【驚慄】《冥婚：血紅色的裙褂》點解會係我同你？: 二十一、復仇大計
二十一、復仇大計
藍朗蕎醒來，她正躺在⋯⋯一個玻璃瓶內。剛剛就是王玄天把她收進鎖鬼瓶之內，但為何王玄天會忽然這樣做？
未待藍朗蕎想通，一陣天旋地轉的感覺又出現，一陣力量將藍朗蕎從鎖鬼瓶中抽出，藍朗蕎倒在地上，四周卻是十分熟悉⋯⋯
這裡並不大，而且擺放了很多孫洋的相片⋯⋯這裡是孫老太的家！
只見孫老太跟王玄天站在一起瞪著自己，尤其是孫老太，眼神極怨毒，好像想捏死自己一樣！
「孫老太？」藍朗蕎驚叫。
「我終於等到今日，我終於等到今日！我要陳影紅個女陪我個仔一齊死！仲有柳絮個仔都會落埋去！」孫老太猙獰的說。
「點解會咁？王師父你點解要咁做？」藍朗蕎問。
「其實一開始⋯⋯都係我地既計劃。」王玄天淡淡的說。
「我一直都對幽山村既山妖傳說好有興趣，我就去左幽山村睇下，結果就畀我遇到孫老太。孫老太知道我係法師，佢就搵我幫佢手，想教訓陳影紅。」王玄天說。
「孫老太一早就聽到陳影紅同柳絮既計劃，只係佢咁多年都唔知點先可以報仇，直到遇到我。孫老太想你同嘉駿一齊死，咁先可以抵消返佢死左個仔既怨氣。所以我地就諗辦法引你地上來呢到。」王玄天說。
「我查左好耐先搵到你地，由鳳姨開始查⋯⋯到我知道你地而家既資料之後，我就將一張施左法既冥婚相放入你地既信箱裡面。點知係我放入嘉駿信箱既時候，佢就岩岩返來，我仲扮曬野提佢小心，搏佢信任，哈哈。」王玄天狡猾的說。
「你呢個卑鄙小人！」藍朗蕎怒道。這時，藍朗蕎旁邊的一個小木盒忽然不安的震動。
「介紹返，呢個木盒叫聚魂棺，用來收集我四處捉返來既鬼，幫我進行各種法術，借命呀借運呀，甚至煉屍⋯⋯」王玄天說。
「而呢個聚魂棺，都將會係你最後既葬身之處。」王玄天陰險的說。
「入左去就唔會再有輪迴投胎⋯⋯你既魂魄就會變成我需要既能量⋯⋯你就永遠唔會再存在係呢個世界任何一個角落，陰間陽間，都無你既位置⋯⋯」王玄天說。
忽然聚魂棺湧出一道紅煙，紅煙化成一個似曾相識的女人⋯⋯是郭小蘭！
「賤人！」郭小蘭對王玄天大罵道，王玄天倒是有點驚訝。
「唔通設計仲未完善？點解佢可以走返出來⋯⋯」王玄天嘀咕道。
「係你同我講，我之所以畀山賊輪姦然後死，係因為佢兩個畀陳影紅送走左而激嬲山妖，所以山妖要懲罰所有離開幽山村既人。你就話我聽要去搵佢兩個報仇，點解你要最尾阻住我！」郭小蘭怒道。
「我係要利用你去引發跟住既所有劇情，而你既作用都已經完結，你可以安心消失。」王玄天說，郭小蘭面目兇狠，她衝過去想一把捏死王玄天！
王玄天取出幾道符，將符貼到郭小蘭身上，郭小蘭馬上被灼傷，痛苦的慘叫著。
孫老太這時已經躲到一旁，而藍朗蕎則想幫忙對付王玄天。
郭小蘭忍痛撕下符紙，可是符紙帶給郭小蘭的烙印卻變成了詭異的綠色火焰，燃燒著她！
「養唔熟既就唯有燒到你魂飛魄散。」王玄天說，郭小蘭痛得跪在地上，被烈火焚燒⋯⋯直到甚麼也不剩⋯⋯
藍朗蕎現在方知道，有時候鬼並不可怕，可怕的是人⋯⋯人心的黑暗遠比鬼妖神怪的恐怖、黑暗。
「你唔好憎我，我只係受人錢財。我最大既目的都係藉呢個機會引隻山妖出來，然後捕捉佢，諗落我都算係打算幫你報仇。」王玄天走近藍朗蕎。
「你地真係好恐怖，你地比山妖更加可怕更加可惡呀！」藍朗蕎大叫道，四處的玻璃甚至被藍朗蕎震碎！
「估唔到你呢隻新鬼都幾厲害，咁就岩喇，入去等我發落！」王玄天結了個手印，然後小木盒便將藍朗蕎收了進去⋯⋯
-
「點解佢咁耐都未返？」嘉駿躊躇的踱步。
「可惜我見佢唔到⋯⋯唔係我一定出去搵佢。」鄺子仁說。
「你岩，睇來真係要出去搵下佢！」嘉駿說，卻不慎掃跌了玻璃杯到地上，玻璃碎到滿地都是。
「唔知點解⋯⋯我有種好不祥既感覺⋯⋯」嘉駿皺眉頭的說。
