自從那一天，我改變了: 第三章 (6)

~「唉……實死啦！」一名男子坐在禮堂地上。
原來係之前喺舞台上，講「抽籤」嘅方法令部分人存活方法，但自從「瑩瑩事件」之後令眾人互相不信任，令他連一絲生存希望都消失了。
「喂，男人大丈夫，流血不流淚。又唔代表你死梗嘅！」Rocky對佢講。
「你咁講，即係有辦法啦！」佢半信半疑。
「嗯……暫時無咩頭緒，都係見步行步啦！」
「唉……仲以為有希望……係喎，我都未自我介紹，我叫阿寶呀，多多指教……」
然後我地各自向阿寶介紹自己。
介紹完之後，除咗我地八個之外，其他人都走咗去啱啱果位向大家宣怖有一個方法能夠公平地拯救一名玩家嘅男人到，他身型非常高而且健碩。
「不如過去睇下發生咩事囉！」阿寶講。
「嗯！」




而我地見到嘅畫面，係數名玩家正在為那名健碩男人揼骨。
「舒唔舒服呀，凱哥？」
「落啲大力啲，你禁唔啱位呀！」
「凱哥，果汁呀，唔知你喜唔喜歡呢？」
「嗯，爽呀，我最鍾意橙汁嫁！」於是那個人一口就將支橙汁飲哂。
「好！我決定咗喇，今次大家就投呢位俾橙汁嘅少年喇。」
「真嫁，但我地點樣令投票嘅票數統一？」俾橙汁嘅少年提出疑問。
「我自有辦法！」
「吓，佢只係出支橙汁但我出盡力喎。點解佢有得被救贖但我就無，真係好唔公平囉！」為那名健碩男人揼骨嘅少年不滿地說。
「呢位少年，呢個世界就係咁唔公平，一嚟提供物資永遠完勝提供勞力者，因為勞力嘅無限，物資係有限嘅。如果你唔做，大把人能夠替代你，但我手上嘅橙汁係呢位少年擁有嘅資源，如果佢唔比，我就無，而且其他人都未必擁同佢一模一樣嘅橙汁，呢個就關乎替代性嘅問題！所以，沒擁有資源嘅永遠被不受尊重！」




兩嚟你呢，就一啲都揼唔啱位，一啲都唔舒服。咁你話我俾佢一個生存機會係咪好合理先？」呢位大隻佬鄙視佢道。
「凱哥點咪點囉！」
「喂，你地幾個，咪十下十下咁喎！」
「將你地部電話拎出嚟，距離投票時間都差唔多喇，唔單止你地，全世界都係。」
「痴線，咪理佢！」阿寶對那位健碩男人非常不滿，示意我地離開。然後正當我地離開，卻被六位男同學阻止。
「你地一日未投票，一日都唔係指意離開凱哥視線。」
「無辦法啦！」Rocky顯得非常無奈。
原來佢用呢個方法令票數統一……
凱哥，應該係同那位少年理論果個健碩男人。原來佢身邊仲有六名守衛服從佢，而佢地應該係「吊頸遊戲」生存落嚟嘅同伴。
於是我地喺佢地監視嘅情況下投票。




結果真係果位橙汁少年通關。
「好耶，多謝凱哥，唔係你，我都唔知點算好。」果位少年心存感激，應該係真心嘅。
「切，真係討厭呀，果個叫凱嘅人，明明我俾佢更落力！」反之，眼前呢位少年卻非常不甘心。
「嗱，我無呃你地喇，淨低咁少年少們，只要你地肯服待得我舒舒服服，我一定幫你地渡過呢關。」
生存人數：25
優勝人數︰5