有個混血妹同我講，話想同居: We are broken
上一晚
紅髮少年還有母親正枱頭望天
於二人身後有一身影靜靜看着二人
（到最後都係你照顧我哋兩個
Sorry）
********************
七年前
異國女正躺在病床上
「I ’m sorry，一直麻煩你哋……」女人氣若游絲的對床邊的紅髮女談話
「傻妹，到而家你仲顧住我哋嘅點諗？
你俾我有被需要嘅感覺，同埋同我渡過咗由青春到婚姻生仔呢啲重要時刻
邊有得計？」
「『如果得的話，我可唔可以唔死』
係近排我同上天講嘅話
我想同Sherly經歷佢成長，那怕係幾長
睇佢帶四方帽，見證佢著住婚紗：對愛佢人講我願意
睇住佢結婚生仔，過住玩孫度日⋯⋯」想像着不可能發生的畫面，紫凝露出了傷感的面容
「可惜，我想但身體壞，支持唔到咁耐
我寶貝女雪兒，可以代我陪住佢嘛？」
眼眶泛紅的翠婷努力忍住淚水，為的是想姊妹放心
可淚水已在眼角打轉
「得啦，傻妹，講得咁平靜都得嘅？」
翠婷用堅定的眼神看著紫凝
「長氣咗，一時諗到太多」
「傻妹，同我講呢啲」聽到面前婦人的話後，翠婷崩堤了
「明明要安慰嗰個係你……」
***********************
憶起過去的異國女，走到滿佈水滴的浴室
看着在玻璃對面的混血少女，她知道自己不能做些什麼
（無論如何都要堅強撐落去
可惜……
我知你得嘅）
下一天 化妝專櫃前
「車！咪又係紅色？」紅髮少年望着櫥窗上的唇膏
「呢隻淺色啲，呢隻深少少……有乜分別？
紅、紅、紅、紅、紅」
少年充滿疑惑的看着一片紅海
當中原因，是咁的
「唔……好食呀～」混血女合起眼睛，細細享受口中的早餐
翠婷瞄了雪兒一眼，是留意她的情況
經歷了昨晚的事，實在不能讓人鬆一口氣
「文仔～同雪兒出去行吓街啦～」凍齡女對坐在對面
「吓？佢又唔係冇衫着」紅髮少年想起人頭湧湧的街道，他表示不了
「都要買返啲衫褲㗎？女仔都想自己靚
叫人着舊衫，好唔好意思㗎你？」雖然口是這樣說
言下之意是（唔知佢返去攞嘢安唔安全，買啲返嚟頂住先）
和她輕鬆的語調不同，臉上掛着認真的眼神
「都 係」（明哂，知乜料嘅……）翻起白眼的紅髮少年，平淡的回應
然而暫時忘卻煩惱的雪兒，在她眼中只有桌上的美食（好事嚟嘅，起碼仲食得落，幾驚佢唔食
睇定啲先）少年心想
「分別就大囉」雪兒猛力搖頭
「呢隻係Ruby，呢隻係Rose，而呢隻係Auntie嘅髮色Wine」
「吓？分得咁仔細嘅？」
「『不用分那麼細』，你班男仔個個都係咁諗」
「呀！就咁啦」雪兒從背包取出手提
「？」
「Sherman俾咗呢兩張相我」
*********************
「同班仔一齊，除咗知乜嘢叫越位之外，了解埋佢哋中意嘅嘢更好
先唔會係啲死八婆乘虛而入」舒雯道
「呢兩張圖，有乜分別？」
「係咪Transformers?」對機械（？）一竅不通的她，只想到這系列
「唔會俾班仔聽到，激到爆血管都似……
要男仔了解我哋，都要知佢哋啲男仔嘢先得㗎？」
**********************
「咁呢兩隻有乜分別？一樣係紫色底、膊頭都係綠色
一樣係駝背同埋攞住支紅色叉⋯⋯仲唔係一樣？」
