【英雄系列0】石仔特工系列: 3.9 Perfect Blue

「特工小隊037組,雖然你地響今次既行動中成功拎返屬於美國政府既印鈔電版的確值得一讚..」眼前既幾個西裝友正在宣讀對我既指控
呢度就係IID既'法庭',位於告羅士打大廈既頂樓,即係boss間office既樓上
「但係..之後竟然為左私人理由將塊電版交返比Sombras既幹部..你地知唔知呢個行為已經違反左IID特工條例第76條..」

「得啦..」我打斷佢地既對話:「成個行動係我決定既,你咪炒我囉」
其中一個西裝友繼續追問:「但係cctv見到,你同林千柔係一齊出現響中文大學果度..」
「因為我係揸住槍逼佢架囉,完全唔關佢事」我繼續講:「比著你老婆比Sombras捉左去,你都會好似我咁唔理後果咁救佢啦下話...你地咪扮到高高在上咁啦」

佢地四個交頭接耳左幾分鐘,終於由其中一人對我作出裁決
「石至磊,我地四個仲裁委員一致裁定...免去你IID特工既職位,你既戶口亦會即日凍結,請你交出配槍同埋特工執照」


我拎出配槍同執照,放響佢地既面前:「都好既,我都唔想再幫你地呢班冷血鬼做野」
講完就轉身走人,眼尾都唔駛望佢地

一打開門,千柔等人都已經響哂度
「石仔..點呀?」
我輕輕一笑:「炒我囉,槍同執照都比返佢啦」
boss問:「真..真係無轉機呀?」
「屌!仆街!」
阿昇同新月說罷就衝入'法庭'



「屌你老味!石仔依家係救佢女朋友先交塊電版出黎姐,你班冚家剷係咪冇血性架!」阿昇指住四人破口大罵,並將執照掉落地下:「我依家唔撚撈啦,仆街!」
新月亦交出配槍同執照:「我都唔做啦」兩人就張揚而去

兩人一出門口
「喂你地諗清楚未架!咁樣屌法真係冇得返轉頭架喎」boss問
「諗得好清楚啦!石仔係我地既兄弟,我地唔會要佢一個承受呢個結果既」
我苦笑:「哈,真係唔知話你地有義氣定蠢好....咁千柔你..」
千柔好似有口難言咁:「我...」

boss為佢講:「千柔已經正式向我辭左職」


雖然我應該感到驚訝,但係因為我知道佢做特工既真正原因
所以都冇太大既反應




「石仔,多謝你車我返屋企,仲要你幫我拎埋行李上黎tim..唔該哂呀」千柔拉住行李袋入屋
「唔駛..好小事姐....千柔你之後有咩打算呀?」
千柔坐上梳化:「唔知架,應該都會繼續讀書既...暫時都仲未搵到新既目標」
「咁你既舊目標,係指搵返我呀?」我問
千柔紅起臉,點頭
「嗯..依家搵返你,我就可以唔駛再做特工啦」千柔企起身:「石仔...」

千柔冇等我反應,一野就錫左落我塊面上
「千柔...你」我當堂呆哂


千柔眼紅紅,微笑道:「我冇咩野可以報答你...咁唯有送我既first kiss比你啦,ok丫嘛?」
「即係話,你同果個James都冇錫過?」
佢扁起嘴:「冇呀,佢追到我之後就係咁出去蒲,我同佢街都冇乜點去過呀」
「咁你就快d搵返個比佢好一萬倍既男仔啦」我摸摸千柔既秀髮:「仲有,你仲差我一餐buffet喎」
「嗯!點都一定會還比你既!咁你地三個依家點呀?」
我:「唔知呢..可能繼續追塊電版既下落掛」

同千柔道別之後,我就落返去樓上拎車
雖然同千柔只係相識10日都唔夠,但係我同佢既感情就好似比同瞳瞳既仲要深
今次既道別並冇上次同rina,airi既咁傷感,因為只要我仲響香港,就仲可以見到千柔

「hey boy tell me why」剛好,電話響起
「喂,阿昇做咩呀?」
「其實..果日響保險庫果陣,我已經響個提款箱既罅隙度...裝左一個納米追蹤器」
「係?!咁依家塊電版去左邊呀?」


「美國...洛杉磯比華利山」
我嘆一口氣:「咁遠呀,咁我地...」
阿昇:「就緊係儘快去搶返埋電版啦!」
「但係,得我地三個咋喎...」
新月似乎係搶左部電話:「石仔,我頭先已經...搵到『果個人』啦」
「不過..佢既處境比較麻煩,因為佢似乎爭人幾百萬街數」
「咁...反正今次任務有二千萬酬金,一半比返千柔....」


「石仔...你唔係想...今次既行動比佢加入埋下話?」