德超先得架。」
「你！」
比賽初段十分緊湊，雙方互相取分，但由於我們內線能力較遜，被對手看穿，頻頻得分。
比賽分上下半場，各打十五分鐘。上半場完結時，對手稍以三十九比三十三領先我們。




.
「呼…呼…呼…」
看見大家都未習慣比賽的節奏，尤其是波仔，體力將近透支，下半場必須休息。而杜杜在苦苦堅持的情況下，體能也加快消耗。
.
「大家,我知今場並唔易打！但係希望大家可以頂埋佢！」
「係！」
「下半場波仔同杜杜休息，大家輪流上場體驗下！」
「隊長！」
「呢個係我嘅決定，我會負責」
.




面對着對手強烈的攻勢，我們就用體力搭補。
「做咩呀？提早投降呀？」
「你理得我姐，輸唔切呀？」
「你講咩呀？」
「夠膽咪單挑」
「挑咪挑」
果然兩兄弟都是同一性格。
.
他要求隊友讓開位置，由於他和我一對一單打。他先施展幾下插花，看我不為所動，就強行切入，可是被我看穿路線，提早封堵，他卻硬要切入，結果被吹進攻犯規。
.




接下來，就到我的反擊。
面對着較矮小的錢通，我當然要向內線打。不斷背打壓入，然後轉身射球，輕鬆得分。
.
此時的錢通已失去平時的理智，不但不斷消耗自己的體力，還拖球隊的節奏，球隊的得分也因他的獨食而減少，本身由領先四十八比三十八，慢慢地追至五十三比四十五，再到五十五比五十二，再領先三分，終於忍不住叫了暫停。
.
比賽剩下最後的三分鐘，錢通除了體力耗盡，還受犯規纏身。
「杜杜，波仔跟住就靠你地，我係時候抖下」
「交俾我地！」
.
雙方在主將休息下，靠着副將的對碰。
杜杜在Kathy的打氣下，一口氣連取七分，波仔亦不甘示弱，射入一球三分。二人帶領A班反超前六十二比五十九。
縱使對手盡力反撲，但為時已晚，最終以六十四比六十三落敗，我們成功取得首勝。
.
「好耶！杜杜豬你好叻呀！」
「全靠Kathy BB你打氣咋！




「等佢地仲咁串，今次樣衰喇！」
「咪住，隊長呢？」
「係喎，完場之後都未見過佢」
「唉，唔好理佢喇」
.
「你真係唔使落去同佢地慶祝？」
「又唔係贏冠軍，有咩好慶祝？」
「係喎，點解你頭先會叫杜杜同波仔休息嘅？」
「因為我想出位囉」
「講大話！」
「咁我地上半場打到盡都贏唔到，下半場佢地再咁博，之後就唔使打。一場輸左啫，之後仲有三場」
「咁你呢？」
「咁我係隊長黎架嘛，我都休息就會群龍無首，點知對面個傻仔又自殺喎，我都冇諗過可以反勝」
「叻喇你！」
.




Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