「說話就唔係咁講⋯⋯分別就大喇！」焌文變得認真起來
「即係咁……
第一隻叫初號機，得一對眼
係一開波就出嚟，主角一支公揸嘅
最好打嘅唔係主角本人，而係佢老母
暴走就唔係人咁品」
焌文將圖轉去下一張
「佢，係十三號機，有兩對眼」少年將圖放大
係後來先有，係主角同個靚仔hehe檔一齊揸」
「Finally！
咪就係Detail位有唔同囉！」
「明哂」焌文隨手拿起一支東西
「丁咁大支就成千銀？」被嚇得目定口呆的他不忘降低聲量
「咩嚟㗎？睇過？」
「難怪，咁多種化妝品裡面 最貴嘅就係眼霜
你都幾好眼光，一揀就揀最貴嗰支」
「你出親去個嘴都反哂光咁，係邊隻唇膏？」
「係揸咗Lip-gloss，你真係唔識嗰啵」
晚上 焌文家
換好居家裝束的焌文坐在床上轉珠，此時小冰進了他房間
「喵～」（喂！）
「仲咩呀？」 小冰躍上焌文的床上，他輕輕摸起小冰的頭
「喵！？」（而家先返嚟？幾點呀家吓？）
「喵？」「去咗邊呀？」
「對唔住呀，留你一個係屋企咁耐……啱啱同大小姐買完嘢先返
順手買咗啲嘢俾你」
「喵……」 （你知就好啦，悶到我……）
「喵，喵。」 （都知㗎喇，衰妹貪靚到不得了）
「唔好唔開心啦，而家咪安慰返你囉～」焌文開始哄小冰
「喵，喵～」 （算你啦，見你知錯。下次煮返啲好嘢補數吓，衰仔 ）
小冰走到焌文的腿間，找到個舒服的位置後就坐在焌文的腿上
「舒服哂～」洗完澡的雪兒，一臉幸福的走出了浴室
進到房間的她，看不到小冰的身影
「係出面的櫃趴緊咋？」
雪兒走到客廳去找貓
「小冰？」雪兒爬上所有的櫃頂，都沒有見到小冰
（唔使唔見咗呀？）雪兒在擔心小冰是否跳出了窗外
焌文睡房旁的房間仍舊是關上了的，小冰正常來說是進不去的
「西米露，見唔見小冰……」雪兒慌張的開了焌文的房門
進了焌文房的雪兒發現小冰坐了在焌文的腿上
一臉舒服的被摸着
「小冰～」
小冰沒也沒動，只看著焌文的她懶洋洋的打了個呵欠
「好喇，家下重色輕友咁話啵？」
「喵～」（你就成日都見啦
梗係要癡佢多啲啦，無好西食你點負責先？）想不到小冰還蠻現實的
「咁緊張佢，無事嘛？」焌文是想到些東西，可在沒有確認的情況下，他不會道明
雪兒從焌文腳上抱起了白毛貓
「從六歲起，小冰就係我嘅家人，從同媽媽渡過嘅最後時光，到跟婆婆去人生路不熟嘅地方生活，佢都一直係我身邊
回頭一望身邊嘅人都走哂，就得返佢係我身邊
啱啱返嚟香港，諗住可以同爸爸住啦
身處嘅只係一個同我無關係嘅住所，當中嘅所謂家人都係為咗利益而係一齊嘅
當有唔想同人講嘅心事，我都會同佢講」
「哦……佢又嗲人啵」焌文不想雪兒處於悲傷的情緒中，他試着轉話題
「係啵，西米露」雪兒近近的看著焌文，焌文一副不明發生何事的樣子
「乜料？拱到咁埋」
「你對小冰做過啲乜？佢唔會對佢第一次見嘅人咁親近」
「今朝煮過早餐俾佢食囉、摸佢同吸貓」焌文回憶著今天做過的事
「去去去到吸？你係咪落藥落飯度？」雪兒想也想不到，焌文會有愛貓愛到要吸
「無呀，你驚我會毒死佢咩？」
「如果唔係點會咁？佢揀人到一個點，唔係個個都摸得」雪兒還是想不通為何小冰會給摸的「佢一見Brian就即大叫，到佢想摸連爪都出埋」
