回到初戀時: EP23

EP23

[小朋友……你係好彩定係真係有實力？算啦……世伯份人言而有信，我暫時批准你地兩個來往啦……]可兒父親拓一拓眼鏡說。

[真嘅？多謝你呀世伯……你放心，我一定好好照顧可兒！]錢偉明心花怒放地回應。

[你咪咁開心住……我仲未講完！你同可兒交往係有條件嘅……]

[哦？世伯請講……我……能力許可嘅，一定做得到！]





[好！第一……我要你令可兒嘅學業成績係全級十名內！第二……我要你同可兒除左拖手，最多只可以錫嘴……其他越軌嘅行為一嘅不准！第三……你每星期放學後抽一至兩日上嚟我公司……我想你早D接觸金融呢個行業！有D人天生註定要食呢行飯，我想睇下你嘅能力去度邊？有冇問題？]可兒父親嚴肅地說。

[當然冇問題！]偉明想也一不想充滿自信地回應。

這一日天氣陽光普照，亦是學校假期最後一天，偉明坐上一架沒有空調的巴士前往石澳海灘，(那些年沒有空調的巴士是很常見的)在巴士上層的他，一面觀看巴士外的風景，一面回想與可兒父親的對話……

正當他想得入神之際，他的肩膀突然被人拍了一下，他連忙轉身一看，原來是凌子峰……

[明仔……你就爽啦！終於同女神拍拖啦……真係羨慕你！咦……係喎，你女朋友仔呢？你地唔係一齊咩？]凌子峰笑著說。





[哦……今日可兒父母要公幹，佢送佢父母機，遲少少到……]
偉明開口說。

[我幾驚今次BBQ攪唔成！明明講左26號架嘛，點知汪子妮臨時失約，你之後又唔知點解又唔嚟……好彩今日終於排除萬難，人齊啦！]子峰開懷大笑地說。

[係啦，今日有邊個會嚟？]偉明說。

[我啦，汪子妮，陳輝揚，盧旺達，張柔，黃國賓，你同你條女……一共八個人]子峰如數家珍地說。

[哦？肥賓同廢樣都嚟？]偉明問道。





[係呀！嗰個肥賓原來係傳說中嘅籃板王，估佢唔到肥屍大隻身手咁靈敏！仲記唔記得我地上一場對1E班？唔係多得佢地，臨最後3分鐘連追6分，哇……最後以1分之差反敗為勝擊敗E班，我地邊可能入到初中籃球决賽……]子峰笑著說。

[廢樣就係速度王，佢兩兄弟合作無間……一前一後，攻擊同防守都ok！不過下一場我地對3P班……對方係上届冠軍，實力強橫……無論身高，經驗都高過我地幾班……]偉明憂心地說。

[唔怕啦！我地假假地都坐亞望冠！呢一戰！我地盡力而為就算……]子峰說。

[冇錯！下星期三就知道結果……盡力啦！]偉明苦笑地回應。