有個混血妹同我講，話想同居: 在你身邊
這天，是初夏來到的周五
對新聞社的成員來說，是趕稿的日子
把稿子完成的眾人，都陸續的倒在椅子上
「終於完喇～～！文少，稿……」光洙打字都打得手都震了
「唔掂喇我……」此時他電話響起了「喂～到咗喇？我落嚟接你丫」
「有女就醒神，無女就雙目無神」怕醜仔低聲道
「執下張枱啦你！睇下？又有稿又……亂到呢？」紅髮少年看到黑馬尾女生的工作檯亂到不行的，忍不住吐嘈
「知唔知呀，有嘢做先會有多嘢係枱度，做嘢架嘛我！」
「快啲執咗佢！救命，你哋一個二個都係咁撚樣……」少年指的是同住的兩位女性，還有馬尾女
「得喇得喇，怕咗你…無file同紙係上面，張工作枱要嚟仲乜？」
「係啵，光洙去咗邊？」
「話接人啵」舒雯輕輕說道
「揀女都係小心啲好，就好似男神個ex
姚明成日都俾佢蝦
個八婆見佢好相處，就下下都針住佢嚟玩，仲成日叫佢幫手，又唔撚係佢啲兵！
男神又係嘅……」焌文不停的埋怨著，因他是最大受害者
「一講到啲港女，你啲火就收唔到」雪兒有如哄小孩的安撫紅髮少年
「係呀嘛！俾我飲兩啖丫」雪兒將她的可樂給了焌文，兩人在用着同一支吸管，喝了一點甜東西後，焌文的怒火才下了一點
「你兩個……Sherly對佢……」
「見西米露咁嬲，咪俾囉，It’s not a big deal」
「咪係，我哋無嘢架」焌文一下子把可樂都喝完
「哦……好啦」馬尾女看了一下混血少女，眼神中有「我可很清楚你想幹嘛」的意思
「到未呀，好熱呀～」帶文青氣息的曲髮女生對光洙撒嬌
「到喇，呢班就係我提過嘅兄弟喇。」光洙為少女打開了門
「Halo，點叫你呀？」光洙每次帶出來的都是不同的女生，而現在這個是另一個
少女身上穿上黑色棉衣設計華麗，可以看得去是讀貴族學校的
「叫我Christy丫」不過幾位高人都不會記就是了，反正過一季又會換一個
（咁都俾你溝到，勁）大隻仔如此的想
（正呀！）焌文快要受不了，他轉頭看了看雪兒的方向（點解今年會多咗咁多靚女？）
「你哋點識架？」焌文隨便的打開了話題
「有個姊妹拉我睇學界，本來無乜興趣，點知一睇就覺得好正
佢打波又勁，於是搵咗佢影相……」
「哦，今次係fans～」
「得喇！」光洙用手塢住焌文的嘴，他小聲的對紅髮少年說「幫幫手，識咗無耐咋！」
「你哋都幾fd啵」雪兒加入戰團，她這句是要確認二人關係
「梗係，兄打嚟㗎嘛」鬼食泥的焌文拉開光洙的手，這是光洙第一次如此緊張，這下他明白是怎麼回事
（得米後，打邊爐我請！）光洙心想
好不容易，姚明終於到了學校的四樓。拿着兩大包零食的他，是提早完成了稿子的社員之一，於是負責買零食
袋子裏面有洋芋片、點心面、軟糖，甚至連杯面都有
「你班撚樣買咁多嘢，好重……早知要埋大隻仔嚟」大隻仔起初有提起過要一起去，可姚明以為自己應付得了，就拒絕了
突然有個女生從廁所出來，正四枝無力的走着，姚明看見就上前關心她的情況
「莊泳悠，無事嘛你？」帶點嬰兒肥的少女雙目無神，姚明本來是想扶她到旁邊的，
「無……」
突然的，女生倒下了，藥物包裝從緊握著手的少女手上滑了下來
「喂!見點呀你？莊泳悠！」姚明急忙扶住女生，然後就打了給在新聞室哈啦着的區長
(鈴聲…)
「邊個呀？」大隻仔想知道是誰令眾人沒花生吃
「姚明囉，搞乜春呀？明明wts咗個list俾佢啦！」區長接起了電話「喂～！做乜勁？」
「區長！我而家係四樓見到莊泳悠，佢而家瞓低咗呀，快啲過嚟幫拖呀！」
「咩話？我即刻落嚟！」區長連忙後抽屜裏取出急救包
「無事呀嘛？咁急嘅，衰仔做咩呀？」坐在office chair的焌文正轉着椅子，一副準備要開吃的樣子「餓死我啦～」
「莊泳悠訓低咗呀！」區長將急救包背好後，就疾步的跑去了