「喵～喵……」（咁我睇細路又幾得我歡心，貢品幾好食咁，咪俾佢吸下）
「係咩？可能係落咗三文魚落早餐度啦」焌文之前是想小冰吃得開心點才放三文魚
「咁我明喇，一嚟就整佢最中意煮嘅嘢食，難怪」
「喵～」（仲有佢摸得我好爽，睇手勢佢係好仔嚟，快啲媾佢啦呀妹）
「哈哈，你都幾多嘢講啵，係咪呀？唔？」焌文道
「係中意你先係，唔只男仔，女仔都唔俾摸，Adia過嚟佢直情避開」
「喵」（做貓咁隨便，邊會有人俾面）
「聽你之前講，你都無乜密友咁，都係婆婆,小冰同前菜呀Adia咁
乜靚女唔係好多人攛 friend做咩？」
「小學就唔係咁，每日返學都係俾人玩
媽媽passed away之後，我去咗美國住
去到美國，完全係兩個世界，無論係人定周邊事物都好
當時英文唔好加上未clam down，根本就融入唔到
返小學頭一個星期，都乜大問題，problems happens afterwards」
*************************
（為方便行文，英語對話內容會轉成粵語為主）
「佢都唔出聲嘅，又要成日唔見人」女生A和她的朋友交頭接耳（反正都唔係咩重要人物，費事改名）
「係囉，都唔知咩人嚟嘅」
「佢咩人嚟㗎，仲要怕醜」
「同佢講嘢，唔會應人，唉
都唔知佢係咪傻㗎」女生B跟C附和A的話
「……」聽見女生對話的雪兒，雖然未能完全明白所有對話
但她感到女生們的惡意
下一日放學
雪兒被女生A撞到，手上的書應聲落地
「冇事吓？冇心，你唔會介意㗎嘛？」
*************************
有天雪兒放小息去找老師，然後回到班房
發覺下一節課要用的課文還有家課都不見了
「呀！本書呢？死啦一陣係Mr. Smith堂，份功課仲要係入面架？」Mr. Smith是雪兒當時的英文老師，要求嚴格的他令雪兒非常緊張
「唔好意思，你哋有無見過我本英文書？」
「無啵」坐在雪兒後面的女生C道
「無理由架？明明放咗係檯底架？」雪兒一直找櫃筒內的東西，筆袋跟其他課文都在，只有英文課文是不見了
雪兒回想起今天是有拿家中書桌拿課文回校，之後直到上一節課都在桌下
「唔好意思……」慌張不已的雪兒開始向其他同學詢問書本的下落，但答案都還是—沒有
「點算呀！」雪兒此時想不到方法，看看時鐘只餘下一分鐘了
「哈哈！睇下佢幾驚？」坐在後排的金髮男生－Adam，在和兄弟開雪兒玩笑
Adam樂在其中的樣子，雪兒並沒有看到，被問及的時候，他是一副什麼都不知道的語氣回答
到了英文課的時候，雪兒很怕老師提起「家課」二字
每一刻的她都提心吊膽的坐著，有一把聲音將雪兒的恐懼加強了
「Mr. Smith，我哋仲未交功課」坐在旁邊的女同學A說
「係啵，差啲唔記得」老師從第一直行開始收取
（大鑊！）雪兒只好找書包，她想可能是剛好在書包而已吧
「Sorry,我一陣交」老師走到雪兒旁邊時，還沒有找到的她只好拖延時間
「唔，C？」
當老師把其他同學的家課都收好，雪兒找了好幾次都還沒有找到
「估唔到Adam今次有帶功課，幾好
Sherly你份功課呢?」
「Sorry,我本英文書唔見咗，功課夾咗係入面……」
「唔見咗？啲書邊有咁多唔見呀！咁多嘢講，去後面企啦
你哋成日都話無帶，即係無做!
