《易容師 II 模仿犯》: 第二章-死神之眼
屯門區，重案組B隊。
正正係我負責既環頭。
睇返個file，我電話都唔打，即刻落車，拿拿林走去office。
「天哥！」我一推門入去，一班做緊野既伙伴，都馬上同我打招呼。我微
笑回應，再走搵陳仔。
「琴日單野點？」話說，琴晚收集完逃脫案既線索之後，已經好夜，所以
我並無去到失蹤案既現場了解清楚。
「個女仔叫何秀麗，23歲，讀緊醫科，係屯門醫院實習緊。」陳仔拎起左
個file同我走入房。佢順手關埋門，我就坐低執著況倩宜一案既資料，佢就繼
續睇著文件講解：
「我地查到三日前既晚上，佢需要係外科進行實習。負責帶佢實習既外科
醫生Dr.Chan表示，何秀麗到第二朝五點半已經離開。但到第二晚實習時間，
何秀麗就冇出現，就連同宿舍既同學都搵佢唔到。結果要通知到佢屋企人，先
發現何秀麗原來都無返過屋企。到琴日傍晚，校方同失蹤者家人商量之後，決
定報案，向我地尋求協助。」
「屯門醫院......今次又係女學生？」我係櫃度拎出以膠袋包著既橙皮書，
放到枱上，再從膠套中拎出嚟：「話事話，你地查左失蹤者，宿舍附近既CCTV
未？」
「班伙計查緊啦。不過呢次失蹤既人，唔係讀咩心理學科。再對比近五個
月內，同區兩宗失蹤案冇咩共通點。」陳仔一路翻查一路咁講。
而我就拎出一份地圖，上面分別以唔同顏色既交叉，標示呢五個月內，全
港失蹤案件的發生地點。
5月：粉嶺、九龍城，合共兩人，一男一女。粉嶺-男，78歲，退休。九龍
城-女，39歲，無業；
6月：天水圍、屯門、藍田；合共三人，一男兩女。天水圍-女，16歲，輟
學。屯門-男，28歲，地產經紀。藍田-女，66歲，無業。
7月：屯門，只有一名女性。23歲，推銷員。
8月：無。
9月：元朗，同樣為一名女性。27歲，安老院職員。
唔會只係個別事件掛？
諗到呢Ｄ，一邊聽陳仔解說案情，一邊係度揭書既我，發現書中既缺頁正
正係書中所提及既「H國 催眠夢境」。
咁更加令我覺得好奇，點解偏偏係唔見左呢一部份？
其他「合成寵物」同「家族性奴」事件，好似唔太關連......
「係啦！」
呢個時候，陳仔無啦啦叫醒沉思既我，再將一份份，以透明袋包著既紙
張，放到我面前：「呢幾頁紙係何秀麗宿舍儲物室搵到架！」
一共十一頁，如同之前既篇幅，形式似係小說，分章次回。
而呢十一頁，正正就係書中718至729頁。
內容大概係：
W先生鎖定一個熟悉心理或醫學範疇嘅人，了解佢嘅一切，包括日常行為
模式、個人私生活，甚至細微嘅空閒活動，並以佢嘅方式記錄......經分析後H
先生確實係最適合作為替身嘅人選......同時間，W先生搵到一個空置多時嘅密
室......
將一名少女，以調教性奴嘅方式，給予洗腦......再用三至四個月時間，柺帶
了幾名少女，進行人體改造實驗......先將三名少女頭同肛門連上，成為人形蜈
蚣......再不斷凌辱一名，曾遇H先生有關係既L小姐......係強光下進行強暴同虐
打......將其四肢截斷，安上刀片......
殘頁去到呢度就完結。
而內容就同汪震「易容師一案」，我哋警方所知既開頭，完全一切吻合。
一樣殘暴、嘔心、令人毛骨悚然。即係話.....
汪震係照著呢本書去行凶！？
唔會咁誇呀？照著本書既教就可以完美犯罪？
但汪震一案，的確唔係去到最尾，我地都唔知真相係咩。
點起支煙既我，深深咁吸左兩啖，再次進入思考領域......
我摷返「易容師」一案，失蹤人口既地圖剖繪，遇害既失蹤人口都是集中
在大學個一區。
而汪震，偏偏唔係地圖剖繪既危險範圍入面，呢樣野真係令我地警方覺得
驚奇。
講返本書出現係況倩宜逃離地點.....但之後既缺頁呢？
點解會無啦啦比人收埋左.....又會出現係新既失蹤案件入面？
係有人刻意留低線索？抑制案件背後另一真兇！？
啪──！
「天......天哥？」我一手拍在係枱上，嚇到陳仔呆左個度。
「無謂斷鳩估。」一口咬著支煙，同時雙手收拾橙皮書同缺頁：「依家就去
小欖。」
「點解呀？」
「我懷疑琴日汪震同況倩宜見面個陣，比左個暗號佢，令到況倩宜逃走。」
一二年二月十一號，晚上十一點十分......九烈七貞，至死不渝。
絕對有問題！
2015年10月13日，早上9點08分。新界屯門，小欖精神病治療中心。
如事者，我同陳仔再次返到嚟小欖。
講返我琴日要離開小欖既時候，察覺監獄入面有Ｄ唔路對。
隱約聽到好似係犯人自殺，我好驚係汪震，但因為況倩宜逃脫一事，令我
暫時將汪震既問題放左一邊。
而今日係門口，照樣交低左電話同隨身物品之後，我地竟然收到一個令人
難以相信既消息......