「我哋落去睇下有咩幫到手？仲坐？」舒雯她們都要下去幫忙的時候，唯獨焌文還是沒上心的樣子
「有你哋咪得……」還未把話講完，他就被舒雯一下從位子拉走了
「乜料？」區長用跑的到了姚明在位置，只見泳悠有氣沒力的倒在姚明身上
「佢腳步浮浮咁行，之後就突然累低喇」
「好」只見區長迅速打開大型急救包，裡面除了一般的棉花，生理鹽水外，還有血壓計等的裝備
「即嚟」大隻仔拿起電話來
他拿起了夾型的血氧測量儀，夾住女生的手指
「平時佢都唔係咁架，上堂都無咩瞓教……」姚明想不到是什麼原因令她倒下
「你估人哋係你咩？佢呢啲乖乖女嚟架！」大隻仔忍不住吐嘈
「莊泳悠！我係區志良，聽到我講嘢就應下我，莊泳悠？」區長大聲的喊著，可少女沒有回應
「係咪原因搞到佢暈？」焌文覺得事情有點可疑
「係咪因為呢樣？」怕醜仔拿起了一個藥物包裝「區長。」
區長看了看，面色一沉，他拿出了血壓計
「乜嚟？」焌文間道
「事 後 丸」區長仔細的把包裝上的字都看完後，壓住怒火的道出是何種藥物
（仆街，今鋪杰喇）直覺告訴焌文，這次的事情會很麻煩
「呢度係？」少女緩緩的張開眼，暈眩的感覺還沒有消失
「你醒咗啦？」向少女說話的，是舒雯
「點解你哋會？」泳悠看到床邊站著三個女生，分別是雪兒、舒雯還有Christy
「你岩岩係學校累低咗，係佢哋送你過嚟嘅」
「佢哋？」
「係七高人佢哋」泳悠想起了倒下前見到姚明，然後就忘掉了
「你好，我叫Christy，係光洙嘅朋友，泳悠仲有無見唔舒服？」Christy知道自己出現可能會令泳悠不解，她作自我介紹
「有啲頭暈…同埋攰咁」
「呀文？泳悠係邊？」Daisy氣喘吁吁的跑到病房
「點呀，搵到佢父母未？」焌文問道
「打極都唔通」
「搞乜撚呀，自己個女嚟架，都唔理咁」
「你岩岩都係咁啦，好意思仲話人嘅？」舒雯盯著焌文
「點知咁撚大獲先得架」
「咁之前又撲出海旁搵人？仲要去到飛的？」舒雯追問著
「邊同？同佢又唔熟，再講呀有你哋咪得囉……唔使我都得啦」嘴上是這樣講，可真正的原因，是焌文只對正妹有興趣，對外貌／身材普通的女生，他提不出多大的興趣
「又未必係咁嘅，兩位可能忙緊呢？」
「係都好啲，睇怕唔撚係」焌文的直覺告訴他事情是這樣的
遺傳自父親的良好基因，他的直覺都很準，無論是好壞事情上
「咁而家情況點？」Daisy用跑的到達病房
「人去咗入面，姑娘檢查緊」焌文道
「你係病人邊位？」病房的護士問道
「我係佢班主任」
「入嚟丫」
「泳悠，好返啲未呀？」Daisy走到泳悠的床前，她握著泳悠冰冷的手
「好返啲喇，Miss你唔係開緊會咩？」可Daisy知道她是在硬撐
「有乜緊要得過學生？啲會在唔在場都無分別」的確，有問題係例會講完，就得啦，邊使跟
「多謝你呀，Daisy」
「我都係做想做嘅事姐」
「Daisy，有啲事想同你講，另外可唔可以叫劉焌文入埋嚟？」
「劉焌文，入埋嚟丫」Daisy向房間外的焌文道
「哦……」（乜料呀）「搵我乜事？」
「係肥仔同區長幫你嘅，我係旁邊食花生咋，要多謝就同佢哋講」手插褲袋的焌文如此道，他站在牆邊
「其實我無諗過會有人救我一命。咁講雖然唔係好岩，但當初諗住過不如死咗佢算」泳悠來了個令眾人冷不提防的回應
「之間係想上天台跳落去，係個有花草圍住嘅地方離世，望住藍天咁走，幾好」泳悠平靜的道出這番話，語氣中有對世上已無留戀的感覺
「點知上到一半，都係死唔去」少女不因存活而感到高興，她是想和不仁的世界作了斷
「睇下係……」舒雯本來想問下去，但焌文拍了她一下，是要停口的意思
焌文冷靜的看著泳悠，他知道泳悠的情緒快要崩潰
外面的高人在等著在病房的朋友，他們其實
區長「如果得的話，我想照顧佢……」