咁細過就學人講大話」
雪兒只好走到後面，對雪兒笑著Adam「下次唔好唔帶啦，哈哈！」
********************
「當時我唔知發生咗乜事，亦唔知佢哋嘅目的
之後佢哋玩得越嚟越大」雪兒邊摸著小冰的頭，邊說起往事
小冰走到雪兒的腳邊，雖然已經聽過那些往事
她知道這時候走近雪兒會讓她好受好些（衰妹好陰公㗎！點解啲人可以咁對佢？）
*********************
打後的某日
「喂！仲乜咁快走呀？」Adam把要去校車集合處的雪兒叫住
「放咗學咪返屋企」
「仲乜唔抬起頭做人？好唔開心？陪我哋玩啦」
「唔好喇，我要撘校車」
「嚟啦～」
Adam帶雪兒到學校的角落處，他的朋友在後面把風
「將身上嘅錢俾我」
「點解？仲有你哋要錢嚟做乜？」雪兒不知道目前的狀況
「叫你俾就俾啦，咁多嘢講」Adam將雪兒推倒，走上前的他俯身望著雪兒
「你係想係學校好好哋，就乖乖哋聽我講」
雪兒此時不知如何是好，只好將手上的錢交出
「你咪成日話冇錢使嘅，你嘅」Adam將錢交到其中一個跟班手上
****************************
「除咗呢啲，仲有我locker入面會有嘢唔見，問其他人
個個都話唔關事
有時喺廁所，班女仔仲會扯頭髮……
當時我好驚，亦不敢還手」
「What the fuck?」
「其他人一係就加入，一係就視若無睹」
「班友係唔要成為下一個受害者
有啲蛋散係逃避責任，覺得乜都冇做就冇做錯到」焌文回答
「排斥嘅原因，係我當時英文不好
Mix個樣引起他們厭惡」雪兒低聲道「甚至有人想我消失」
（仆街，我之前玩撚大咗！）
「咁件冚家鏟乜料？」
「佢係啲二世祖嚟，學校啲facilities佢老豆做金主，跟班都叫有少少錢嗰啲
就係咁佢就覺得可以亂撚咁嚟」雪兒繼續回憶往事
「有事發生老師只係叫佢哋唔好搞事，但都有下次
班主任仲問我點解會同佢哋有爭執，係我有錯」
**************************
學校會議室
（諗住hea做，講兩句就算，打份工者）當時的班主任心想（搞啲嘢出嚟，又要OT）
「你唔可以靜靜哋過埋呢兩年佢？社會上大把唔合理嘅事啦
你同佢哋少啲接觸咪得，見到佢哋前面轉身走」
雪兒聽到老師的話，雖然不能接受
但她亦覺得自己能力不足，不可以完全怪責別人
自此雪兒回家後，每天都偷偷的哭
一來是不適應美國的學校，同時也是為無力的自己感到自責
某晚，外婆聽到雪兒房内有飲泣聲
「喂？而家你有冇時間講兩句」
往後某日 校長室
「校長，有電話入」秘書透過內線通知校長
「邊個呀屌？唔撚聽呀」
「但……」
「但乜呀？！叫佢晏少少打俾我！」
「係校董」
「唉屌」校長深深的吸氣「喂……Mr……」
「知道……係……」語氣和之前完全不同
「唉……今次大檸樂，估唔到佢有後台」
校方知道Christine是不能惹的人，只好調查
於是召了全班同學個別了解
有人用可憐的說：「我無做過咩，無論係言語同行為上」
無人肯認，但從肢體語言已知道是一份子
最後，教務主任找來二世祖
「搞咁耐㗎？一陣……」Adam還不知事情鬧大了
「玩夠喇
仲玩我都保你唔到，人哋講到搵律師」
「吓？邊個？」
「__________」
男生聽了原因後，驚慌得臉色蒼白
