《只有一棵樹的森林》: 第五章

 『喂呀駿，打波囉』
『好呀，驚你呀！』
『預埋我得唔得呀？』說話的叫波仔，傻傻地的書生，但千萬不要看低他，他在場上冷靜得很，三分球准得可怕。
.
落到球場，三人輪流射籃，玩h.o.r.s.e. 
.
『咦，乜兩位咁得閒落嚟呀』說話的正正是籃球隊的隊長 - 錢進。
『兩位親愛的隊員，做咩一見面就黑口黑面？』
『隊員？乜你兩個以前係籃球隊既咩？』波仔好奇地插口
『佢兩個仲要係非一般隊員，一入隊就做正選，然後半年唔夠就被踢出隊，簡直破哂記錄，哈哈哈』

『乜踢出隊，係我地自己走！』杜杜忍不住反駁
『係既，你鍾意點講就點講，anyway, loser always loser』
『你！』
『夠膽咪鬥番場波囉』
『我地走喇，去食飯』
我轉身就走，豈料
『都話你地係loser!』
.
『點解頭先唔同佢鬥啫？！！』杜杜深深不忿地問我
『鬥嚟做咩？鬥贏左又點？咪只會沒完沒了』

『係喎，話說你知唔知條柒頭都冧你女神，聽講準備行動』
『係咩？』
『咩係咩？！！難道你就唔擔心？』
『擔心d咩！擔心又唔可以改變d咩？』
『唉...』
.
看著場內的錢進，高傲的他確實串得起，中四就當了籃球隊隊長，隊史首位中四隊長，有錢到家中後花園有自己的私家球場。
.
不過，再強的人，也會有其弱點。
這個弱點就是我贏他的機會。

.
走下走下，竟然走到舊翼，望見排球場人山人海，走過去才發現，原來今天是排球隊的招募日。
.
『呀駿！』
我回頭看，一個身穿排球服的少女，一條瘦幼的長腿，加上瘦削的身材，天啊！
.
『喂！點解你會係度既？』
『無呀，食完飯路過，見咁多人咪行嚟睇下』
.
『方晴！』
『係！嚟喇！』
.
『我要過番去先喇，等陣上堂見』
.
看到現時的方晴，又是另一個樣子，球場上的她，冷酷嚴肅認真，怪不得可以成為隊長。

雖然只是中三學生，但對比中六的師姐，有過之而無不及，難怪鄧sir要三顧草蘆，請她轉來磊光？
不過，她為何又會答應呢？
.
不管如何，難得可以明正言順看著女神，我自然不會放過，看得癡癡呆呆。
.
『小心！』
『哎呀！』
.
相信大家都可以猜到，沒錯，我中波餅...
正當我準備大叫我的性器官時，
『對唔住呀，你點呀？』
『無...無事，少少痛啫』
『對唔住呀，我陪你去敷熱毛巾先喇』
.
『哎呀』

『痛呀？』
『少少痛啫，頂得住』
『對唔住呀，不過點解頭先你又反應唔到既？』
『Err...哈哈』
.
『係喎，你打籃球係咪好叻架？』
『唔係呀』
『唔係？我頭先睇你射波好準喎』
『頭先？』
『係...係呀，頭先食飯時見到你打波』
『哦~』
『但點解你唔入籃球隊既？』
『Err... 呢件事有d複雜，或者遲d有機會再同你講吖』
『好，但你唔覺得好嘥既咩？』
『道不同不相為謀，同埋我係出面都有球隊，所以都有keep住打既』

『咁你下次有比賽我可唔可以嚟呀？』
『下？！！』
嘩，女神突然的主動真的令我口窒窒。
『可...可以』
『咁到時記得同我講喇喎！』
.
看見現在的她，又是另一面，面腆又可愛。
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