「乜事咁快要埋單呀？你而家廿歲都未有」光洙沒有想過要在高中就結婚，他甚至想過做不婚族
「其實我小學已經識佢，不過佢小二就轉咗學……之後聽同學講，係佢屋企有事
之後今年同返班……我唔知係佢身上發生咗呢啲」區長摀著眼的低語「見到佢一個人，但我又無勇氣搵返佢，隔咗咁耐好怪咁」
「唔好怪自己啦，剛才你都狗衝去急救啦」光洙撘住區長的背「你做得好好架啦」
「睇佢哋點做啦，我哋做到嘅只係後面支援」大雙仔望著前方的病房
「乜係學校仲會有人會關心我咩？我唔係啲可有可無嘅人咩？」
「點解人總會係事情發生後先後悔，先話無關心到人、無對人好，但其實係佢離開前仲有時間嘅時候，大家就一直無做到啲咩…」本來冷靜的少女，情緒開始噴發了。想起過往的她對殘酷的世界吶喊著，兩眼的淚水從眼滴到被子
「點解啲人成日都講正能量？
正能量？啲人明我感受咩？唔係吓吓都用得正能量解決，如果點樣都正能量唔到咁又點？
迫人正能量完咁又點，係咪代表你哋啲人高尚啲咩？
唔好將自己嘅睇法強加係人哋身上！成日話要睇嘢正面啲！如果一件正面嘅事都無，咁點？
我想嘅只係想有人聽吓我講，陪吓我！」泳悠想起過去幾年，學校的老師是如何對她說的
焌文看了雪兒一下，示意遞上紙巾
「有心事你可以同我哋講……雖則我哋都係剛才自把自為咁送你入嚟」舒雯從裙袋取出紙巾
「如果你有心事想講嘅，可以同我哋講，我可能做唔到啲乜」雪兒走到泳悠面前道「不過我都係無心機生存嘅過來人，可以一齊分擔」
泳悠聽畢後有點詫異，面前的啡髮公主明明很受歡迎，有七高人在身邊逗她開心，有何原因令她同樣的想法
「唔好睇我好似好好咁，其實以前因為外表而曾經俾人杯葛
而身邊亦發生咗啲令我唔開心嘅事,搞到完全無哂動力，亦唔知生存為乜」
「從細到大，我都係無咩俾身邊人重視過」泳悠開始將心事告知，其實她想有同學在旁聽很久了
「我無咩叻，亦唔係靚女，自不然唔出眾
都未乜人會主動行埋嚟搵我嘅……幼稚園都還好，到咗小學就唔同哂」
「講玩又唔係跑得快，狐狸先生成日都俾人捉到，之後到我就捉唔到人
我追唔上進度，默書考試都係一放學就係屋企瘋狂溫書
而啲同學，好多溫到入腦，成績都唔錯咁
細個唔識諗，就會喊
我只係單純做朋友，點知啲同學就不斷比較
成日笑下低分，無用咁，之後開始唔同我玩」在床前的雪兒聽着泳悠說著，她想起了自己的往事
「返到屋企，屋企人未到話打我，不過每次到有成績表，就會大聲鬧我，問我點解考唔好
我知考得唔好，都成日俾心機用時間讀書，不過顧得功課，就顧唔到考試
點讀都好，就係讀唔好
小學班主任推介我嚟杏壇，都係因為跨區無咁多人爭，會考到啲好啲嘅學校
佢知我係資質普通，但話我有心向學，希望有日開竅就會好啲咁
我好對唔住老師，做唔到佢對我嘅期望」泳悠低頭看著蓋著自己的被子
房間內的同學還有Daisy在聽著少女的哭訴
本來了無興趣的紅髮少年，沒有要走了，反而選擇靜聽
「我爸爸媽媽，對我反而無零期望，可以係我唔夠好啦
除咗我，我仲有個細佬佢讀書讀得好又聰明
而家仲要係全級第一
爸爸媽媽好錫佢，成日買新鞋新衫俾佢
連電話都買同自己同款嘅新手機
爸爸媽媽成日都將我哋兩個比較：細佬讀得書又識講嘢，仲要成日贏比賽
而我就一事無成，大個之後都唔知做乜好，唔夠叻入大學，又出嚟做嘢唔夠人快
係屋企，細佬每日對住我都黑口黑面，
仲會話我影衰佢，係學校要扮唔識佢
唔明點解會有個咁嘅家姐
如是者，我開始無自信，朋友一個個咁少，到之後就連一個知心朋友都無」
（難怪成日見佢自己一個啦）焌文想起之前泳悠一個人吃飯的情景
「無朋友，家人亦睇唔起我，感覺身邊無人重視我
每日我都會諗，生存嘅意義係乜，坦白講係生無可戀
日子一日一日咁過，然而我都仲係行屍走肉，漫無目的咁過
