【劇情甜】港佬狂想曲: 第三章：神秘租客篇(8)

九、攻陷女同志（上〔2〕）

　　於是第二日雞雄就請左假，自告奮勇陪Carol入長洲搵渡假屋。原本Jacky死都唔肯畀Carol一個人同雞雄出去架，但係Carol話唔通叫佢一個人去宿營咩？有雞雄陪住，其他人先唔會懷疑家嘛。
　
　Jacky冇辦法，唯有死死地氣咁應承，但係又兇神惡殺咁兇雞雄，話如果佢敢掂下Carol一條頭髮，佢一定會殺左佢。
　　
「我……好驚呀！」雞雄嗤之以鼻咁潤返佢。

-------------------------------------





　　為左呢次宿營，雞雄仲專登去飛左個靚髮，又剃乾淨哂Ｄ鬚，著返套乾淨衫；行出黎竟然又幾肆正喎，仲有少少「玉樹臨風」既感覺添！（都話左佢執下個樣會似返個人架啦！）連Jacky睇到都有少少咄咄稱奇，Carol就更加讚不絕口，猛話佢靚仔！搞到連雞雄咁厚面皮都有少少面紅。
　　
雞雄同Carol兩個搭船入到長洲，租左間渡假屋。Carol就打左個電話返屋企，話畀佢媽咪聽話佢冇事，仲話聽日就會返屋企。跟住兩個人就晌渡假屋度齋坐左半朝，雞雄悶起上黎，就話不如落沙灘行下。Carol見冇野好做，就跟左佢一齊去。
　　
佢地落到沙灘行左一陣，就坐晌長堤邊睇浪。因為唔係假期，個沙灘冇乜人；雞雄忽然瞄到長堤果邊有條西裝友遠遠咁昅實佢地……於是就細細聲話畀Carol聽：「Carol，掂呀！真係有條友晌度監視緊我地喎。」
　　
Carol扮唔覺意咁偷望左眼，跟住點下頭話：「肯定冇錯！日光日白，仲著哂西裝黎海灘，呢條友肯定係Jacky老豆派黎監視我既；如果我冇估錯。應該係我媽咪通知佢地我晌呢度……」
　　
「下？」雞雄仲以為Ｄ私家偵探咁神通廣大添，於是又好奇咁問：「Carol，乜妳屋企人同Jacky老豆好熟架咩？」
　　




「係呀！」Carol答：「我地係世交，成日都有生意往來。不過我爹地媽咪都唔鍾意Jacky，話佢教壞我喎。」
　　
「哦……」雞雄恍然大悟咁話：「咁好正常喎！邊有父母鍾意自己Ｄ仔女搞基架？」
　　
「嗯！」Carol咬左下嘴唇：「不過，我真係好喜歡Jacky架？阿雄哥，其實你……你又點睇我地呀？」
　　
雞雄嘆左口氣：「妳可能唔鍾意聽，不過其實我都唔係好認同『同性相愛』呢種事！因為我覺得違背左大自然既規律，始終陰陽調和先係正道丫嘛。」跟住又凝望住Carol個靚樣，好深情咁話：「而且，我覺得好徙料囉！妳生得咁靚女，應該由一個真真正正既好男人黎好好呵護妳既……」
　
　Carol塊面紅哂，扭開頭避開左雞雄既目光，又有Ｄ感慨咁話：「但係Ｄ男人冇個好人！成日剩係想拉人地上床，而且仲個個都貪新忘舊。我以前都拍過拖……我個男朋友咪係見異思遷，溝左第二個囉！」
　




　雞雄見佢咁黯然，就輕輕攬一攬佢膊頭：「咪咁啦，Carol，談戀愛係咁架啦……妳以前條仔唔識珍惜妳姐，唔表示呢個世界冇第二個男人唔識架！而且，妳同Jacky……妳估真係會有未來咩？妳諗真Ｄ，妳真係捨得就咁離開妳Ｄ屋企人咩？」
　
　見Carol粒聲唔出咁，雞雄就繼續落嘴頭：「Carol，唔好話我撥妳冷水。我覺得Jacky好自私囉！佢鍾意妳，就要妳拋棄哂Ｄ屋企人同佢私奔。但係佢畀到Ｄ乜野妳先？」
　　
「……」Carol仲係唔出聲。
　　
「好！就算唔講其他人，剩係講返妳地兩個……妳真係覺得同Jacky一齊會好快樂咩？上帝點解要做男人同女人出黎，仲要專登做到佢地身體上有Ｄ唔同丫？無非就係要佢地兩性配合，孕育出下一代丫嘛。精神戀愛呢味野聽起黎就好似好高尚，但係肉體上既愛呢？有Ｄ野係男人先畀得到妳架……」
　
　Carol面紅紅咁：「雄哥，你講緊乜野呀？」
　
　雞雄見佢都冇嬲，一於再講白Ｄ：「Carol，我係話，妳以前同男朋友親熱果陣做果Ｄ野呀！女人同女人，點做呀？」
　　
Carol把聲細到幾乎聽唔到：「呢Ｄ野，我……我點知喎？我……又未試過！」
　
　「唔係呀嘛？」雞雄完全不能置信：「妳又話拍過拖既，乜妳條仔冇同妳扑過野咩？」




　
　Carol咬一咬牙：「就係因為我唔肯畀佢，佢先至會飛左我。」
　　
「咁點解妳唔肯丫？」雞雄有Ｄ好奇：「唔通妳唔鍾意佢？」
　　
「唔係！」Carol打擰擰頭：「我好鍾意佢，我試過畀佢架……但係佢實在整得我太痛！」
　　
「哦……童年陰影……」雞雄心諗。

(如果今日本人Facebook Page 達五十讚將加更兩篇) (各位支持下我個Facebook Page la
http://www.facebook.com/%E6%B7%AB%E8%A4%BB-445645792298358 )

待續……