「我地快啲出去搵阿蕎！」嘉駿說完便奪門而出，鄺子仁緊隨其後。
-
藍朗蕎在木盒之內，裡面卻絕非空空如也，而是有很多慘痛的悲鳴聲，有好多白色、綠色甚至少量紅色的「人」正在呼叫，他們似乎都很慘痛⋯⋯
「蕎？係咪你？」一把溫柔的女聲忽然響起，藍朗蕎看去，發現一個自己未見過的女人正在跟自己對話。
「你係⋯⋯」藍朗蕎問。
「我係柳絮，係文駿⋯⋯即係嘉駿既媽媽。」柳絮說。
「原來係伯母！點解你都係到⋯⋯」藍朗蕎說，她總也不會想到，第一次見家長居然是這樣的情況⋯⋯
「都係畀個個邪術師捉返來，而呢到所有既鬼魂都係佢係出面收集返來，有唔少都係孤魂野鬼。」柳絮解釋道。
「我地一定要救返嘉駿！佢下個目標一定係要對付嘉駿！我地一定要出返去！」藍朗蕎緊張的說。
「係你一定要出返去。」柳絮說，藍朗蕎不明所以。
「我？咁你唔一齊？」藍朗蕎問。
「有得走，我地緊係想走，我地呢到每一個都好想離開，但我地各自都唔夠力量自己離開，我地只可以集中力量畀一兩個離開。但有更多既人會諗，走左又可以去邊？有唔少已經困左係到好耐，就算出返去，都無意義⋯⋯」柳絮說。
「你岩岩展示左你既力量係好強，因為你仲有信念，你仲有使命，你令我地見到希望。你要幫我地解除呢個籠，至少⋯⋯唔好令到我地既後代再受到呢種咁唔公平既對待⋯⋯」柳絮說，這時四方八面都有不同的鬼魂走過來，看著藍朗蕎。他們各式各樣，有男有女，有老有嫩，有不同的死法⋯⋯但他們的眼神，同樣灌注著信念。
「幫我地。」「幫下我地。」「幫我地報仇！」「幫我地呀求下你！」
聲音此起彼落。
「記住幫我照顧我個仔，我將佢交比你，我之前睇住你地共患難⋯⋯真係好感動，幫我同佢講再見⋯⋯如果我可以有來生，我一定會再做佢既媽媽，做一個⋯⋯」柳絮哽咽的說。
「做一個稱職既媽媽⋯⋯」柳絮說。
「你已經好稱職，伯母，等我地一齊去反抗，對抗呢個不公既儀式，仲有呢個邪師！」藍朗蕎說，柳絮點點頭。
「陣間我地會集中力量送你出去，你出左去之後要一直跑，跑去搵嘉駿又好或者你媽媽都好，總之唔好諗住同王玄天搏命，你未係時候亦未夠力量同佢死過。」柳絮說，藍朗蕎點點頭。
「各位，預備喇我地！」柳絮高呼道。
-
「跟住就到個個小賤種阿駿⋯⋯我要佢死得好慘！」孫老太不斷重覆的說。
「喂，你肯定冥婚個陣，隻山妖就會出現？」王玄天問。
「佢唔會現身⋯⋯但佢絕對會係到⋯⋯係我地周圍⋯⋯又或者係我地其中一個觀眾⋯⋯」孫老太詭異的說。
「咁就好⋯⋯總之我一定要捉住佢⋯⋯一定要！」王玄天說，這時聚魂棺又傳來異動。
「又咩事？」王玄天正要去察看聚魂棺的時候，聚魂棺忽然湧出一道白煙，甚至撞倒了王玄天和孫老太！
白煙化成藍朗蕎的模樣，王玄天一臉驚訝，藍朗蕎笑了笑，然後便開始狂奔！
「咪走！」王玄天見狀，馬上追出去。
-
藍朗蕎全力的奔跑，她只想全力擺脫王玄天，以及盡快找到嘉駿。怎料她轉身一看，王玄天已經消失不見。
「佢無追來？」藍朗蕎感到奇怪，忽然又有一種即將被人吸走的感覺！
「又係鎖鬼瓶？」藍朗蕎驚訝的說，她奮力抵抗這種吸力，但她還是沒法敵過王玄天的法力，一步一步被吸⋯⋯
忽然，有另一種反彈力量出現，打斷了吸著藍朗蕎的吸力，遠處的王玄天手上的鎖鬼瓶更加爆開了！
藍朗蕎還沒回過神來，有一個她素未謀面的黑實壯漢出現，他看著藍朗蕎。
「呢邊！跟我走！」壯漢說，然後便跑去，藍朗蕎雖然不認識他，但感覺上他就不是壞人，至少比王玄天好，於是便跟著他跑。
轉了幾個彎之後，壯漢才停下，王玄天也沒有再追來。
藍朗蕎看著壯漢，感到奇怪。
「點解你會睇到我？你到底係咩人？」藍朗蕎問。
「我係王玄天師兄，我叫古一⋯⋯我係來阻止佢。」壯漢說。
未完待續