《讓我重新遇見你》·緣圓系列·: 第二十六章 誘惑

第二十六章 誘惑

一開門
佢既第一句係嘩﹐
第二係廁所響邊？
佢個表情仲要係好急﹐
急到好似就瀨咁。

我只好笑笑指個廁所俾佢睇。





放低曬啲野﹐
我就行左去房開電腦。
想過相返啲相。

「啊添？」啊婷去完廁所叫我。
「入黎啦。」我響房叫佢。
佢企響房門前面「可以入黎？」
「係呀。」我插線落電腦。
佢企左響我隔離﹐
「坐啦﹐當自己屋企得架啦。」我拍拍張床示意佢坐低﹐佢坐低左之後望下周圍既環境「望咩呀肥婷？」我問佢。




「肥添﹐你以前籃球隊黎架？」佢望到我玻璃上面陳年既果一張隊相。
呢張係贏左決賽影既相﹐
亦都係最後一張﹐
因為總決賽贏左陸矛琪同我講分手﹐
我咩都冇影就走左。

其實我仍然熱愛籃球。
不過一諗著果次比賽﹐
就會變到力不從心。





「哦...係呀。」我苦澀咁笑左一笑。
「你做咩退既？」佢仍然注視住張相。
「你想知？」我望住佢講。
「我突然唔想知啦喎。」佢主動拖住我隻手。
佢就好似知咩事一樣﹐
為左唔挑起我傷心事﹐
所以都唔再過問。

真係個好女仔呀。

「呢啲係啱啱影果啲相？」佢望下我個電腦。
「冇錯。」我答﹐
電腦同時都「叮...」左一聲
有電郵喎。





我一開原來係果個千紙。
係啱啱佢影張相。
又真係幾靚幾清架喎衰鬼。
我諗都冇諗就轉左個wallpaper﹐
「你都send俾我啦。」啊婷用手指篤我﹐
我開左個email﹐
俾佢自己打電郵﹐
佢睇住佢本筆記﹐
再彎腰打字﹐
打字期間﹐
佢既胸口就輕輕磨擦到我手背。

鍾凱婷﹐
你好啦吓﹐
你再係咁我忍唔住架啦。





好彩啊婷都叫打字打得快﹐
我忍耐力都算好啫。

睇曬啲相﹐
我就帶左啊婷沖涼。
...
..
.
喂！
係佢自己沖架咋﹐
冇我份架。
我只係教佢點用個熱水爐架咋。
...
..




.
冇呀！
我冇掩飾呀！
冤枉呀大人！

好啦癲夠啦。

佢開始沖涼我就煮公仔麵﹐
我緊係有煮埋啊婷果份啦。

我煮飯一啲都唔叻﹐
勝在煮公仔麵有獨特方法。

其實都唔係特別得去邊﹐
只係每次我未等個麵軟身就熄火﹐




閂蓋焗佢幾分鐘﹐
咁個麵就爽啲。

話咁快煮完個麵﹐
係時候熄火焗下先。
同時啊婷都沖完涼。
佢響後面攬住我﹐
一陣陣佢獨特既薰衣草味。
我真係好鍾意。
柔軟既手觸摸住我既腰間﹐
心口就...
唔洗講啦。
真心扯左一下囉就。

鍾凱婷完全挑戰緊我既底線。

「出去等啦﹐好快有得食。」我拍下佢隻手。
「好啦～」佢彈下彈下跳返出廳。
我轉頭一望﹐
我屌！
短褲？
長腿？
背心？
低胸？
仲有件著左好似冇著既冷衫？
唔得...
再望我真係頂唔順。
食完沖涼冷靜下先。

一路食麵對眼都唔知望邊﹐
望佢對眼會不自控掃左落去佢中間條溝架！
幾經辛苦食完野沖完涼。
時間都夜啦。
係時候瞓啦。
「你瞓房﹐我瞓廳。」我攞啲被出梳化。
「凍喎。」你個衰妹！你都知凍呀？
咁你仲著到咁？「孖舖啦！」
我都未反應過來﹐
就俾佢拉左入房。

乜依家啲女仔咁大膽架？！

我呆一呆﹐
企左響門口。
「好似唔係咁好喎。」陸添羽﹐唔好扮啦。
明明好想同啊婷訓。
「唔好咁婆媽啦。上床啦。」佢推住我行去床。
「咁快?」我呆左咁望住佢。
「唔快啦…」佢望返我,之後就跳左上黎。
唔夠幾秒就訓着左。
哦…
上床訓教啫原來,
我又係諗多咗少少既。
不過同佢蜷縮響被入面﹐
超暖。

每日訓都響床都會慣響被入面捵兩野﹐
唔捵會訓唔著架...
我真係覺得啲個習慣怪怪地。
一入左被﹐
啊婷就攬住我﹐
完全冇捵既空間。
好痛苦。
就算佢訓左﹐
佢都係攬到實一實...
我嘗試整開佢隻手。
緊過俾鏈鎖...
人仔細細咁大力既。

我想捵...
好唔舒服呀...
我想訓...
好鬼眼訓呀...

過左唔知幾耐佢轉左身。

我極快捵左下。
我終於捵到啦！
終於有得訓啦。