《讓我重新遇見你》·緣圓系列·: 第九章 悲劇

［第九章］ 悲劇
 
我本來打算食完就返屋企架。
但諗諗下啊婷放工夜晚自己返屋企會唔會太危險呢？
 
越諗越唔放心，
響商場周圍行，
等埋啊婷放工送佢返屋企啦。
 
屌。




我足足行左個商場三次啦。
個好有禮貌既保安都懶得再同我打招呼。
再咁落去個保安真係會覺得我有咩陰謀，
之後就報警拉鳩我。
唔得。搵場戲睇下先，
反正我想睇The Martian好耐，
啊婷又冇咁快放工,一於去UA戲院睇完先。
 
睇完套戲行多次個商場，
時間剛剛好，




啊婷仲唔放工？
行返去爸爸…唔係！係UNCLE開果間café先啱。
 
時間預得啱啱好呀！Yes！
啊婷熄好曬cafe 啲燈，鎖埋度門。
 
係我出場既時候喇。
 
「啊婷…」
正當我想行過去既時候，




我見到一個大概一米八又幾靚仔既男仔同啊婷一齊出黎。
 
邊個黎架？
點解佢好似同啊婷好熟咁？
 
佢地距離唔算遠,
勉強都聽到佢地既對話。
 
「我好似聽到啊添把聲」啊婷聽到我叫佢，
響到周圍望，
搵下見唔見到我。
 
「啊添？你之前講果個男仔？」只係見到果個男仔一臉疑問
喂，唔好叫我啊添，
我同你唔係好熟架咋。




 
但啊婷同佢講過啲咩？
之前講果個男仔？
關於我？
 
「算喇,可能我聽錯。」佢冇再回頭望
你冇聽錯，我真係有叫你…
我好想行出去，
好想行過去搭住佢膞頭，
好想好想…
但我控制唔到對腳，
我冇勇氣踏出呢一步。
 
個男仔摸啊婷頭髮，
笑容散發住寵溺既味道。




喂！
好放手啊吓，唔準掂佢…
但呢啲野幾時輪到我話事？
 
啊婷仲要繞住佢手臂，
兩個邊行邊笑…
眼白白望住佢地手繞手咁走，
我真係無能為力…
定個男仔係啊婷既男朋友？
我呆左咁企係到，
望住佢兩個嘅身影越走越遠。
個心好似有啲刺痛…
 
又係既…
我一直都冇同啊婷表白。




根本由頭到尾都係我一相情願。
根本我同佢既關係只係朋友。
 
只係一段友逹以上戀人未滿既關係。
 
我之所以會令到自己唔開心，
都怪我一直太自以為是，
以為自己同啊婷有機會發展。
 
如果當初我地冇遇見，
我亦冇對你動心，
你話幾好…
越諗越灰…
之前同啊婷既回憶全部浮現曬出黎。
 




「鍾凱婷,如果我下次統測全部科過70分。你可唔可以應承我一件事。」我果日返學一見到佢就即刻跑去同佢講，
個樣認真到我自己都嚇親。
其實我知道自己拎60分都難，
何況70分？
我仲要咁遲先開始溫書…
不過我覺得冇野係冇可能。
一切只係為左同佢表白…
 
「可以，你拎到70分乜都得。」佢微微一笑，
嗱，啊婷你講架。
我博曬老命都會證明比你睇，
我只要努力，
第一都有得我做。
 
由果陣開始，
我冇再打LOL。
返工都因為要溫書延遲。
 
每日響學校圖書館同啊婷溫完書，
送完佢返屋企，
之後都係對住啲書，
溫到夜一夜先訓。
每晚不停操卷，
不停做練習。
都係想啊婷答應我。
 
「屌！俾返陸添羽我呀！」吉仔喊撚曬口。
「你唔係陸添羽！你走！」啊雄攬住吉仔講。
 
浮誇。
 
我同佢地講我係為追啊婷先會咁，
吉仔同啊雄起初都唔相信我會因為咁而溫書，
仲成日引誘我打LOL。
不過我用時間證明左比佢地睇，
我今次係認真架！
 
佢地冇再引誘我,
反而仲同我一齊溫書。
「兄弟啊嘛，我地行動上同精神上撐你，快啲追啊嫂返黎啊。」
 
辛辛苦苦終於又捱多過統測，
不過睇怕都唔洗同啊婷表白架喇…
人地都有一個一米八靚仔男朋友喇，
我呢啲一米七九既濕柴憑乜同佢表白…
吉仔，啊雄，我對你地唔住。
 
「吼！！！點解我要對你動心，如果我開學冇遲到，冇見到你咪好！」我又再次咆哮。
我完全冇理自己身處係商場入面,
亦都冇留意路人既目光。
 
呢一刻，
我就好似一個癲佬。
 
陸添羽，你冷靜少少喇好嘛？
女啫，又唔係得一個。
單戀都搞到咁。
失戀都唔知點算。
 
唔好再諗，
唔諗就冇事架喇。
 
「你冇事嘛…？」一把女聲將我拉回現實。