有個混血妹同我講，話想同居: 感情斷捨離
下一天接近中午
「唔～～～～～～」睡眼惺忪頭髮凌亂的妧珊，伸起懶腰的步出房間
「嘩！咁晏㗎原來？」
「點呀，煮過麵你食？」在沙發上摸貓的焌文道
「唔～唔該你～」
「係呀，我尋晚……有冇嚇親Sherly？」「仲好講？就係尋晚激動到攰，之後先瞓到咁晏」 ——————————————————————————————————————
「我屌佢老母！條仆街哂咗我十年，係十年呀！
唔撚係冇提水，條柒頭仲係戇撚鳩鳩，乜鳩都冇plan過
女人三十歲前係最寶貴㗎啊！」
「唔係某啲拜金臭閪嫌三嫌四，唔肯過普通生活
事業有成？信撚咗碌戇鳩咁撚多年，唔係冇信
唔係為錢喺一齊，只係要個承諾」
「嚟料喇，貓撚咗就變另一個人」焌文道「啱啱佢仲會擔心，係仲有理智」
「喵」（乜咁好火呀姐姐）
「小冰，返房瞓陣？」雪兒怕會嚇壞小冰，她正要抱起小冰
「喵」（唔使）「喵」（都慣咗）將重心移下的小冰覺得在客廳很舒服，她亦喜歡和他們一起
「你有壓力佢有壓力，明嘅
我會分開Daisy同珊姐兩個身分嘅」焌文眼神中流露出一絲不安，在旁的雪兒觀察得到「真係好」焌文摸起雪兒的頭，被摸的雪兒被摸得舒服「幾驚形象幻滅」
——————————————————————————————————————「雪～！」婉珊大口的吸入最後的麵條「Thank you~」
「非常好，起碼食得哂」焌文站了起來
「難得分咗手，是時候整個—『甩手恭喜套餐』」
「吓？」在喝味精湯的婉珊，被焌文的話拉回現實
「的起心肝斬纜，掉撚哂佢啲嘢，佢唔配覇住你
一陣夜深人靜，你又無啦啦諗起條柒頭」焌文繼續道
隨後焌文戴起口罩
「大小姐，你同小冰玩陣？」
「有無咁大陣仗？都係嘅，佢未必想多樣嚇親我」
「最撚柒嘅都大解放咗啦，你真係好彩
呢個樣你係咁多個入面第一個見證到，除咗大力妹
仲有，條女撚有咁小心眼？如果你唔介意幫拖，佢多謝都嚟唔切」
「我可唔可以幫手？」雪兒問道
「真係OK？」婉珊反而如此回應
「喵」（搞邊科？）本來被雪兒抱住的小冰，被放到地上
「我哋入去打仗，唔好入嚟吓⋯⋯」蹲下來的焌文溫柔地摸起小冰
「喵」（？）
焌文一打開房間，裡面亂得有如廢墟一樣
物件亂成一團，被隨便掀起的床上已是房中最整齊
「Daisy，估唔到你會係咁⋯⋯」
「呢度叫好啲㗎喇⋯⋯」焌文想起當初兩姐妹在住時，他們家是怎樣
「之前仲恐怖⋯⋯」————————————————————————————————————— 「救命呀，文⋯⋯！」電話另一邊是求救的女聲
「乜事呀？叫到我個心離幾離⋯⋯」紅髮少年被吵得將電話拿開
「有⋯⋯有有⋯⋯呀！唔好，唔好哇哇哇哇哇哇呀呀呀呀呀呀呀呀呀！」電話傳來女生的驚叫
「唔講仲諗住有咩變態佬係你屋企⋯⋯」
「我同你無仇無怨，點解要咁對我？」妧珊哭了起來，在震抖哭喊着
「咦～你同緊邊個講嘢？」焌文身旁的灰髮女生問道，女生一副低胸緊身連身短裙的打扮非常誘人
「一個似表妹嘅表姐，走先」焌文道「一陣見」
「吓～？仲未夠皮啵我哋～」想留住焌文的女生拉起他的手
「再搵你啦，唔？」焌文跟女生抱了一下，就走了
Daisy家
「嚟咗喇～？入嚟吖⋯⋯你咁大汗嘅？
係邊度過嚟？」穿著中學運動外套的Daisy將家門打開
「唱唱吓K聽到電話，之後就狗衝過嚟
算係咁啦？」脫了鞋的焌文，就入屋了
「嘻嘻⋯⋯你真係好～」感到安心的Daisy抱住焌文
「究竟我係你表弟定係你表哥？救命⋯⋯」
「整返罐順返個人先啦～」Daisy從雪櫃拿出一罐可樂給焌文
「其實你屋企係咪得啤酒同可樂？」
「差唔多啦⋯⋯」
「如果啲學生知道你私底下咁，實會嚇親⋯⋯」與在學校的型象不乎
溫文爾雅的她，沒人會想到她會喝酒
「執咗未？」妧珊怕得瑟縮一角
「執咗喇」
「好彩有你咋～」妧珊安心的笑得燦爛
「喂」正當妧珊放下心來，焌文徒手拿起蟑螂衝向妧珊
「嗚嗚嗚嘩嘩嘩嘩嘩嘩嘩啊啊啊啊啊啊啊啊！」高八度的叫聲快要震破焌文耳膜