之前有諗過睇下有無人做到朋友，但見到個個都係三五成群咁一齊，我無膽過去」
「係呢個時候講有啲唔岩，不過你有無同醫生講發生咩事」
「有，姑娘同我取咗樣本」泳悠小聲的道「好耐無俾咁多人圍住，有啲唔慣添」
「咁好簡單，埋我哋堆啦」本來插在褲袋的焌文，想也不想回應泳悠的話，從泳悠的眼神中，焌文知道她最需要的就是有人在身邊「就咁話」
（明明剛才先唔理人，而家突然叫埋堆？乜料呀？）舒雯跟不上事情的發展，驚慌失措的她望著Daisy
（劉焌文仲有返啲人性嘅……）Daisy嘴角一笑
「我要離開呢個屋企，一個唔屬於我嘅屋企
現代要有好生活，或者有個安樂窩就要有錢
對於我呢啲無特長嘅普通人嚟講，最好係考好啲成績
我成績又無samuel咁標青(samuel即怕醜仔)，亦無區長咁多技能，雪兒咁靚女……」
「咁點解你會同個副校熟？」
「之前范sir見我成日放學係樓下長檯一個人溫書，但成績又唔見好咗咁
就叫我放學去搵佢補習，咁副校難得肯幫我補習咪去囉
佢鼓勵我，同我講話我得
當初佢對我仲好過屋企人，諗住無伏，點知⋯⋯」
（副校知道佢情況之後，就打佢主意）
「係屋企係搵唔到人愛我，然而范sir對我又幾好咁
我當佢係半個老豆，然而有事佢又肯聽我講，有時仲會安慰我
之後好多時就去副校房搵佢，當時我諗終於有人愛我喇，佢俾我有被重視嘅感覺
我好尊重同相信佢
今日放咗學，我照舊去范sir房搵佢
范sir見我有啲眼訓，就沖咗杯咖啡俾我」
「點知過一陣，我覺得好暈，就係佢房張梳化訓
到醒返，突然見啲衫褲俾人整開過，而且下面好似有啲嘢咁
佢第一句就叫我食咗粒藥，同叫唔好講出去，如果乖乖哋佢就會保我高分咁話
我估唔到，范sir居然會對我做呢啲事，明明之前都係咁溫柔體貼咁，仲話認我做契女
房間內的眾人聽完泳悠的話後，都不知作何回應
紅髮少年踏前了一步，並打破沉默
「唔理你點講，而家你係我哋呢邊嘅人」焌文按照良心說話
「你想點，我哋睇下點幫你」
「知道有唔少同學都俾佢咁鹹豬手過，我想行出嚟講出真相
新聞社可以幫我嘛？」泳悠低頭道
「咁我要同咁多兄弟傾，唔係我一個話事，另外可以同啲兄弟講發生咩事？」
「拜託你哋啦」泳悠向眾人鞠躬
（我係要走啦下嘛？之後係女士們的主場啦……）「你哋幾個點睇？」紅髮少年看著三名少女跟老師，她們都點頭示意
「係得嘅，我同啲兄弟講」如是者，焌文轉身離開房間
「我哋返新聞社，有事要講」紅髮少年對兄弟們道
「呢個教畜，從頭都無變過」焌文想起那教渣對雪兒毛手毛腳的情況，當時雪兒有一下是要避開的
新聞社內
「兄弟真係要做？可能大家會有唔同嘅後果，或者係意想唔到嘅情況出現：
被踢出校，有人造謠，或者會影響日後升學
今次唔同以前，係我哋未遇過嘅情況
如果有人話唔同意嘅，我明白大家嘅疑慮，希望你可以係後面支持我哋……」
「我要加入，對於之前未去關心佢，我好後悔，仲諗乜！」區長道
「劉焌文，你係咪傻撚咗呀？你當我係乜人呀！見到有人被人搞，仲可以係旁邊食花生？」光洙激動得很，他對此未有怕過
「你記得院長講過『要趁無負擔,做過到良心嘅事』，而家唔企出嚟，仲等幾時？」怕醜仔少有的有著憤怒的眼神，對泳悠的事，他看不過眼
「喂，仲問嚟把撚咩？梗係做啦」大隻仔撘著焌文道
「我哋七個一個都唔少得，要做就做！」姚明爽快的道「但唔知邊個當初仲諗住唔理呢？」
「有乜幫到手嘅，開聲講我盡做！睇你頭！」男神從頭到尾都相信焌文，這次亦同樣
「咁一致通過！」
焌文走出學校
「婷姐，有嘢想你幫手……是咁的……」
所有篇章之情節均為虛構
往後篇章之個人名稱及團體名均為架空，與現實世界沒有關係
敬請留意
各位讀者，往後嘅情節會同前面章節氣氛180度轉變