後來雖然二世祖停了手，但杯葛未有停止
至於欺凌原因，是父母離異，
他沒有宣洩情緒的窗口
剛好欺負雪兒給予他快感
**************************
「所以我見到啲mk仔會驚，係會諗起呢班蛋散」雪兒被凌，就是看上去兇惡的都會下意識的當作壞人，因此在初次見到焌文就有如此大反應
「學校老師當然係當沒事發生過
不求無功，但求無過
只會包批有權的學生，對他日後職場發展才有幫助
當有事發生，同學都扮可憐扮傻，到老師走了咗繼續
如果發生人命傷亡先有機會重視」焌文淡淡然道出事實
「好彩有一兩位有熱誠嘅老師，會係抬面下安慰我」「咁係，唔係個個老師都係閪人」
*******************************
「主任，我哋要做嘢，冇辦法睇住個學生受罪㗎？」老師Margret道
「做到咩啫？就算俾你做到咩，乜可以擔保724保護佢？」教務主任一臉不屑的講
「你哋企出嚟，代表你正義，我哋其他人就十惡不赦
Stop being silly!」
「咁都唔可以……」另一位老師Iris嘗試說服主任
「唔可以乜嘢？我就係要你兩個唔可以亂撚咁嚟」不耐煩的主任道
「主任，可大可小……」
「係咪想接大信封？係就繼續」
*******************************
「唔該哂，係咪要叫人眾議員先生？」Christine對電話另一邊的男人開起玩笑
「唔好咁講啦，Miss」名叫Johnathan的男人顯得不好意思
「唔係你鼓勵我，我都唔會有今日
報恩都嚟唔切，sorry我咁耐冇搵你……」
「忙吖嘛你，咁而家要早幾耐make appointment？」
********************************
「小學就已經咁多事，中學有冇好啲？」
「係就好咗嘅，不過係男仔
中學發育後佢哋會用唔同方法，目的只不過係將我追到手」
外表甜美雪兒，在校內非常受男生青睞，他們扭盡六壬，只為將雪兒追到手
那些男生怎麼做，都未能拉近和雪兒的距離
就在這個時候，雪兒的男友Brian出現了，他是雪兒的同班同學
和其他的男生不同，Brian沒有一開始就要求發展，他懂得先從當朋友開始
不是Brian聰明，只是其他男生來得太急，他們沒想到操之過急的結果
會是炒車，還是炒得車毀人亡的那種
在班上已經朋友不多的雪兒，身邊是沒有男性朋友的
「你同其他女仔好唔同，為咗你我會努力做個負責任嘅人」Brian曾如此的講過
無論單身的時候有多聰明，墮入愛河的女生都會因愛情而變成笨蛋
至於還可以維持清醒的，沒多少個是認真的
何況是渴望被愛的雪兒
雪兒並沒有因外表出眾，而有實質的好處
父母婚姻失敗的雪兒，對男女間的感情，自然會來得較為沒有信心
「女同學見到人靚身材好（佢哋話）
就會有奇怪傳言：話我係對仔放生電至會受歡迎
爆衫扣就講姣仔，有啲仲話……
多人運動」
到了中學就改為網絡欺凌
「婆婆唔知，我亦冇講
佢問到，我都話冇事」
「佢哋會喺FG出埋啲改圖
之後用分身ac send俾我」
除了網上改相，亦有惡搞影片
那些人有多重帳戶
「班人唔只一個ac：一個大帳、一個分身，最少做有個花生ac
姣婆、公廁、免費雞
全部都有講過」
