[末日][極限生存][獵奇]　致人類的輓歌－首部－墮落: 5.4

「小炸彈。做咩咁火爆呀？」阿申打趣道。

「唉唔知。唔好煩我。」小靜回到家裡疲倦地倒地沙發上。

「佢又得罪你呀？」阿Ca笑問。

「拿！今次唔關我事呀。」阿申說。他舉高雙手投降。

「你教壞佢呀！」阿申指著阿Ca笑說。





「吓？我做咩？」阿Ca大感意外。

「佢岩岩單挑科斯達，如果我唔捉住佢就打起上黎喇。」阿申哈哈大笑。

「咁型？！」阿Ca對小靜豪勇的行為十分驚喜。

二人你一言我一語，興高彩烈地笑著。

小靜依然趴在沙發上沒有動靜。





「喂，唔洗咁激動啵。」阿申搖著小靜的腳說。

「出面有人失縱，另外有人比浮屍襲擊。」小靜趴著說。

阿Ca收起笑容，驚愕地看著阿申求證。

阿申輕嘆一口氣，冷靜地點頭。

「點解冇人話我知架？」阿Ca大叫。





「所以小靜咁火爆要同科斯達嘈。」阿申說。

「又係佢條粉腸。」阿Ca咬牙切齒地說。

「晞敏個病嚴重左。」小靜趴著說。

這次阿申也呆著口面看著小靜。

小靜慢慢地坐起來，雙目無神地看著前方，束著的馬尾也散落在肩上。

「佢有啲好怪既血紋係個肚上面。佢唔想比人知。」小靜說。

。。。。。。。。。。。。。

房間裡所有人都默不作聲。