《讓我重新遇見你》·緣圓系列·: 第十章 治療天使

第十章 治療天使

「你冇事呀嘛?」
一把唔熟悉既女聲傳入我隻耳
我轉身一望﹐呢個咪係...
之前同我表白果個女仔!?

「我冇事...」我默默回應佢

佢將手上面既畫架同畫具﹐




集中放係同一隻手。

「唔好唔開心啦﹐乖~」
佢踮高腳用空出既一隻手摸我個頭﹐
仲笑得好燦爛。

「好肥啊...」我心諗
等等先...望真啲...
原來佢唔係肥！
佢只係baby fat！




同埋個身高令佢睇落去肥啫。

望到佢塊baby fat既面
好想搣落去啊...
啊...唔係...我已經搣左落去。

「做咩?」佢好驚訝咁望住我

「Sorry...見到忍吾住想搣。」我鬆開左手。
當然我唔想放手。





話說佢塊包包面...
搣落去好有手感。
而佢同其他女仔唔同既地方就係﹐
有一把及肩既頭髮﹐
可紮可唔紮﹐
任君選擇。
其實望真啲都唔差既...
不過緊係鍾凱婷好好多啦。

「唔好唔開心啦知嘛？我走喇。」
佢再次揚起嘴角﹐
拎起畫具就走。

「我幫你拎喇！」身為一位男士﹐




又點會坐以待斃。
我上前拎起佢嘅畫架﹐
因為以佢既身高拎畫架...會好辛苦。

「唔好！」佢搶返佢個畫架。
我講左幾次，
佢都堅持唔洗我幫﹐
送佢又唔洗我送。
所以我都冇逼佢。

可能藝術人真係難觸摸啲。

「咁你自己小心啲喇...係呢﹐你叫咩名？」
「周 慧 敏!」佢講完笑左一下就走左。





諗諗下...點解我會比佢摸頭架？
不過依家個心真係舒服左好多﹐
咦？點解我笑緊既？
唔通佢上世係治療天使﹐
個天覺得佢做得好好﹐
所以今世要叫佢繼續做？