回到初戀時: EP29

我們相約十年後在石澳樹下打開寫下願望的紙條……

有這件事嗎？為何我全無印象？而且還是可兒開口提出，至於子妮何時會變得這麼主動？還有輝揚的父母，在我的記憶中他們是在一場車禍中雙雙去世的，現在居然在海灘失蹤？那年我第一次參加他父母的喪禮，在靈堂上，輝揚摟着他婆婆哭得死去活來的樣子，我至今仍未忘記……現在我確實是回到過去，但在我身邊的人和事，好像因為我的出現而改變……

[偉明……做咩呀？你諗緊乜野？入晒神嘅！]坐在我旁邊的子妮說。

[哦……冇呀！尋日燒野食玩得勁得濟姐……]我隨口找個藉口說。

[咁又係，你仲要送可兒返屋企……辛苦你啦……人地嘅男朋友仔……]子妮鬼馬地說。





[點會辛苦喎……呢D係我份內事]我單起一隻眼回應。

[喂，不如考慮下我做你女朋友啦……我一定唔使你咁麻煩送我架……嘻嘻……]子妮假裝害羞地說。

[痴線！咪玩啦……]我不禁大聲回應。

[你傻左咩！咁大聲？]子妮打了我手臂一下。

[錢班長，汪子妮……你地兩個上緊我堂唔該唔好傾計！]負責教中文堂的Miss So大聲說。





[Sorry……Miss So]

[上中文堂唔該講中文……]

[對唔住……蘇老師！]

子妮低聲笑著:

[你咁緊張仲乜？唔通你開始著緊我？嘻……]





[你就想！咪自作多情……]我低聲道回應。

這時我不自覺和可兒目光相接，可惡的她居然用口型說了一句活該……

好不容易終於放學，原本想和可兒看一場戲，肥賓這時拍一拍我肩膀:

[你行得未？你去唔去廁所？我去埋先一齊走啦……一陣係度等！]

差點忘記今日是星期一，究竟肥賓帶我見一個甚麼人？記憶中這場初中籃球賽，我們1M班會被3P打至落花流水，印象中今天應該會下大雨，只因當年自己冒着大雨跑回家， 結果患了重感冒，事後當然無法參加這場賽事。因為我整整有一個星期沒有回校上課！然而今天天氣是晴空萬里，陽光普照，那來一點雨水？

[可兒……我今日……]

[知啦！你今日放學要練波嘛！原本我諗住陪你……不過我呢家改變主意啦……點解？你睇下呢本雜誌……今期教人整呢個蛋糕……你睇吓……你睇吓幾靚……我已經叫左工人姐姐幫我買定材料啦……我呢家好心急返去試下……成功嘅話第一個俾你試！嘻……]

[喂喂喂……你地唔使咁痴纏呀！見少陣會死咩！]肥賓回來說。





[好啦……我走先啦！你今晚練完波打俾我啦……ByeBye!國賓Bye!]