《易容師 II 模仿犯》: 第十章-話中有話

 
　　「一陣間，劉SIR你地唔好出聲住，甚至唔好咁快拎本書出黎。」
　　「吓？教授你講笑炸？咁我同天哥坐係到做咩呀？」
　　「陳仔你就同劉SIR在旁留意汪震既變化，必要時你地先加插兩句。」
　　「咁樣啊......天哥，你點睇？」
 
　　「劉SIR？你.....係咪聽緊？」
　　「喂喂！天哥！」
 
　　2015年10月17日，下午3點27分。新界屯門，小欖精神病治療中心。




 
　　事隔一日之後，我即係同上頭申請，要求之前牽涉在內既熊教授，以協助
調查理由及汪震前心理導師，連同陳仔再度返黎小欖。
 
　　「哦？」只係，我腦海除左案件之外，亦比另一件事纏繞緊：「哦......照教
授意思啦！」
　　又係前往羈留室既途中，陰暗既光影同風扇雜音，再次勾起我心內潛藏既
不安。唔同既係，呢次既不安，唔單係為左公事，而係真正為左自己既私事。
 
　　已經過左幾多年呢？




　　一年？三年？抑或已經接近五年？
 
　　回想起我正式當差，知道可以跟著自己從小既志願除暴安良，我個一刻真
係想當興奮。
　　正義，呢個詞彙，我就好像為左佢以出世。
　　自小抱打不平，係中學時伸張公義，為左校內矩條同同學勢成水火。
　　到加入警隊，去到深入警界，再知道內部當中有所謂既黑白，我內心亦冇
半點退縮。
　　因為，我知道呢個世上需要正義，亦有好似我一樣忠直，公義既人民。
　　呢種人，當然比世人當作白痴。如果世界上冇呢種白痴，我劉孝天願意做




第一！
 
　　因為正義，我唔想睇到無辜既人落淚。
　　當下，若因為正義，忽略左某人，反令自己想流下男兒淚。
 
　　失落與憔悴既樣，就成為眼前呢位「易容師」既鏡子。
　　「汪震，你仲記唔記得我？」熊教授同汪震一枱之隔，但臉帶笑容，感覺
比人親切。
　　「你係......熊......教授。」汪震一字一句咁講，雙眼亦開始從遊離狀態，集
中返坐係對面既我地。
　　「係啊，汪震你依家感覺如何？」
　　「好攰......好想......訓教......但......岩先......訓醒......」講到呢到，汪震眼神又
唔知咩事遊走左。
 
　　「點解你要係到訓教？你冇野想做咩？」教授繼續以傾計形式問佢。




　　「有咩......做？」
　　「打波，食飯，或者好似依家咁，同人傾計囉！」
　　「唔......好攰，唔想郁。」汪震雙眼又望左我地一下，之後合埋左。
　　「咁樣靜態Ｄ既活動，你又岩唔岩？比如......睇書？」
 
　　「睇書？」汪震慢慢掹開雙眼，又合返埋：「唔睇。」
　　「咩原因？可唔可以話我知？太悶？太煩？抑或你已經睇過你覺得最好睇既
書，所以依家你唔再有興趣，睇其他既書？」
　　汪震冇再任何回應，只係繼續瞇埋眼，好似真係訓著左咁。
 
　　「喂！教授，唔掂啵！」陳仔靠近教授耳邊，細細聲咁講。
　　教授亦同樣冇出聲，只係一直望著汪震。
　　而我，唔知點解相信教授當下既反應，跟著一樣咩都冇做，留意著汪震。
 
　　「唔......好悶。」過左成分鐘，汪震終於出聲。




　　我見咁既情況，向教授打個眼色，準備拎本書出黎。點知，教授按著我，
搖搖頭示意等多一陣。
 
　　「咁......你覺得......咩書先係......吸引？」教授再坐前一Ｄ，語調慢慢調整到
跟汪震咁樣。
　　「知識......一D......唔常既知識......」
　　「可唔可以......舉個例子？」
　　「唔記得......書名......太長......」瞇著眼既汪震，抬高頭，咬緊牙關咁思索。
　　「咁個本書，有冇咩特別記認？比如......書皮顏色？」
 
　　講到呢到，唔洗教授提示，我都知可以準備拎橙皮書出黎。
　　只係等，汪震既下一句話。
 
　　「紅色......」
 




　　咩話？
 
　　「啊......好似唔係......黃色？定係......」
　　快Ｄ記起啊！好重要架！
 
　　「係黃色......只係染左『紅水』之後，佢就變左橙色。」
　　咩意思啊？咩紅水？
 
　　「天哥......」陳仔又細細聲咁叫：「之前鑑證報告有講，書上面係有不明血
跡，不過......」
　　不過，我地掛著查缺頁既事，忽略所謂既血跡係染蓋左成本書皮！
　　但咁就奇怪，就算唔跟鑑證，我地冇理由睇唔出。因為僅僅係書皮染血，
滴血不沾書既內頁，我地先冇留意到？
 
　　唔理咁多啦！本書係時候拎出黎！




 
　　「汪震。」我將個本被染成橙皮既厚書放係枱上：「你之前所睇既書，係咪
呢一本？」
 

　　霍霍霍......
 

　　呢一次，汪震冇即時尖叫。
　　只係，明明岩先眼都掹唔大既佢，忽然掹大雙眼，又望實本書。
 
　　下一秒，佢兩個眼球瞬間轉上黎，凝視著我。
 

　　「嗯嘿嘿......」
　　令人毛骨悚然既笑話，慢慢徘徊整個羈留室。


 
　　「嘿哈哈哈哈！」
　　笑聲愈黎愈大，回音循環轟入我耳中。
 


　　「哈哈哈哈哈哈哈哈哈哈！」
　　刺耳既聲線，加上光暗既交錯，勾起密室中既回憶。


 
　　然後，所有人都快係回音中崩潰。
　　在理智崩塌之前，有人已將眼前瘋子壓低。
 
　　再下一秒，瘋子比人壓係枱上既同時，笑聲亦剎那間停止。
　　最後，大家只聽到一句說話，一句令耐人尋味既說話：
 
　　「點解，你又比呢本書我？」
 
　　恐怖？唔係，在場既人冇一個覺得恐怖。
　　只有我。
 
　　因為佢呢一句說話，係望著我講。
　　個一對死神既眼睛，眼都唔斬咁望實我。
 
　　同時，將在場所有人既視線......都一一集中係我身上！
 
　　　　　　　　　　　　　　　　　　　　　　　　　　　(to be continued...)