《讓我重新遇見你》·緣圓系列·: 第十七章 接近

第十七章 接近

佢伸手攬住我「如果攬你﹐我攬一世都肯呀！」
我好感動呀。
一個唔怕臭唔怕肥既女仔。
竟然響我身邊。
一路攬住佢一路行左去坐。
「肥仔。你幾時先肯返工呀？」佢扁住嘴問我。
「下個星期六。一言為定！」我都唔記得返工呢件事。
自從上次考試話要溫書﹐




之後就溫到工都冇返。
「好啦。咁我都返啦。」佢挨左落我膞頭到。
又係一陣好聞既薰衣草香味。

「啊添！差個人跑接力呀。」啊雄跑過黎。
「你諗住叫我？」我指住自己。
「唔係你唔通我呀？」我呆一呆﹐
佢反左一下白眼「屌你﹐年年都你架啦﹐行啦。」
「我去跑接力先﹐你都唔好周圍行啦。啲風吹下吹下好易病架。」我捏左啊婷個鼻一下。
「嗯。你都小心啲啦。記得拉筋呀肥仔。」佢又搣我塊臉一下。




「夠啦夠啦曬夠啦。」啊雄講。「啊添你去先啦。我屙尿先。」
「快啲呀。啊婷我走先啦。」我揮揮手。
我走左之後啊雄同啊婷講左啲野。
不過我都冇理咁多。

而我行去召集果陣撞到周慧敏。
佢又攞住本畫簿。
我行去佢面前「又畫呀你。」
「又唔得呀？」佢笑笑口咁串鳩我。
「得﹐一定得架。」我無奈咁笑。




「講樣野你知。我有新目標。」佢個樣好得戚。
「講黎聽下。」我彎低腰伸隻耳朵過去。
「Not You.」佢既笑容微微拉高佢既臉頰既肉。
「唔通係吉仔？」我開始估。
「癡線咁多人搶。」佢寫左張紙「想知就whatsapp我啦。」佢伸一伸脷。
「你個?妹咁得戚？」我一野搣落佢塊面。
「你唔好掂我呀。話俾凱婷姐姐知架。」兇我？
「吼！你好野呀。」我彈佢額頭。

「陸添羽！」有人召喚我。
我行左過去啊雄到「一陣你跑第三棒﹐吉仔會跑最後。阿謙就第一棒。我會第二棒。」

呢鋪hea跑都得啦。
吉仔跑最後﹐夠做呀。





一起步既時候呀﹐應聲彈出﹐帶頭既係D班既同學一過二呀﹐而D班就向住排緊一位既同學追上。第一既係A班既同學黎既。
進入大直路既第二棒同學開始拉近距離啦﹐依家係叮噹碼頭呀！而次序排位上都冇乜大變動架。
第三棒係轉呢個香港體育院彎...sor sor sor！普通彎黎架啫。D班既同學衝上！A班展開追勢！
終於到最後果棒啦！係D班封冠三年既黃魯吉呀！佢直爆到終點呀！
相都唔洗影相都知邊個贏呀！

「輕鬆跑呀！」啊雄走過黎搭我膞頭講。
啊謙走左過黎「照舊慶功！」
啊謙係我同班同學﹐都係唔讀書果批﹐所以都幾啱嘴型。
「唱K！」吉仔咆哮。

銀芽一聲﹐
又黎到頒獎典禮啦。

又係一班校長既廢噏時間。




屌﹐我好攰好眼瞓完啦好嘛？
「就瞓著啦。」我隻眼得返一條線。
「現在係頒獎。」
「好！講得好呀！」即刻精神返曬。
果然全場總冠軍又係吉仔。
都話左係吉仔日架啦。
睇黎佢今日又溝唔少女。

「去唱K嚕！」成個陸運會終於結束。
我同佢地就一齊去更衣室換衫﹐
我地都例牌帶自己衫換。
冇點解架﹐
純粹想舒服啲。
「好！...喂？」我電話響。
「肥添...你響邊呀？」啊婷打黎。




「響你個心到。」我口花花咁講。「我響更衣室呀。準備慶功。」
「仲諗住搵係食飯㖭...咁算啦。」佢把聲有啲低落。
我真係唔忍心拋低佢「一齊啦。你響輕鐵站等我啦。」
「好似唔係咁好喎。」真係顧人感受既小女孩呀。
「都係唔好啦。我黎接你啦。響邊呀你？」
「我同希曈一齊喎...」佢應該驚吉仔佢地唔鍾意。
「啊嫂一齊啦！帶多啲女女呀！」吉仔同啊雄啊謙響到叫。
「聽到啦。佢地冇所謂呀。」我都估唔到吉仔佢地會咁講。
「嘻嘻。我想返屋企換完衫先出黎呀。我一陣同希曈自己去啦。」唔知佢會點著呢？
「你知響邊？」不過我都係有啲擔心。
「知呀。我一陣再搵你啦肥仔。」我諗佢唔識希曈都識既。
「咁你小心啲啦。」真係有啲唔捨得佢把聲。