樓奴: (4)

呀!








好痛...今次真係魂飛魄散...俾條PK死老妖打飛左我去邊? 呢樹係邊樹...







點解四周既牆上好似...好多血跡...咩事呀...呢度係邊黎架...發仔...發仔...你係邊呀?...仔你唔好有事呀...仔...


"WOOOO...WOOOO....媽咪媽咪..."


我好似聽到我後面有個細路喊, 我爬返起身, 向後望...一個身型似十歲八歲既細路望住我呢個方面...佢...冇眼架...好似係俾人刮走雙眼咁...佢好似知我見到佢,佢一手指向我既方向,我擰轉頭一望...呀!!!





我明喇, 原來我俾個死老妖推左去對面屋個單位, 個細路指住既所謂媽媽...唔通係永發個單位窗外四腳爬爬既果個女人?...

我唔理咩事!我唔想知住!我只想救返我個仔永發先,死老妖,大家都唔在世啦,我怕你有牙,我死左架喇,我怕你有牙呀!!!

我唔知痴咩線,好似顛左咁彈起身,係咁衝穿左道門,我見到永發喇!佢...佢已經行返出個單位,鎖番好道門,粒聲都冇出,慢慢一步一步咁行去搭LIFT...