「唔唔唔哈哈哈哈哈哈哈哈哈哈」焌文被妧珊逗得捧腹大笑「我唔得喇，哈 哈 哈，好辛苦，咁衝過嚟就係想睇呢吓」
「嘩嘩，哈哈
點解你屋企成日都有甲甴㗎？」焌文還未停止他魔性的笑聲
「唔知呀⋯⋯」
「答案就係度」焌文指向遠處「你睇吓？」
在客廳放了今天吃完的老W早餐盒，還有前幾日未飲完的飲裝奶茶
「呢啲積咗幾耐？」焌文看見洗手台上的餐具，污垢已經變得乾硬
「一個星期掛？」
「What the fuck!?」焌文驚呼
看完廚房的慘況後，他看見沙發的一座衣服山
沙發頂還有隨手丟下黑色蕾絲性感胸圍一對
「你幾時著過？唔係啵，平時睇落你咁大⋯⋯」焌文用手比起妧珊的上圍大小
「係我㗎上個星期上___屋企嗰陣」回答的是婉敏，Daisy的妹妹
去完廁所的她有氣無力的走開了
男生的名字不是重點，反正只是其中一條水魚
（屌，呢條女真係同佢家姐係兩極，啲兵認真
佢就當玩⋯⋯都唔知佢邊樣好）
「無咩嘅，我瞓多陣先」婉敏昨晚是去了諾士佛台玩通頂，想當而然是有下場，一場長到日上三竿都還在進行的下場
當然就個黑色的性感外衣只是假狗四重奏的最外層
入面還有其他push up bra膠紙等等的
對她來說，家裡只是放家當還有睡覺的地方
姐姐什麼的有如無物，男友找她同居她會立刻搬過去
不知為何，全部都是住豪宅還有大宅的男生而己
這天是剛好和男友分手，然後回家短住而已
「算，屙返個尿再執」誰知焌文被廁所的畫面給嚇到
「呀呀呀呀呀呀呀呀呀呀！」焌文叫得比起某個唱「蟬沒有和唱」的男人更激動
「乜事？」妧珊走到未開燈的廁所前
「你收埋班人係度做乜鳩呀！」焌文大叫
「哦，冇收埋幾條咸魚喺度」婉珊平和的開了燈
「唔開燈，就似有個人望住我咁，望到我發寒」焌文指住一排貼了在鏡子上的假睫毛
「夜晚唔開燈去廁所，見到咋毛分分鐘嚇撚到瀨屎」焌文一轉頭望向Daisy，他的眼神充滿怨念「陳婉珊！」
「係陳婉敏㗎⋯⋯」她說著的時候，臉上掛着天真無邪的笑容
「果然係姊妹」雖然他一點都不喜歡大姐敏，可看着楚楚可憐的Daisy，焌文還在不忍心的要替她收拾乾淨
（大姐敏是外婆給妧敏改的暱稱）
與其在空想，焌文打算先做了再說
「小姐，你知邊啲係乾淨同污糟㗎？」
「呢堆係污糟嘅」Daisy指着其中一座山「呢堆係乾淨（洗完）嘅」
「好，咁你之前件薄紗放咗邊？」
「喺度」
焌文看了一眼薄紗睡衣，再將睡衣拿起到婉珊身前
（Wow，諗起都扯扯哋，清純外表加埋若隱若現嘅
唔得喇……）
正當焌文要冷靜自己的時，他看到旁邊的蕾絲內褲
（冷靜呀你，佢係你表姐，咪撚亂嚟）
努力冷靜的焌文，好不容易和婉珊一起摺好衣服，將
「到你房」
還有些衣服是放床上一字排開
「珊姐，你唔撚係呀？呢度仲有？」
「放心～呢啲係外套或者係未著嘅乾淨衫」
然而焌文看到了一件紫色的胸圍
（乜咁大膽呀？）
焌文看著這胸圍，他按了一下內衣的胸位
（無加料嘅⋯⋯乜佢有咁好濕材咩？）
「等等先，呢件係乜料」
「呃⋯⋯今日先著完嘅⋯⋯」Daisy說完後立即臉紅
（呢件唔通係⋯⋯？啱啱⋯⋯冷靜啲先，again，佢係你表姐）
「都仲瞓到吖～」在傻笑的Daisy，令焌文摸不著頭腦「仲有一個人身位～」Daisy將她說的「乾淨衣服」推向一邊
「唔好忘記，姐姐你仲有佢哋」焌文指向牆邊的大玩偶
有熊、無嘴貓還有在海水公園贏到的大海豚
「佢哋都用撚咗你三分一張床啦，加埋你啲衫又用咗三分一，你只係得返最後三分一⋯⋯」「你哋屋企咁撚柒亂，就梗係會有甲甴啦！姐姐」
「好攰呀⋯⋯」躺上床
「係我講嘅好唔好？本身係捉甲甴，點知要同你執埋屋」可是開櫃後，成堆衣物排山倒海的涌出，少年被衣物淹沒
「堆填區咩呢度」焌文從衣服山掙脫「大姐，我間房會亂少少啫，隔幾日就執一次，你幾耐無執過？」
「嘻嘻」Daisy對焌文傻笑
「都知你懶⋯⋯」此時的焌文，角色上反而像哥哥般
「你條仔見到會點，嚇鳩死佢啦」
「小問題啫，無人知咪得」
「眼不見為淨，你都係用腳一嘢踢落床下底之後當無事」焌文跪下觀察床下的災情「唉……有撚排玩」
待續