樓奴: (5)

“喂…點呀, Tom少, 上次同你講開”無根年代”既問題, 我都岩岩睇完自己條後路呀…係呀, 無計啦, 要買層樓舖下後路, 打工仔俾人當係粒鑼絲, 當係一隻棋, 你冇利用價值既時候, 邊個會睇你一眼呀, 唔自救…點得呀, 買層樓起碼有個希望…唉…係啦, 俾CY玩死呀, 出咩辣招, 攪到個市唔知點咁, 一陣又話大跌, 一陣又話人踩人燒炭死, 我而家打算將單位放租先, 個個驚死唔買住, 唔買都要租架, 唔通瞓街咩? 我而家收呢班淡友既租, 我收住錢捱埋呢個時期, 佢地就真金白銀買空樓市等大跌…”
 
永發終於開聲講野, 睇黎好似冇事好正常, 嚇死我仲以為佢俾條死老妖上左身…喂, 咪住…條死老妖點解會俾我個仔完完整整行返出個單位架呢? 佢惡到個死樣好似想食人咁, 冇理由架? 仲有個對面單位個冇眼細路同埋佢阿媽又係咩料呀? 喂…好唔妥喎今次, 唔係咁簡單喎, 雖然永發話唔係自住, 係放租…不過我都唔放心, 都係要搵機會同永發講個單位好猛…不過…我根本都唔識入夢同佢傾, 我識既, 我一早入佢夢同佢傾計啦, 洗成廿年都冇同個仔講過野?
 
唉! 諗返起我當年得果廿歲, 係深圳做salon洗頭妹, 識左佢阿爸, 初時都唔想住係佢度, 講真, 我自問都叫幾索, 好多男人黎洗頭都會玩埋全包宴, 咁我自由自在真係唔想俾個港客包起囉, 我認我係貪心, 我係嫌佢阿爸冇咩錢, 不過佢又叫做有良心, 肯係深圳買層樓俾我住, 佢話唔搵香港政府笨就笨啦, 係香港住公屋, 交幾千蚊租就有市區海景戶, 仲有錢可以上黎叫雞, 玩下手同青春正豆既囡囡生番件又可以有居港權, 明知養唔掂都仲可以食老綜, 真係爽到冇朋友…咁講真廿年前, 港客都仲值錢既, 我幾個姐妹都叫我不如上岸唔好做, 嫁俾港人起碼有少少保障. 就係咁就有左永發, 之後我就申請埋去住香港住照顧個仔. 點知永發阿爸幾年後又失埋業, 我同佢就去何起華果D社福機構求助,日日呻日日坐係度涼冷氣過日晨, 日子其實好悶好難捱, 我都以為我人生冇架喇, 點知係我踏入三字頭既中女前, 俾我識到阿權
 
果日天氣好熱, 我照常去個屋村商場行下, 就坐係老麥發呆時候有個男人走埋黎坐係我對面, 我係大陸見過咁多男人, 我好清楚知咩事, 我冇望佢, 不過我知佢望住我心口. 我最後忍唔住抬頭望番佢, OK啦, 少少似馬英九,不過後生D,都算靚仔.
 
我問佢:”先生(有口音), 你望咩呀, 呢度係食野, 唔係俾你望野架”
 




阿權:”太太, 你唔好怪我, 你好快會大難臨頭…”
 
我:”哈哈, 得喇得喇, 呢招好老土呀, 男人!”
 
阿權:”太太, 要講既野我已經講完, 我走喇, 祝你好運”
 
我當時覺得好奇怪, 點解佢叫我”太太”, 乜我好C9咩? 唉咃, 我其實同柏芝差唔多樣同身材, 但係我成十年都對住同一個男人, 永發阿爸仲要成個何俊人咁樣, 我真係好唔甘心, 我望住後生版馬英九, 竟然叫左出黎
 
”喂! 咁你都要講清楚我會有咩事, 有咩方法救到我架, 係咪要作法77四十九次, 係咪要攪D咩過D仙氣俾我之類架”
 




阿權話:”太太…其實我好想...”