「媽媽走咗之後，其實我嘅校園生活都無咩好過
俾人欺凌，之後諗住中學會好啲，點知都係一樣」
「又係嘅，俾姊妹搶走男友」
「呢個後話啦」
「好彩仲有婆婆係身邊
老師多一事不如少一事，同學冇人幫
只有婆婆陪住我」外婆對雪兒心中是重要不過
在雪兒被攻擊的時候，只有外婆在身邊安慰她
「有無諗過係自己有問題，所以先會人際關係有問題？」
不同老師，同樣冷淡的回應
外婆是雪兒生存動力，臨終前交代要堅強的行下去
「有時我會諗
如果小冰要都離開我，咁我點算呢？
連最後嘅家人無埋，我好難想象到時會點」
「咁講，而家你有婷姐照住你可以放心」
****************************平安夜的晚上，焌文跟翠婷的對話其實未完
「唉，佢之後點好？」
「咁你做佢屋企人啦！」
「會唔會跳得快撚咗啲？估話做就做？」
「佢對住你都幾安心，你得嘅！
喂，咁你覺得情況係可以返『嗰個屋企』？」
「你清楚過我啦」
「不如你講吓，你有幾了解佢？」
「佢有提過佢呀媽嘅，係少講啲啫
如果係佢老母唔要佢，照計佢會避而不談
但佢冇，佢其實好掛住auntie
除咗auntie，佢提親都係佢婆婆，聽得出係由細照顧佢……
等等先，我記得有陣時你……」
「你記得？」翠婷想起失去姊妹的那晚
「諗返轉頭，有咩人係你同君姨加埋大力妹都識？
見到小冰就直情firm埋」
焌文點起另一支香煙，這次他終於抽起煙
「老母去咗，如果係個負責任嘅會照顧佢
但去得美國，即係條仆街冇負責
無啦啦接佢返屋企，唔係啲迷信嘢，點會咁做？」
「點解會咁諗？」翠婷被兒子的分析感到好奇
「唉，佢返嚟冇耐
去打邊爐嗰陣，有私家偵探跟蹤
冇咁上吓有錢都唔會搞呢啲
驚死我哋貪佢哋啲錢
救命！都冇人知佢家底
況且，做得生意嘅唔少人都好信風水」焌文想起躲在草叢中的龍友
「雖然曾經諗過係啲癡撚線後底乸搞事」
「真係……估都估中咁多
你呀，對住佢扮唔知吓！」本來躺着的翠婷，緊張得彈起身
「知喇！」 *********************************
「其實你都唔係咁衰姐，仲乜一日都黑面」
「西米露,做咩成日猛猛緊?」雪兒望向焌文
「無呀，撚有」
「仲話無？平時你隻眼起哂角咁,
係對住小冰先會放鬆啲咋！」
「人信唔過，但係動物就唔同」焌文回憶起過去的事
對贏有一份執著，是他點子多的原因
他選擇將怨恨記住，是要防止自己對人心軟
雖然痛苦，但還比被他人掌控來得好
「要相信一個人，其實係一場冒險，尤其係現今爾虞我乍嘅環境
做好人無好處，仲會俾人覺得你好呃，食住上
要站穩陣腳，就要俾人知得罪你會比死更難受」
「電視劇入面啲和平美好嘅畫面，現實生活根本無可能出現
現實中有嘅只有血腥同欺壓」
「男人無資格無時間軟弱，要濡弱就係小學弱埋佢
打後如果仲係弱者，只會俾會撳住嚟打
有人嘅地方就係戰場，要生存落嚟就只有一直殺
人性只會成為跘腳石」
「去到邊度都係，人只會不斷壓榨感覺弱小嘅人
要做嘅，只係變到強過哂佢哋，咁就無人敢搞你」
「但你身邊有七高人同舒雯」
「而家只係為生存而迫不得己一齊，難保有日會俾其中一個過一棟
大力妹同男神好啲嘅
人始終信唔過」
只為有羣兄弟好辦事，但說到底他做好被背叛的心理準備
「今天唔撚賣鳩你，聽日就會」
