[有聲故][少甜] 我以後都唔會同Band妹拍拖: 第七章 SCENE 7

一月，一年的新開始；可是對我而言，是個面對上半年沒用功讀書的月份。發放上學期GPA成績那天，同學們都爭相登上學校內聯網看成績。我卻沒丁點衝動查看…自知GPA定不過三了。呀雪一向學業成績不錯，她這學期GPA拿了3.4 。但其他Band Soc同學好像全都敗陣了…
 
「唉！我GPA又跌左喇…得番2.9 …」
 
「收皮啦Jack！我跌到得番2.7炸… 搵Ada啦你…」
 
「Jack喺我隔離啊～嗚…我 2.6啊… 最衰Jack拎晒我D時間搞到冇時間溫書！」
 
「我得2.5 …」
 


「陰公豬 Bobo… 錫番！」
 
看到Whatsapp群組一遍愁雲慘霧，大家決定要以酒精沖走不快，便相約到尖沙咀喝一杯，互吐苦水。當天晚上，我比約定時間早了到達尖沙咀。我以短訊問呀雪在哪，她說有點東西要買，要完成購物後才會合我。在地鐵站出閘後，湊巧遇到彈貝斯呀傑，便一同閒逛。
 
「點呀呀傑，做咩悶悶不樂咁，因為成績？」在路上我見呀傑有點心神恍惚，似乎有心事。
 
「唔…唔係呀，我成績OK呀。」呀傑欲言又止。
 
「有咩嘢都可以分享下喎，大家巴打，講出黎幫你分擔下嘛。」此話所言非虛，除了夾Band，呀傑與我也經歷不少校園生活；一起走堂打電玩、天地堂一起摺拉（呆在圖書館）、下課一起挨頹Can （難吃的學生飯堂）… 只是最近我太專注於愛情，變得有點重色輕友。
 


「係呢，你之前咪話想追呀雪嘅。有冇進展呀？」呀傑突然把話題一轉。對了，他的認知仍停留在我想追呀雪的階段。
 
「呃…OK啦，約過出一兩次街，好似大家都有D意思咁…」想到呀雪不想把我們的關係公開，我只好把關係刻意淡化，平安夜那些情節自然絕口不提。
 
「巴打，我勸你再諗清楚D先去馬啊…咁…始終大家又係同Soc同band…仲有啊，佢大過你一年，你唔怕俾人講是非咩？」呀傑一臉正經的說。說也奇怪，呀傑本來是支持我追求呀雪的啊，怎麼突然口風叫我再考慮？
 
「…呢幾點我都知啊…而且你之前都同我分析過啊，做咩突然又叫我再考慮嘅？」我仍心裡充滿困惑。
 
「唔…」呀傑面有難色，似有難言之隱。「嗰日呢…」
 


「喂咁啱嘅！你地兩個約埋一齊黎？」正當呀傑要再說之際，我們竟在人來人往的金巴利道上撞到呀雪。
 
「哈，咁啱炸，唔洗報位置都撞到。」呀傑望著我，搔搔頭。「一齊行上去啦，我諗佢地都差唔多到啦。」呀傑向前指指，便走到我和呀雪前面領路去。
 
「咁早過左黎嘅BB~」趁著周遭充斥著普通話叫嚷聲，呀雪低聲問我。
 
「出黎諗住周圍盪下嘛。bb你呢，買左D咩呀？」我見呀雪兩手空空的，不禁問道。
 
「哎呀，講起就嬲喇。我睇中件衫冇曬貨，嗚嗚…」呀雪邊裝生氣邊裝可憐的神情很是可愛。
 
「bb乖，我地依家去飲番杯…呼…飲啖酒，所有不快都溜走！」上著斜坡說話挺累的。
 
說著說著我們已來到了諾士佛臺。初次來的我看到這條酒吧林立的小巷子，只能裝作鎮定的跟著人潮走。我們挑了一間人比較少的酒吧。幸好幾張桌子拼埋後夠寬敞，能讓Band Soc同學一起坐。
 
這晚出席的有我、呀雪、呀傑、Jack、Ada、Cindy、Debi，及Kin；Kin稀有地出席了我們的群體活動，他含糊地解釋剛巧在附近所以順道應約。


 
「半打啤酒，兩杯sex on the beach，一杯snowball，唔該！」Debi替我們下單。
 
「要多杯Manhattan。」Kin酷酷的說。若我懂得那些酒名，我恨不得學他這樣叫酒。
 
「喂，玩大話骰丫」呀雪遞來骰盅和幾粒骰子給我。
 
「我唔識玩呀…」我尷尬地拿著骰盅，頓時霸氣盡失。呀雪邊恥笑邊給我上大話骰速成班。幾分鐘後我便開始實戰，結果當然是不斷被罰喝酒。
 
「噢！又輸！呀傑飲！」另一邊廂的呀傑也好不了多少，只見他雙頰泛紅。「再黎！」呀傑興奮大喊，看來他已是半醉了。
 
大顆兒不斷喝酒和玩骰盅，玩累了便停下來，閒聊近況；當談到學業，大家都突然沈默，直至某人一句「唔講傷心嘢，飲！」然後又開始玩骰盅，不斷循環；這大概就是「同朋友落bar」的真諦吧。
 
