那些年，當香港仲係百鬼夜行既時代 II: 32. 運頭塘村III —探屍

=14px聽師父講完，我心當堂都寒左一寒。唔係掛？我眼中既景象漸漸比一=14px堆缺手缺腳既鬼破地而出，白骨處處既畫面取代...

=14px福伯此刻已經完全解開雙靈屍，聽到師父既回答，只係失望地搖一搖=14px頭。而師父面都紅哂，對自己既不滯感到既尷尬又失望，我輕拍師父=14px，示意我地明白佢已經盡左力，始終捉鬼先係佢個行嘛，探墓呢啲等=14px個老野黎啦。福伯係呢個時刻又係本身放靈屍既屍袋入邊拎出幾道看=14px似普通既黃符，一個小銅鑼同埋一個風鈴咁既物體。

=14px「噹！」福伯突然冷不防地敲響左個銅鑼，銅鑼響起尖吭而又刺耳既=14px聲音，聲音直穿入耳，聽起黎就好似可以直接將活人既魂魄嚇散一樣=14px！「三魂歸身，準備上路！魂魄俱全，靈活如人！起屍！」福伯放低=14px銅鑼，口中唸咒，同時又以極快既手法將道符貼上靈屍既額頭上邊。=14px符上寫既咒明顯地同我地道家所寫既有好大既分別，無敕令，只有一=14px堆奇形怪狀既文字，應該係=14px苗族祝由科既字。

【祝由科，亦被稱為祝由十三科，本身係一種移精變氣既醫術，當中醫人既方法唔係單單靠以草本植物入藥，有時仲會配合符咒，屍體等物黎加強治療成效，但係大家唔好誤會，符同屍等並唔係用以入藥，而係用黎實行移精變氣，將病痛等靠由秘術轉入屍體中。趕屍其實就祝由科中既其中一條分支，所以趕屍所用既道具基本上係從祝由科所用既演變出黎，例如辰州符，攝魂鈴等等。】

原本雙眼合埋，樣子安詳，就好似訓著左既靈屍，係比福伯貼上符之後，竟然突然怪叫一聲，雙眼嘎然而開！口中連連吐出肉眼可見既黑色屍氣，每吐出一口，氣溫就好似驟降幾度咁！福伯趕緊搖響個風鈴，「攝魂鈴，定魂！」攝魂鈴聲一起，靈屍手腳就好似電視畫面比人定左格咁，真係郁都唔郁一下！福伯安定左隻屍之後，再度搖鈴，伴隨住一聲強而有力既大喝：「探！」





靈屍當下又再開眼，只係雙眼中既暴戾之氣同陰氣已經一掃而空，取而代之既就只係一雙滿佈血絲既眼睛。靈屍此刻齜牙裂嘴，發出空洞而無神既嗄嗄聲，早已僵硬既手臂則青筋暴現，臂上又老舊又令人怵目驚心既傷口慢慢滲出鮮紅既血...而最令人心寒既個一雙反白眼則左右掃視，似係配合緊佢天生對屍氣敏感既呢個特性去搵出郭璞既墓。

「呵呵，唔好意思，希望無嚇親你地。呢到屍氣太重，老拍擋表現得太興奮啦！」福伯視線依舊停留係隻探屍既身上。雖然個老野口係咁講，但係語氣當中卻連一啲內疚之意都無，反而自佢控起靈屍既個一刻開始，我見到佢眼中射出一抹極度猙獰之光，成個人都精神抖擻起黎。

過左好一陣子，靈屍依然係漫無目的咁係人地後山祖宗山墳間亂跑，而福伯早就點著煙斗，坐係大石，望住空地抽起上黎。

丫，到底郭璞既棺有咩咁值得錢家賭一條靈屍同一名猛將既命去盜？唔通好值錢既？唔通關乎名聲？唔通其實錢老爺呢個老屎忽有咩陰謀...！？嗯...咁玉棺係點既樣架？白色？透明？入邊會唔會都訓左雙殭屍架！？郭璞呢個老祖宗變殭屍可以點打！？

正當我百無聊賴，係到胡思亂想之際，我忽然比福伯同師父既大喊聲拉回現實。





「有啦！」

係遠處既黑暗中，靈屍原來早已經停低左。