《易容師 II 模仿犯》: 最終章-終結
終於結束啦！
辛苦左我係小欖扮傻仔，扮左足足五個月。
「主人，我搞掂啦！」眼前既Wendy，已經回復一頭亮麗既長髮。
佢跪左係地上，以嬌媚既聲線交代完成任務。
佢抬高頭，一臉微笑仰視著我，好似正係期待緊我比佢既獎勵。
「Good job！好得唔錯啊。」
我只係走前去，伸手摸摸佢既頭，佢就好似一頭母狗咁，瞇埋對眼，笑笑
口咁發情。
只係，主奴既關係要到此為止啦！
紅藍光交影既照射，加警車既響聲逐漸逼近，無疑因為岩先場槍戰，引黎
一眾警方。
「小奴，你係咪忠於主人我？」
「係！就算主人要我做咩，我都要做！好似要我做你既性玩具，幫你去捉
人做奴隸，甚至為左你逃跑，小奴我都在所不惜！」
「咁你應該知道，我計劃既最後一步......」
你知道嗎？你唔死，我一日都有比人懷疑既機會。
只要你一死，所有曾經在場見證密室事件既人都死清光。而劉孝天就名
正言順，因為同奴隸爭吵被殺死。
到警方一到場，我就扮演返個四眼傻仔，因為受到刺激，記返起被劉孝天
充當「易容師」一事。
完美計劃，猶如人生一樣！
「主人......」又做咩事？
「快Ｄ執起把槍。」
小奴照樣拎起把槍，但係佢冇將槍口指著自己！
「做咩呀你？」快啊，你個賤奴！警察就到架啦！
「小奴想......主人最後比一個獎勵我。」
「講。」有屁快放！
「你可唔可以，先合埋眼？」
合埋眼？到底你呢個母狗想點呀！
唉！可惡，時間緊迫啊！
「好，冇問題。」
以免佢一陣鬧情緒，先假裝瞇埋眼，廢事出咩意外。
嗯！？
「你......？」
一股暖流，從嘴唇之間傳遞到大腦。
呢一刻，盡管我係偷睇住，都唔敢相信──
眼前呢個奴隸，竟然錫左我一啖。
只係，為左錫我一啖？
嗦嗦......
暖意過後，並唔係單純直接既冰冷，而係更熾熱既淚水。
「估唔到......到最後......嗦嗦......你都要偷睇，到最後......你都唔相信我......」
我唔相信你？因為你呢個女人......
「就係因為我......由一開始唔係屬於你既人......所以你個心......由始至終都冇
愛過我？就連......嗦嗦......當我最錫既奴隸......嗦嗦......都冇？」
唔係完全屬於我既野，要黎做咩？
我咁完美既人，我人生唔容許有任何污點！
「如果......有來世既話，我第一個就遇到你，你會唔會比依家更愛我？」
「夠啦！你好煩呀！你個賤人，到底聽唔聽我話......」
砰呀──！！
話口未完，血花四濺。
一陣陣既鮮血，如同雨水一下子潑到我既臉上。
Wendy當真自盡。
而佢訓低前既一刻，淚流滿面，嘴唇喃喃咁講左三個字......
2015年10月18日，凌晨12點00分。新界屯門，新墟附近後巷。
「報告！現場發現三具屍體！仲有一個生還者，但個名生還者......好似受左
好大刺激啊！」
「嗚呀！！！！」嚎哭、悲痛，瞬間浮現表面。
就係Wendy倒地既一刻，我整個心好似被裂開一樣。
好痛，痛不欲生。
Wendy最後所講既三個字，我明明聽唔見，但係點解係腦海中咁響亮？
雖然早已準備警方黎到時裝瘋賣傻，但係點解我既淚水好似缺堤咁，剎那
間收制唔切咁湧出？
係我戲做得太好，抑或我戲假真做？
點解，明明係我贏架！
點解，最後我好似失去左Ｄ咩咁架！
「先生，先生！」
「彈開呀！」咪阻著我！
「先生，個女仔已經死左架啦！唔好咁激動啦！」
「我唔信！佢明明話願意陪著我一世架！」
勝者，一將功成萬骨枯？
笑話......講笑話既人，竟然成為自己最大既笑話！
＊ ＊ ＊ ＊ ＊ ＊
2015年10月18日，凌晨2點15分，易容師一案終歸落幕。
屯門區重案組，總督察李國良接手案件。
佢唔評論任何有關自己下屬──劉孝天，就係易容師一事。佢只係指出，
一夜之間，對多名死者，包括在槍戰中死去既兩名警察感到深切遺憾。
2015年10月18日，早上7點40分，汪震被證實有創傷後遺症。
事件發生既當晚，警員發現汪震發癲死抱著一名女性屍體，估計該名女性
就係「易容師」劉孝天手下之一。而佢既死，卻對受害人汪震造成深切影響。
其後，汪震因證實與案件無關，只純粹被劉孝天陷害，轉入青山精神治療
中心接受服康治療。
2016年1月20日，下午1點10分，經過三個多月的治療，汪震被認可康
服出院。
(~The End~)