[末日][極限生存][獵奇]　致人類的輓歌－首部－墮落: 5.9

所有有職責的人都聚集在科斯達的房間。

「由依家開始，將所有人安派住係第十一同第十二座。我地派人守住門口，野食同水定量放係大堂比佢地拎。之後我地要多啲人幫手放哨。係第

一座同第十二座既二樓各加一個哨站。咁樣成條馬路就睇哂，唔會好似之前咁到閘口先見到。」科斯達在桌上的地圖指手劃腳，七嘴八舌地說。

「咁樣佢地咪好似坐監咁？」有一位青年問。

「佢地咁想要自由咪比佢地出去囉。最好唔好番黎！」一個大叔反駁。





「佢地如果幫手既咪可以出去行囉。如果佢自己走黎走去遇到咩麻煩咪又係搞到人。」一個太太附和。

「但係係牆入面應該冇事既？我地唔好咁緊張啦。」青年憤憤不平。

「我地要將風險降到最低，同時要有效分配人手。如果所有人分散開，有事起黎我地好難有效咁通知佢地。」科斯達說。

房間裡和議聲響個不絕。

「聽朝我地派人巡視一次圍牆。確保冇任何問題。係第六座頂樓加派多幾個人放哨，果到係南邊，可以睇哂山下面既情況。野食同水要更集中咁





放係會所到，唔可以隨便攞。我地盡量確保左情況安全先出去再搵物資。有冇異議？」科斯達托著眼鏡問。眾人搖頭。 

澎！房門被撞開。

阿申彎下腰喘氣，小靜跟在後面雙手扶著牆壁。二人神色慌張，十分狼狽。

「醫。。。醫院出事！」阿申氣急敗壞地說。