《讓我重新遇見你》·緣圓系列·: 第十四章 約會

第十四章 約會

揀咩衫好呢？
短袖衫？
shirt衫？
衛衣？
定針織衫好？
選擇困難呀…

揀左成個鐘，




普通T-shirt加牛仔褲，
就決定用你啦！

「嗞…」啊婷打電話俾我！
啊婷好甜既聲音「傻佬，聽朝8:00響頌富M記等啦。」
同平時返學有咩分別？
「咁早，去邊到玩呀我地？」
「我想去海洋公園玩。」
「好喇，你話去邊就去邊啦。早啲瞓啦傻婆。」





Oh,Shit！
我口快快答左佢去海洋公園！
仆街啦！
我畏高架！
跳樓機…過山車…
FUCK。

死就死，都慣架啦。
都係早啲瞓，如果唔係又遲到架啦。
絕對唔可以俾呢啲事發生。




雖然返學第一日都咁講。

「叮…」有人Whatsapp我喎。
我睇完個Messages，
久久未眠。

「怪那一位安徒生，故事編寫得太動人，讓我不肯相信天公不憐憫…」
無錯。
我個鬧鐘又響啦。
瞓死左既我，
聽唔到係基本啦。

我只係講到睡魔同我講
「瞓多陣先喇。」
「幾分鐘後再醒都唔遲啦。」




「一定唔會遲到既。」

「嗞…」電話又響啦。
「喂…邊個。」我仲響張床到訓緊。

「傻佬，連我係邊個都唔知呀？」仆　街　啦　！
我約左啊婷架喎！

「我點會唔知你係邊個呀，寶貝婷。」我懶係冇野啦。
其實已經驚遲到驚到瀨尿咁濟。

「嘻嘻，我準備出門口啦喎。你響邊呀？」唔撚係第一日拍拖遲到呀？

我一邊換衫一邊同啊婷講「我搭緊車啦，就到銀座果邊啦。」





再衝去廁所刷牙。
「吓？你咁快？咁我快啲出門口先得啦，bye bye。」唔好啦！
你慢慢啦！
慢慢呀…

刷埋牙，
搞掂。

一出門口就用快過保特既速度跑去的士站，
的士！我要的士呀！
遲到啦就快！

好彩個天都待我不薄。
即刻有架的士。





望一望錶7:40，
一定趕得切呀！
「頌富商場！」

飛的係明智既選擇，
好彩冇紅燈啫。
平時返學都紅我燈，
阻撚住曬個地球轉！

仲有五分鐘。
我是拎左張一百蚊比司機「唔洗找。」
之後就急急腳跑去M記。

時間啱啱好，
唔遲唔早。





但啊婷已經坐低左，
佢仲響到寫緊之前見過果本筆記。

「肥妹，你做乜帶本簿去海洋公園呀？」我坐響佢對面指指本筆記。

「…」佢呆左一陣，之後再合埋本筆記，放返落袋。
「你啱啱問我咩？」

「冇野啦。」我無奈咁笑左一笑。
我笑係因為，
一來佢又唔記得野，
二來我叫佢肥妹佢又好似聽唔到。

「肥妹仔，想食咩呀？我去買。」

「無所謂呀～」
唔好無所謂呀！
女仔既是但真係好難理解。
買薯餅又會話熱氣，
買包又會嫌飽，
買熱朱古力又會話太甜會肥…

「你個樣咁迷茫，其實我幫你諗左架啦。」佢伸一伸脷。

調皮妹。

「你鍾意食魚柳包，就要兩個魚柳包餐，薯餅，熱朱古力啦。」佢想響銀包攞錢出黎

一個唔嫌薯餅熱氣，
唔嫌包飽肚，
唔嫌熱朱古力太甜太肥不特止，
仲要知我鍾意食咩，再幫我諗埋食咩既女仔響邊到搵？

「收埋啦。我請你啦。」我等都唔等佢回答，
就轉身走左。
成個畫面幾型呀。

「兩個魚柳包餐，兩個都係薯餅，跟熱朱古力。」

「先生響到食定拎走？」屌,呢把聲咪係陸矛琪？

扮唔識扮唔識「係到食。」

幾經辛苦終於買完，
食飽左就去搭車。

兩個鐘後就到左海洋公園門口。

「我地快啲入去啦。」啊婷好似小朋友咁講，
之後仲拖住我衝入去。

好暖呀…
排左都幾耐下。
終於入到去啦！

啊婷既興致完全冇因為等得太耐而減退，
反而更加興奮！

「行快啲啦，行快啲啦！」佢拉住我講。

「慢慢黎啦。我攰到唔想郁啦。」我因為排得太耐都冇曬癮。

「乜你咁架…人地仲想玩翻天覆地架…」佢扁曬嘴咁講。

望住佢個樣，
真係好難唔心軟。

「唔知點解突然精神返曬，行喇我地。」
講完唔夠1秒,佢就拖住我衝過去。

咪住！
佢話玩翻天覆地？
360度轉果個？
唔好啊！
我會死架！
我會突發性心臟病架！

當我清醒返既時候，
我已經坐左上去…

開始啦開始啦…
佢轉緊喇…
唔得喇…
我要暈喇…

轉左唔知幾多個圈之後，
終於落返地啦。

我冇死到呀！
冇死到呀！
哈哈哈！

「肥佬添，我仲想玩瘋狂過山車呀。」佢隻眼閃下閃下咁。
記得下次唔好再倒閃粉落眼啦。

但不如放過我啦。
我望一望上去，
哇。屌。
好似好高咁既…

不過我對住啊婷，
根本我毫無抵抗力。
「去啦去啦。」見到佢個樣想扮攰都唔得啦。

勁快就上去過山車
又開始啦…
「呀！」我冇眼睇啦。
我唔得啦…

之後果幾個鐘，
都俾啊婷捉左去玩機動遊戲，
好彩冇玩跳樓機…

而同佢過既時間都過得特別快。
咁就完左一日啦…
我揹住佢去搭車，
佢唔可以話重，
但又唔可以話輕。
只能說個體重去到路程既一半已經令我冇乜力。

「肥妹？」我輕輕叫佢。
回應既只係均勻呼吸聲，
我側側頭，
原來佢攰到已經瞓著左。
而我只好加快步伐，
希望盡快搭車，
送佢返屋企。