回到初戀時: EP27

偉明和可兒來到一處景色怡人的海灘……

[錢偉明！我問你……你愛唔愛我？]可兒捉緊偉明雙手溫柔地說。

[愛！當然愛！我願意為你做任何野……]偉明意志堅定地說。

這時一陣微風吹過，把可兒長長的秀髮吹起，偉明温柔地雙手從後抱著可兒的纖腰，嗅著屬於她身上少女應有的芳香，而可兒此刻正側身深情回眸看着偉明，如此浪漫的氣氛，偉明和可兒終情不自禁兩唇相接……

片刻過後……





[偉明，咩野叫做愛情呀？我同你之間嘅關係算唔算係？我聽人講一段關係要有刻骨銘心嘅經歷先會變得長久……但係我同你之間好似乜都冇咁嘅？]可兒疑惑地說。

[傻豬……我地呢家咪一點一滴建立緊關係啦，經歷是需要時間，我同你一定會地老天荒……就算將來你變左亞婆，巢晒皮，甩晒牙，我都一樣咁愛你……]偉明情深地說。

[真係？就算……就算我唔係人你都唔介意？]

[冇錯！不過你又點會唔係人……唔好講D唔吉利野啦！]

[喂……偉明，咁呢家你仲有冇野想同我講？]





[有呀！我愛你……]

[唔係呢D……你諗真D！你有D野應該講或者要同我交代？]

偉明想了一想，莫非剛才和子妮的事可兒已經知道？思前想後為免可兒產生不必要的誤會，於是他決定一五一十全部告訴給可兒知道……

[可兒，你唔會嬲架可？]

[傻啦……好野緊係多人爭架啦！相反我好開心添！我執到寶喎……點會嬲？]





正當他們打情駡俏的時候，陳輝揚在他們附近不遠處大聲叫道:

[喂……金童玉女！你地唔好掛住泣啦！快D過嚟啦……有野食啦……]

偉明和可兒彼此望着對方做了一個鬼臉:

[我地嚟啦……]

他們來到陳輝揚身旁的時候，輝揚突然雙手抱着頭跪在地上，並且失聲痛哭起來……

[輝揚……做咩事？做乜無啦啦喊？你冇事嘛？]偉明和可兒同時關心說。

[我冇事……有沙入眼姐]

[輝揚，你有咩事話我地知！我地一定會幫你……唔好屈住屈住呀！]





[我冇事，我只不過觸景傷情……]輝揚低聲說。

[輝揚，講嚟聽下！我地真係好擔心你……]可兒緊張地說。

[其實呢度係我父母失蹤嘅地方……]輝揚終於開口說。

[吓？？咩話？]

[三年前一個暑假，我當時差唔多十歲，我爹D媽咪終於有時間同我去玩，嗰一日我地嚟到石澳海灘，我地玩得好開心，嗰時我自問熟悉水性，心高氣傲居然學人游出浮台……結果當然衰左啦！我差少少就俾海水浸死……好彩突然有一隻強而有力的手將我救起……呢個人當然就係我爹D……]

[於是乎我係浮台上面不斷抖氣，我爹D仲笑我冇鬼用！點知突然有一個巨浪，我親眼見住我爹D被個浪捲走左，而我好彩博哂老命揸住浮台鐵梯欄杆先冇事！]

[嗰度無其他人係度咩？]





[我後尾先諗番嗰度原來當時真係得我同爹D係度……事後水警，消防揾左好耐都係揾唔到我爹D……就算最後用到好唔科學嘅燒街衣，拋西爪落海都係揾唔返我爹D……]

[咁你媽咪呢？佢有冇落水呀？]

[事發當日，我媽咪話買雪糕同水俾我地，點知一去就冇回頭……哈……我嗰日同一日同一時間居然冇咗爸爸媽媽……]輝揚大聲痛哭道。

這時偉明拍一拍輝揚肩膀以示安慰……

(有關陳輝揚的事，自然是另一個故事。如果讀者有興趣，請留意〈透明人間〉的內容……)