《易容師 II 模仿犯》: 第一章-橙色書本
嗚呀.......嗚呀！！！！！！！！！！！！！
赤裸著上身既我，滿頭大汗，從自己床上嚇醒。
「嚇撚死......」我一手將頭髮撥起，手順勢摸到頸椎上。我閉起雙眼，諗返
夢中既事。
況倩宜的確逃脫左，而汪震出現只不過係夢。
係夢？會唔會係預言夢？
如果熊教授冇案件在身，真係想搵佢幫一幫我解夢。話哂，佢都算係一個
專業人士，只係......內心有Ｄ歪曲。
2015年10月13日，早上7點40分。新界屯門，海典軒某單位。
沙......沙......
唔！？
就係我思索緊個陣，我感覺到我下身好似有Ｄ野，好似有人鑽左入被窩。
係人？抑或係......
我掹大雙眼，望著蓋著我下身既被窩脹起既同時，我醒起呢個感覺，猶如
夢中比人形蜈蚣捉住嘅觸感！
呢個時候，有兩隻手抓著我大脾！
「哎呀！」我一聲大喊，一拳轟落被窩入面凸出既球體.....接住，入面同時
傳嚟一把女性既叫聲：「痴線架你！咁打人既！」
我即刻揭開張被，見到一個啡色短髮，身著一件大碼白色背心，蓋過下身
既少女。
「Fish，做乜著住我件背心？除左去。」
「人地見你琴晚返到嚟，無咩心機咁。諗著『安慰』下你咁炸嘛！點知你
會無啦啦打人喎！」
對方禁著自己個頭，啫起嘴仔，雙眼凝視著我。
同大家補充一下，呢位啫起嘴仔嘅，係我女朋友──Fish，余韻游。
26歲，係一名小學教師。成日比小學生蝦既老師，諗起都好笑！
「SORRY囉！我呢排真係好忙嘛。」
「忙就可以打女朋友架啦？女朋友拎黎發洩架咩？哼！」佢嬲爆爆咁，夾
著腳咁款坐著係我床上。
「哦～好好好，係我唔岩，我同你SAY SORRY囉！」
「SORRY囉？即係你條氣唔順啦！」姐姐，係你唔順啫！
「對唔著、SORRY、對不起(普通話)、斯里嘛些(日語)......夠未？」
「夠。」Fish咬著下唇，玩玩耳仔邊頭髮：「覺唔覺人家有咩唔同左？」
哇，屌！
神咁早乜搵Ｄ咁野搞呀？
「你著咗我件背心囉！除返出嚟啦，我要返工啦！」
「切！」Fish個樣極度不滿，但下一秒佢嘴角咧起：「你真係要我除？人
地入面咩都無著架啵～」
Fish講完，成個身靠埋黎，佢臉同我臉相距不到5厘米。係我白色背心底
下，佢兩粒神秘既葡萄子，就好似霧裡看花，若隱若現。
可惜......
「係。」
「咩話？咁架你！」佢比我激到跳起，同時我都落左床，走左去廁所刷牙。
「廣東話。當差既我，有咩未見過？何況係你？哈哈。」
「賤人！唔理你！」佢話完，自己捲入被窩。
我刷完牙，見到佢仲係咁，忍唔著：
「大姐，你話哂都係老師嚟，注意下自己行為啦！」
「我對你一個先係咁炸！點知你連人地有咩唔同咗都答唔......」
「係啦，做乜無啦啦剪短咗把頭髮？」呢個時候，我諗起汪震事件。
「你終於睇到啦！叻仔！」佢聽到我發現佢剪短左頭髮，開心到衝左埋黎
廁所，從後熊抱著我。
一種柔軟既觸感，本應屬溫柔香。
但此時我竟然反胃！身軀一震，鬆開左Fish，對著洗手盤係咁嘔！
「哎呀！係咪整到你呀？SORRY呀！」
「唔關你事......」只係溫柔香，瞬間變成死亡先兆。
同樣嘅觸感，如同夢中實在。到底，發生咗咩事？
Fish係咁幫我掃背，我再次朗口，轉身就抱起咗佢。
「天，做咩......抱起人啵？」我望著懷抱中既Fish臉都紅哂，只係笑左一
下，將佢抱返入房。
「我知道，呢幾個月嚟，我都冇咩時間陪你。但我答應你，完結咗單案之
後，同你食飯睇戲。」我將Fish放落床上，幫佢蓋被後，我轉身就走。
「喂，你留左野......」Fish一手捉著我手，拉停左我。
「係啵！小貓咪。」我用手撥開佢頭額上既瀏海，輕吻一下佢額頭：「真
係夠鐘啦，你都快Ｄ準備返學啦！」
吻別後，我落到樓下停車場，開著架GTR返警署。
2015年10月13日，早上7點55分。新界屯門，屯門警署。
揸車既途中，我惱不停回憶五個月嚟既事情。
琴晚既惡夢，唔單只令我毫無性慾。更怕短髮少女失蹤案，會唔會危及
到Fish人身安全？
到達警署，泊好架車之後。感到不安既我，本能之下，我拎起左放係車頭
部手機，想打比Fish.....
只係，當想解開屏幕鎖個陣，雙眼自然咁落到旁邊既一個file上。
打開file，入面係有關琴日況倩宜逃離現場中，搵到線索物品既相片。
而其中一樣，竟然係一本質量極厚多頁，橙色皮書。
書名叫《七七四十九種犯罪方法》，作者禹寅。
更奇怪嘅係，當中離奇缺失左一部份頁數，明顯係人為撕走。
我重新翻查file入面既資料，睇到本書既目錄個時，勾起咗我認為係發惡
夢既源頭......
序言2-4頁
事前心理準備5-10頁
事前必須學習的知識11頁
－人體構造12-97頁
－基本解剖98-150頁
－語言欺詐151-273頁
－心靈催眠274-346頁
－警察慣性調查方向347-489頁
可供參考案例490頁
－U國 人臉頭套 491-548頁
－T國 鬼胎娃娃 549-602頁
－C國 合成寵物603-664頁
－Ｊ國 家族性奴 665-717頁
－H國 催眠夢境 718-785頁
後話786頁
合成寵物？家族性奴？催眠夢境？
我直覺話我知......內容應該係同汪震一案，有一定既關連！
(to be continued...)