長大了之後，看到有人不信他，焌文會暗自保持距離
為的是不要再次受傷
以前的他，就是因為信人性本善，可以用道理講得道
但
有段時間他完全和舒雯外的人隔絕
完全不相信其他人
更不用說卸下心防
「啲人覺得上流社會好，表面上美好風光啫
但內裡陰險重重」 雪兒的『家』是富裕家庭，自然看得多
「要生存要識得獻媚
唔只一家之主要，老婆仔女都要識
明明就憎到佢爆 又要做戲扮無事
俾人撚就更加，仲要笑住咁求人」後母三母女人前人後的兩面性，雪兒看得多
「同樣，啲人覺得靚女好處多」雪兒道
「但其實而家先叫好返啲」
「講咁多傷心事，我想聽你彈guitar轉吓心情」
「唔好啦」
「Just give me a break!」
「Fine 靚女你點咩歌？」焌文從房間角拿起木結他
「Paramore嘅We are broken」
「等等……搵chord……
有喇」
「大小姐乜料？」雪兒先關了枱燈，然後將天花燈關掉
「想有啲氣氛，女仔呢啲時候好講好呢啲㗎嘛」
「都係，之前都未喺啲咁嘅燈光望住你」講完後，焌文就開始了前奏
和之前不同，焌文不是用節奏激昂的電結他
紅髮少年被柔和燈光影照着，彈起木結他的他流出與平常截然不同的氣質
少女情不自禁的露出笑臉，而她想着的是
有什麼過去，令眼前溫柔的他
變成防備心強的人
「唱先得㗎你？得我彈好撚Dry」前奏快完的時候，焌文邊彈邊講道
「呀！
I am outside
And I've been waiting for the sun
With my wide eyes……」
「喵」（好舒服呀）小冰放鬆得閉起雙眼
並躺在雪兒腿間
少女選這首歌，是知道除她以外
紅髮少年亦是傷痕累累
她想被保護，面前的他曾保護自己
同時她亦想這個他，可以放心的在自己面前
展露純真的一面
從平時的舉動，雪兒看得出焌文不停的隱藏自己
溫柔、良善的那一面
（唉屌，條女睇透哂）
**************************
「Give us life again 'Cause we just wanna be whole」
「咁中意聽，好心你學結他啦」
「我想聽嘅時候，搵你彈俾我聽咪得囉！」
「真係……」
「望真啲，原來你眼睫毛都幾長啵」
「係咩？呀婆話係懶人先會係咁」
「講得無錯吖，成日都掛住玩⋯⋯不過睇睇吓又幾順眼」 雪兒此刻的表情帶點
「乜之前我好衰咩？」
「係㗎，紅色頭髮仲要個樣串串貢咁」
「髮色呢家嘢，老豆遺傳嘅。咁你呢？唔好同我講你生落就啡到咁
仲要第一日就化妝返學⋯⋯睇吓你？」 焌文一把抓起雪兒的頭髮
「咁我……都係
咁外國都化得，我點知香港捉得咁嚴先得架!」
桌上的合照中，被父親撘起肩的小焌文，二人都是紅髮
「喂呀？亂哂啦！」雪兒對焌文撒嬌
「而家係屋企呀，使咩咁姿整？」
「係呀嘛？」 雪兒同樣的亂弄面前少年的紅絲「咦？」
「？」
「你有兩個鑽嘅？」
「係呀，成日俾呀婆話係衝動夾硬頸」
「咁又冇錯，仲要格臭」
「喂，大小姐乜你唔會去啲地茂地方咩？之前打邊爐都好似第一次去咁」
「返到嚟朱生第一樣就唔俾我去呢啲地方，話會俾人拍
同埋，之前係美國都好少去呢種地方」雪兒繼續把玩手上紅毛
「見識吓個世界啦，受保護動物」