《讓我重新遇見你》·緣圓系列·: 第十九章 英年早逝？

第十九章 英年早逝？

每日送啊婷返屋企已經成為左我既生活習慣﹐
不知不覺已經到左星期六﹐
要開始返工啦...
不過返工可以見到啊婷﹐
返一世都肯呀。

話時話今日十一月廿二號﹐
我竟然唔記得自己生日喎。




不過生日又點呀...
好似平時咁過咪得囉。
橫掂都冇同啊婷講。

啫係點？
啫係冇人陪﹐
要自己過生日呀。

其實毒撚一個更開心﹐
洗撚你講。





等我約下吉仔先﹐
同佢HeHe過都好過同手指腳指過。

「喂﹐黃魯吉﹐你...」我打電話俾佢
「唔得閒呀。」我都未問...「我約左人呀。」佢一定約左陳希曈！
一定呀！
「有異性冇人性呀你。由得我自生自滅啦。得曬啦。」我扮曬慘咁。
「唉呀﹐琴日咪陪左你囉﹐仲煮埋飯俾你㖭。唔同你講仲住啦﹐我趕住出門口呀。收線啦。」嘟...嘟...嘟...
你個死仔Cut我線？





今晚都係買個雪芳蛋糕﹐
求其插枝蠟燭落去同自己慶祝算啦。

唉﹐諗咁多做咩呀﹐
返工啦。
一入門口就見到啊婷著住制服既背面。
係...係好靚。
但條裙太短啦！
又俾人望住曬啦！

「肥婷﹐條裙又咁短？嗯？」我再用件䄛響佢背後圍住佢條腰。
「咩喎。」佢扁曬嘴咁講。
「咩咩咩喎。我女朋友俾人望呀﹐我唔通唔理？」我隔離件䄛響背後攬住佢﹐再好甜咁笑一笑。
「係啦係啦﹐你最醒啦。」啊婷轉返身將雙手放響我膊頭再圈住我條頸。




「下次要變返長條裙呀。」我錫左落佢額頭到。

「...」佢塊面紅到好似蕃茄咁﹐
佢怕羞又正常既﹐
話曬我都係第一次錫佢。
「我換衫先啦。」我打破尷尬既氣氛。
佢拉住我隻手。
我一另轉頭﹐
佢就指住自己更紅既面。
我輕輕咁笑左下﹐
再錫多次。
「有力氣啦。」佢扮左大隻佬既姿勢。
真係好可愛。

我換好曬衫﹐




普普通通既恤衫﹐西褲﹐
著響我身上真係完美。
人高真係著咩都好睇。

我行出黎﹐
啊婷就攞住部即影即有「肥添！我地影相啦！」
我搭住佢膞頭﹐
彎一彎腰令自己既高度同佢一樣。

佢舉起左兩隻手指﹐
笑得好甜。
可惜呢張相不屬於我。

影完佢就即刻攞走左。
唔緊要啦。




呢啲野緊係俾女朋友keep啦。

開始做野﹐
舖入面唔算忙﹐
得閒都可以傾一兩句計﹐
都識到其他既員工﹐
做下做下咁就過左半日。
終於可以休息啦﹐
「啊婷﹐我想要婷製檸檬蛋白派呀。」我捉住佢手臂。
響到搖黎搖去。
「為食鬼。嗱。」佢攞左個派出黎。「特登留俾你架。」
啊婷真係好～
佢仲私人醒多杯熱朱古力。
本來我想飲咖啡架。
但啊婷話「唔準呀﹐飲咁多咖啡對身體唔好呀。」佢鼓起泡腮咁講。




「好﹐唔飲就唔飲。」我好聽話架。
休息完又係奮鬥既時候。
但到啊婷休息啦...
啊婷呀...

到左啲人放工既鐘數﹐
鋪頭都開始多人﹐
做到冇停手呀﹐
向完左行又向右行。
總之就係﹐
忙。

下半日完埋。
放工啦！
我急急腳去換衫。
想快啲返屋企沖涼瞓覺嘛。

當我出返舖面﹐
一個人都冇﹐
啊婷都唔響到﹐
唔通係佢個表哥送左佢返屋企？
咁我自己返啦。

我行去拉門﹐
「砰-砰-砰-...」
仆街！
點解開唔到架？
屌！
放我出去呀！
我唔想死響到呀！
喂！
有冇人呀？
唔通我真係要英年早逝？

我瘋狂拍門。
持續拍左幾分鐘。
好啦。
我死心啦。

我坐左響店入面既一千零一張梳化。
「梳化呀梳化。我今晚要同你過啦。」我開始思覺失調。
「滴答滴答滴答...」個鐘不停嘈。
「屌你老味你收嗲啦。」我竟然發個鐘爛炸。
已經眼瞓架啦﹐
個鐘仲要嘈住曬。

唔躁底我唔姓陸呀。

我開始有睡意。
鐘既滴答滴答聲﹐
伴隨住我進入夢鄉。