監倉入面確實爆發自殺。
但唔係咩個別事件，而係集體自殺！
「咩你地冇睇報紙咩？」其中一位職員問返我轉頭。
「哈，咁忙邊有時間呀......」的確，近期又再感覺到，遇返「易容師」一案
既緊張感。
「係啦，咁汪震呢？」陳仔幫忙追問。
「汪震都涉及其中。」職員開始帶路，並且一邊同我地解說。
就係琴日我離開，小欖既職員送返汪震入倉無耐......Ｘ區既一名精神病犯人
忽然大叫！之後叫聲好似人浪咁，一傳二，二傳四，成區既犯人都一齊癲左咁
嗌，又不斷咁撞門。
雖則獄警即時有所反應，但一時三刻，面對人數兩倍有多既犯人，無法子
可以馬上壓制。
好彩到左最後，冇人死亡，只有除左汪震之外，兩名精神病犯人傷勢較為
嚴重。所有係事件中發癲既犯人，再次逐個被隔離。
聽到呢度，我同陳仔兩個，經職員既帶路，穿過左平時無人走過死寂既通
道，嚟到羈留室。
「麻煩你地係度等一等。」職員講完之後，就轉身離開。
羈留室內，只有前後四名獄警，同埋我陳仔兩個。
雖然我嚟過幾次呢度，但講真每次我都唔鍾意係羈留室等人。肅靜無人聲
既環境，光暗錯配既亮度，配上天花吊住幾部陳舊既風扇，「霍霍」咁既聲不斷
徘徊耳邊，搞到我成個人極度唔自在！
就好似，有人用指甲係你耳邊，不斷咁刮牆發出令人毛管筒既感覺。
「天哥，一陣你諗著點盤條o靚仔呀？」陳仔對著我剛才推斷一事，提出
疑問唔奇怪。
但佢邊問問題，邊東張西望，明顯同我一樣坐立不安。
「我諗......直接問佢有關本書既事就可以。」汪震自殺，同況倩宜逃脫，好
似無咩好大既關聯。
如果汪震想攬哂Ｄ罪行上身，而先去自殺，況倩宜根本唔需要逃走。
當中，我地係咪忽略左Ｄ咩呢？
「霍霍」既聲音繼續傳入我耳邊，我感覺到時間好似比平時過得特別慢，
全身感覺極度唔耐煩。
「嚟啦！天哥，佢嚟啦！」陳仔拍拍我膀頭。
我從岩先低頭忍耐之下，慢慢咁抬起頭嚟睇睇。
由兩名職員帶嚟既汪震，頭髮依舊零亂。
唔同左既係，臉上副眼鏡冇左......
應該係琴日企圖自殺個陣，唔小心整爛？
「劉SIR，唔好意思！」一名陪伴係汪震旁邊既看護上前嚟，細細聲咁係
我地耳邊講：「犯人佢琴日失血過多，今朝又冇點食到野，你地一陣查問時間盡
量縮短啦！唔該。」
我點點頭，示意OK無問題。
看護走返去汪震身後，小心咁扶持全身包著白布咁汪震坐低。
我從汪震雙眼望到，佢眼神飄忽不定，半合半開。
好似真係因為失血過多，個人處於非常疲倦既狀態。
「咳咳。」我咳左兩聲，醒目既陳仔即時拎出橙皮書，同撕出嚟既缺頁，
放到枱面上邊。
兩件有關逃犯，與及失蹤案件搵到既線索，我深信當中一定有重大關聯。
而呢一個重大既關聯，我亦相信汪震本人應該知道。
就算佢係「易容師」，佢既答案應該係我預計之內.....
「汪震，我想問下......」
「呀......呀！」
我話都未講完，汪震忽然掹大雙眼，望實本書，好似烏鴉咁尖叫：「呀！拎
走佢.....拎走佢呀！」
被包到成個木乃伊既汪震，用力係咁郁動！
全身係咁扭嚟扭去，結果搖到椅子都掉埋，成個人扑左落地上面。
看護同獄警即時上前扶返起佢，但佢依然係咁瘋狂扭動......
呢一幕場面，令我諗返起我第一次同汪震嚟到小欖，見到無手無腳，只識
不停尖叫既程小芳重疊一齊。
好似白色毛蟲，反哂肚咁掙扎......
「嗚嘔......」諗返起，個胃又有一刻想嘔野出嚟。
同時間，看護係幾名獄警幫忙禁著汪震時，乘機幫汪震打左支靜鎮劑。
「劉SIR，不如今日就算啦！犯人既精神狀態，同身體質素始終唔適合接
受查詢。」看護替汪震打完針，就轉身同我地咁講。
我望著開始冷靜落嚟既汪震，我嘆左口氣：「好啦，咁我聽日再嚟。」
估唔到，出乎意料。
連盤問都未開始，就要結束。
唉！
「打擾哂。」我同陳仔各自拎返Ｄ線索，轉身就離開。
只係，岩岩一踏出羈留室，我第六感話我知一定仲有Ｄ野。
於是我不自然咁回頭，望返鐵閘後既羈留室.....
砰呀──！
「哇呀！」霎時，陳仔驚慌咁坐低左係地上，而我就動彈不得。
就係我轉身望返去既一瞬間，一雙空洞既眼睛，只係相隔一度鐵門之間，
向我個方向望埋嚟......
係汪震，就係我轉身既一刻，佢衝左埋嚟鐵閘上面，臉貼鐵柱，雙眼掹到
極大，眼都唔斬咁死死地望著我。
唔係，正確Ｄ講，係望著我手上本橙皮書。
一下秒，佢雙眼迅速轉望上嚟，當下我同佢四目交投。
加上佢粒聲都冇出呢個毛聞，有著一種，講唔出口既恐怖。
就好似恐怖片中，比死神盯著既一樣......
(to be continued...)