《易容師 II 模仿犯》: 第十六章-死裡逃生

　　「果然係你！」
　　呢一句說話，並唔係我一個人講，眼前既熊教授都同我異口同聲。

　　「咪走呀！」
　　接著，熊教授轉身就走，歐陽美琪亦跟著佢後面追出去。
 
　　「咪走既，應該係你先岩。」的確，我冇再走。
　　我走左兩步，醒起我背後仲有一個變態醫生！
　　個一個比綠帽我戴既醫生陳志明！
 




　　我即刻轉身，用指住手執手術刀既佢。
　　「陳志明，你已經被拘捕啦！」
　　「哈哈哈哈......就憑你？」陳志明冇望著我講野，佢只係舉起染著血既手術
刀，係空中慢慢咁劃黎劃去。
　　當刀上既血流到佢前臂個陣，佢就伸個頭埋，由下至上迅速將Ｄ血舔入口
中。之後，仲要用條脷，舔下自己個嘴唇，細膩咁品嚐。
 
　　「我點樣唔得呀？」
　　「緊係唔得，得既話，你女人洗比我屌？」
　　「屌你老尾！Fish係邊呀？」




 
　　你個仆街！
 
　　「係邊呢？呀，依家應該係比人黑布蒙頭，痛苦咁呻吟啵！好可惜啊，你
同我都冇機會睇到呢一幕。唔係既話，我都想睇下......一個所謂正直既好警察，
睇見自己最愛既女人係你面前大叫，到底會有咩反應呢？嘿嘿......哈哈哈哈！」
　　「咪再講呀！屌撚你！」
　　「我係要講，你奈得我何？殺左我呀笨！」講到呢度，陳志明一手掉左把
手術刀：「阿SIR，我依家手上就冇武器既，你咪開槍囉！」
 




　　你個賤種......依家挑戰緊我呀？

 
　　殺左佢！

 
　　「屌你老母！」
　　殺！殺！殺！
　　我話你知，你根本係度同我玩命炸！
 



　　砰──砰──砰──砰──砰──砰──砰──砰──！！







 
　　呢數秒中，係我當警咁耐，唯一一次毫無遲疑咁開槍。
　　一扣板街，數唔清打左七槍定八九槍，將我忍無可忍既怒火，借此槍火子
彈一次過發洩！
 
　　「嗚呀！！」
　　望著陳志明身上多個彈孔，我內心有講出口既勝利感。
　　「咳咳......你.....呃我......你......明明話......佢唔會......殺人架......」
　　最後，陳志明講埋Ｄ無理啦為既野，就咁斷氣係自己血泊之中。


 
　　依呀呀！！！！！！！！！！！！！！！






 
　　就係我未黎得切確認手術台上楊成坤既情況個陣，房內最深處，又傳黎裂
口怪物既尖叫聲！
　　我理都唔理，直接向著聲音來源開左兩槍，然後即刻調頭走！
　　向著岩先所黎既Lift口，熊教授同歐陽美琪離開既方向跑！
 


　　砰呀！！


 
　　依呀呀！！！！！！！！！！！！！！！






 
　　只係，當我走返原路，未到一半個時。兩邊本來封死左既房門，呢個時候
竟然有三個爆開出黎......
　　係房內衝出黎既，無錯就係同之前一樣既裂口怪物！
　　前方左邊有兩隻，右邊有一隻。夾埋係房內，仲未被殺既個隻，依家總共
有四隻裂口怪追殺埋黎！
 
　　十萬火急之下，我無得選擇。
　　唯一可以做既就係一尾向前面衝！
　　因為只係前方係出路，出到就仲有希望！
 






　　砰──砰──


 
　　左右迎面撲殺過黎，我立即連開左兩槍，射低左一隻疑似係之前失蹤既何
秀麗。
　　另一隻好似識避子彈咁，成隻草蜢咁四肢爬地，四周咁彈跳飛過黎！
　　就係我發現手上支槍冇哂子彈個陣，佢就飛到埋我前面！
　　好彩我及時低頭，避過比四腳怪撲倒之餘，佢更加唔小心撞低埋後面追殺
過黎既一隻裂口怪。
 
　　眼前仲有一隻。
　　一隻雙眼早比刮左出黎，只係聽到我既腳步聲，死命係咁衝過黎既怪物。
 
　　同時間，我諗起自己衝動殺左陳志明，依家又仲未搵得返Fish，深知只有
熊教授同歐陽美琪知道佢下落，必需要追到佢地！
　　「彈開呀！」
　　所以，依家逼於無奈，神阻殺神，佛擋殺佛！
　　更何況眼前既係一隻已被改造，往後人生希望全冇既怪物，更加唔可以阻
得到我！

 
　　轟呀──

 
　　我一手拎槍，對準隻怪物個頭，一野車爆佢！
　　無情既一擊，打到佢跪低係到，讓開條大路比我。


 
　　2015年10月17日，晚上10點37分。神祕私人醫院，大門對出空地。
 
　　終於出得埋黎啦！
　　Fish等我呀！我黎緊救你架啦！
 
　　「呀！！！！」
 
　　咩事？點解又有慘叫聲？
　　呢把聲，係熊教授？你唔可以有事架！
　　仲有歐陽美琪，千萬唔好出事呀！


 
　　砰呀──!!


 
　　我跟著叫聲方向跑去，點知跑到一半，同一個方向又傳黎槍聲！
　　唔好呀......唔好呀！
　　我個心泛起不祥既預感，即刻拼盡所有力跑過去！
 
　　「熊德倫......歐陽美琪！」
　　天意弄人，當我去到個陣，佢地都訓左係地上邊。
　　熊教授頸上大動脈係咁出血，郁都唔郁下。而歐陽美琪就中槍倒地！
 
　　「阿天？你果然係度！」邊個？
　　強光照射埋黎，唔洗一陣，我已經認同對方係咩人。
　　一班手執電筒既伙計，仲有帶頭我既上司──李SIR。
 
　　「你地做咩殺左佢地呀？」我好嬲，好嬲！
　　「咩我地殺左佢地？」李SIR按低其中一個伙計把槍：「頭先係歐陽美琪用
刀刺殺熊德倫。個伙計都係為左保著熊教授先開槍姐！」
 
　　歐陽美琪殺左熊教授？
 
　　「做咩呀你地？」就係我仲思索緊頭先發生既事時，兩名伙計走到埋黎捉
著我雙手。
　　「阿天，你做左咩心知肚明啦！岩先熊教授臨訓低前，講左你係成件事既
幕後黑手。而你......岩先開完槍黎？仲有你入間醫院做Ｄ咩呀？我地有理由帶你
返去協助調查！」
　　咩我係幕後黑手？明明係熊教授見到我調頭走！佢先係......？
 
　　咪住！
　　「陳仔呢？佢可以證明我係跟著歐陽美琪走架！」
　　「仲好意思講陳仔？陳仔話吩咐佢去小欖接汪震出黎協助調查。話你跟著
唔知點解追著歐陽美琪走，CALL我地班伙計黎接應你架！點知你竟然......」
 
　　「喂！你......嗚呀！」
　　「大家小心！」
　　「咪走呀！阿天！」
 
　　彈開呀！我冇時間聽你地講廢話！
　　我一手推開一名伙計，再一腳踢低另一個，轉身跑去我架車度。
 
　　我唔可以係到比人拉左去架！
　　Fish等緊我，等緊我架！
 
　　　　　　　　　　　　　　　　　　　　　　　　　　　(to be continued...)