「喂，今次我地四個男仔玩呀。」Jack提議。我、Jack、呀傑、Kin四人坐在一塊，準備來一場男人間的較量。首輪熱身呀傑已經敗陣，看來繼續玩下去我也不一定會包尾。
 


不出所料，呀傑之後連輸五輪。「呀傑你唔掂唔好死頂喎。南你同佢friend d，幫佢頂下酒啦。」Kin似乎看不過眼，忍不住開口，說罷Kin亦把烈酒喝光。
 
「我得！唔洗你扮好心！」呀傑有點情緒失控地高叫，把大家嚇呆了。
 
就在這個令人尷尬的時刻，酒枱旁的DJ開始播碟，播起震聾欲耳的音樂。
 

［Scene 7 音樂起］https://youtu.be/x8r_U6gxMhY
 

「咩扮好心呀，我關心你先叫你個兄弟幫你頂酒炸！」Kin不忿被罵，指著我大聲咆哮，我也分不清到底音樂大聲還是Kin大聲。
 
「你個仆街，原來你都知佢係我兄弟咩？！咁你對唔對得住我兄弟呀？」呀傑繼續暴走，說罷再喝光手上的啤酒。
 
「呀傑你冷靜D先…你講緊咩呀…？」滿腦疑惑的我按著呀傑膊頭，嘗試令他冷靜下來，同時亦在思考這是什麼樣的狀況。


 
「除夕你唔喺度嗰晚呀！我見到佢同呀雪拖住手行街呀！嗝… 趁呀南病搶人地個未來女朋友…屌好撚賤呀死厹」呀傑拿著酒杯，坐在沙化上激動地說。
 
「嘭！」其中一張放著骰盅和酒瓶的小桌子突然往空中翻滾。只見Kin站了起來，把整張桌給揪起反轉翻向對面的呀傑。
 
「起身！同我企起身！」Kin 活像電影中的黑社會小混混，給呀傑下馬威，同場的同學和其他客人無不震驚，有的更被嚇得尖叫。
 
豈料喝醉了的呀傑也非省油的燈，他推開小桌站起來，把手上的酒杯向地下奮力一砸。
 
「乒！」
 
呀傑一個箭步沖向Kin，Kin亦同時撲向呀傑。結果兩人雙雙倒在地上扭打著，不斷的拉扯和試著揮拳。
 
現場場面混亂不堪，不少顧客走避到出口處再拿出電話錄影。至於我們那枱，女生們都退開一旁勸架。「唔好打啦！」「喂！停手啦！快D幫手分開佢地啦」
 


呆了的我和Jack忽然回過神來，趕忙過去分開他倆。我拼命扯住瘋狂的呀傑，而Jack則拉著Kin。
 
「死厹！係咪想隻揪呀？過黎丫！」呀傑出言挑釁。
 
「乜撚嘢狗公呀！放開我！今晚我就要收佢皮！」Kin不斷掙扎，想要再撲向呀傑，他的眼神仍充滿怒火。
 
「夠啦，呀南我地夾佢兩個出去先。其他人冇事嘛？有冇人受傷？」Jack按著Kin，再冷靜地問大家情況。
 
幸好酒吧沒其他顧客受傷，亦沒有人報警。勉強把場面控制住之後，我和Jack先後把他倆帶離酒吧。臨離開時，我望了望站在一角的呀雪。呀雪呆呆的望著我，好像仍是驚魂未定。方才的打鬥，看來小不免要額外再附幾百塊貼士及賠償損壞的物件。但最讓我困擾的，卻是呀傑所說關於呀雪和Kin的事。除夕那晚，呀雪和Kin約會了？！
 

［音樂完］
 

我在路口截了的士送呀傑。呀傑上車不久已呼呼大睡，還好呀傑住學校宿舍，省了問他住址的功夫。在的士上，我不住思考著一連串問題。除夕那晚，呀雪和Kin約會？可是那天呀雪傳了家人飯局的相片給我啊…但呀傑無必要說這個大話誣衊呀雪啊…想到剛才的打鬥，Band Soc 同學們的關係想必會有破損；特別是我、呀雪、Kin、呀傑、Jack現在是同一個樂隊，真不希望大家多了一層隔膜。
 
想著想著，的士已到達校園宿舍。我花盡氣力把呀傑抬回宿舍的房間裡去。將他扔上床後，我索性在呀傑房間搬了兩張椅子，將它們排好當床躺下，轉眼便睡著了。