自從那一天，我改變了: 第三章 (5)

~「我？」我指向自己，滿腦子疑惑。
「對呀，自從你弒神的那一刻，我地已經被你嘅行為吸引咗，我地好佩服你嘅勇氣。」
「所以，我地有心理準備將性命託付於你。」
眼前看到那四名連死都不怕嘅人企喺我面前，話會幫我協助。
令我諗緊起夏村喺「吊頸遊戲」講嘅一句話
「優，就等我同你分擔一下風險啦！」
自從我聽到呢句話之後，我覺得自己唔再係孤單一個，我渴望嘅唔係追求強大，而係信任同為我分擔嘅人。
同以前嘅校園生活相比，各種欺凌，排擠，杯葛等行為，令我失去對嘅信任同情感，漸漸覺得寧願少結交朋友，都不應對人太熱情，因為受傷始終係自己。背叛，出賣……我不想再遇到……我好怕交朋友；然而，當參加咗呢個遊戲，我開始明白靖仁口中所提及的同伴的意思，同伴需要互相扶持，甚至是為他犧牲！我個心情矛盾，一方面將所有事情扛上身，另一方面想抒發情感，但我卻找不到對象，應該說我所信任嘅伙伴。
靖仁，夏村，甚至最親的皓宜，是否我最相信的人嗎？或者佢地真係我需要相信以及保護！
「好，不過我打算等靖仁同Rocky獲勝後，我先至成為生還者，因為佢地係我嘅伙伴！」




「咩話？林優，呢句係你嘅心底話呀？」靖仁臉上露出興奮嘅心情。
「係呀係呀係呀！」我一臉唔耐煩，但靖仁知我表面唔歡喜，不過在心中佢已經喺一個重要嘅位置。
皓宜，我一定會成功嘅生存落嚟，妳對於我嚟講係一個不可失去嘅同伴，喺「投票遊戲」當中。我嘅一個眼色一個動作，妳完完全全了解我心中嘅用意，如果無妳喺到嘅話，我相信我未必生存落去；再加上妳其實係一個需要人地保護嘅女仔，表面上能夠帶上一塊面具面對每一位陌生人，甚至係我，但妳內心其實好脆弱，。上一刻妳強顏歡笑，下一刻便想找一個同伴為妳分擔，妳如今需要一位值得依靠嘅人。所以，我更加要堅強地活下來。
夏村，我還記得那一個擁抱，仲記得當我喺最脆弱嘅時候安慰我，雖然我當時無喊，但內心正處非常崩潰嘅狀態，多謝妳，妳不但無當我係一位外人，反而仲向呢個外人伸出援手。由從果一句安慰，果一個擁抱，果一股香氣……如今仲歷歷在目！妳，唔單止係我精神之柱，而且亦係一位值得我重視嘅女強人。
妳唔單止係女強人，仲非常重視同伴嘅人，同記得第一眼認識妳，妳係一位高傲，疑心重嘅人，但可能係因為果條白癡仔嘅關係，我同妳嘅諗法開始改變，原來我地果時都係一個心是心非嘅人……
「林優，你眼濕濕嘅？」
「無……事，有沙入眼啫！」一句打發了靖仁對我嘅疑問。
正當我地七個人討論正興高采烈嘅時候。忽然有把聲從舞台傳出一把雄厚嘅聲音。
「試咪試咪，好！我有事想同大家講，關於投票一事。雖然先前嘅『抽籤』方法泡咗湯，但我諗到另一個嶄新嘅方法，既可以選出生存者，又可以令投票一事公平公正。只要你地肯服從我地嘅話，我保証你地生存。」
大家你一言我一語，顯得不知所措。




生存人數：26
優勝人數︰4