《讓我重新遇見你》·緣圓系列·: 第二十五章 流星雨

第二十五章 流星雨

我食左幾啖就將個魚柳包消滅。
我之後就開始擺定啲相機﹐三腳架。
我襯佢食緊包果陣時﹐
偷偷影左一張相。

好！角度啱啱好呀！
整埋個定時先。
萬事俱備只欠東風。





我得返去接過佢咩都冇既紙袋﹐
幫佢拋垃圾。
「好快有得睇！」我坐返響佢隔離。
「睇啲咩呀？」佢呆左問我。
「...」我咩都冇講指住個天。
流星雨一粒一粒劃過天空。
「嘩！快啲許願先得！」佢雙手合十﹐
樣子十分誠懇。





我相信個天一定會幫你實現個願望。
一定。

我都好快咁許左個願﹐
再噤埋個定時既快門。

「你許左咩願？」我轉頭問佢。
「唔講你知！」佢搣下我塊臉。
我捉住佢隻手「咁我講下你知。」
「講左就實現唔到架啦。」佢噗哧一笑。




「我個願望係﹐一世都要同你分開。」我將佢拉近自己﹐
靠近佢耳仔講。

如果個願望講左出黎係實現唔到﹐
我就更加要講出黎。

「...」佢微微縮後左﹐
咩都冇講。
只係好含蓄咁望住我。
見到佢眨下眨下既雙眼。

我將身體微微傾前﹐
佢慢慢合埋自己既眼睛﹐
抖震既眼皮﹐
仲有輕輕合攏著既嘴唇﹐




每一下既呼吸聲都充滿住佢既氣息。
我一手攬住佢條腰﹐
另一隻手就已經同佢隻手十指緊扣。

將攬住佢條腰既果一隻手慢慢收緊。
我同佢既嘴唇碰到﹐
但我地完全冇諗過分開。
仲漸漸加深力度。
直到雙方冇氣咁濟先肯離開對方既嘴唇。

望住佢缺氧而變得通紅既臉頰。
雙方既眼睛都離開唔到對方既視線﹐
我同佢額對額好甜咁笑左下。

我諗我唔可以冇左你﹐




我要自私得到你啦鍾凱婷。

「唔好意思呀...」一個龍友行左過黎「我...啱啱影低左你地錫果下...因為個畫面太靚啦...忍唔住影低左...」佢推一推佢副眼鏡。
唉﹐唔好坤我地啦你。

「唔緊要啦。」啊婷同佢講。
我今日俾面大佬...呀呀呀...係啊婷﹐
先信住你。

「呢到我卡片﹐遲啲我會開影展﹐歡迎黎睇下。」我接過卡片﹐佢叫千紙。
「你地俾你電郵地址我﹐我遲啲send返張相俾你啦。」佢搵左本簿出黎。
俾我寫左個電郵俾佢。
「你可唔可以俾我地睇張相？」啊婷繞住我手臂。
「緊係得啦！」佢響佢相機摁左幾下。
再俾我地睇。




睇完得一個感覺﹐
專業既係唔同啲既。
「我一陣就俾返啲相你地啦。再見。」佢接過本簿﹐鞠躬就走左。
真係幾好禮貌架喎。
「影得好靚呀呵？」我俯視佢。
「嗯！」佢俾左一個好甜既笑容我。
「但我覺得你靚啲囉就。」我既嘴唇輕輕印左響佢額頭到。
「我緊係靚啦～」佢鬆開我自己行返去坐「你呀﹐隻手咁鬼凍。」佢響袋到搵緊啲野「等我送啲野俾你啦。」
佢笑住攞左條頸巾圍住我條頸。
「燈凳～啊婷牌頸巾～」佢織左條灰色既頸巾俾我。
係我最鍾意既灰色。
上面仲有個T字。
啫係添﹐Tim﹐T
「多謝肥婷。等我都送返個啊添牌抱抱俾你啦。」我攬住佢。





我真係覺得自己好幸福。

我沉迷左響佢既雙眼﹐
佢既氣味﹐
佢開朗天真既性格。
我沉迷左佢既一切。

迷得好深好深。

我同佢攬住雙方取暖﹐
事關個天氣真係開始凍﹐
蓋多件褸都係涼涼地。
愈夜又愈餓﹐
愈餓就愈凍。
最後頂唔順都係執野返屋企。

佢帶頭行先﹐
我上前想幫佢拎野。
「我自己攞得啦。」
真係一個好女仔。

「嘶...」我因為太凍係咁響到嘶嘶索索。
好彩啊婷冇著短褲短裙啫。
如果唔係一定好凍。
「不過今日好開心啵。」佢緊緊拖住我隻手﹐痴到我實一實咁行。
我臉上面掛住一個甜蜜既笑容﹐
默不作聲。

因為我心入面都有相同既答案。

我一上到車就訓左﹐
只係好啊婷講響邊個站落。
之後就全程合埋隻眼﹐
挨響佢膊頭瞓。
仲要瞓到成隻死豬咁﹐
差啲醒唔到。
「肥豬﹐醒啦。」一把好聽既聲音傳入我隻耳。
如果日日俾啊婷叫醒﹐
第一眼見到既係佢。
我一定唔會賴床。

經過好耐既車程﹐
終於到。

我帶佢一條好長既路去屋企﹐
咁村屋條路係長啲架啦。

去到屋企門口差啲以為自己冇帶鎖鑰。
好彩響個袋底搵返啫。
如果唔係好柒架嘛。
終於開門啦﹐
佢第一句既說話係...