[末日][極限生存][獵奇]　致人類的輓歌－首部－墮落: 5.3

「阿申，科斯達同Lincoln呢？」小靜跑到圍牆，上氣不接下氣地問放哨的男人。

「佢地去左水邊。」男人說。

小靜二話不說跑上斜道跳出牆外。

「喂！你去邊呀？」男人急問。

「搵佢地。」小靜頭也不回，甩下一句匆匆便走。





「喂！科斯達話唔準出去呀！」男人大叫。

小靜一溜煙地跑走了。

 

小靜跑到分岔路，向左轉下山繼續跑，她一心想早一秒找到Lincoln。

幾秒後她便看到山下有一群人圍在一起。





小靜用盡全身的氣力跑向他們。

阿申是第一個注意到小靜，但他沒有打招呼。他很快便繼續低下頭看著地下。

小靜焦急的步伐完全引不到眾人的注意。

她跑到人群裡，大家也神色疑重，氣氛十分嚴肅。

小靜踮高腳，查看人群中心的位置。





昨晚在圍牆放哨的大嬸坐在地上，衣衫襤褸。

她雙眼瞪得像乒乓球一樣大，沒有焦點地看著前方，身體不斷顫抖。口中唸唸有詞。

她的皮膚像浸滿水彩一樣泛黃，渾身濕透。

身上的襯衣被撕成幾塊碎布，腳也擦損了幾處。

她手臂有幾條很長的血痕，傷口血肉模糊。

小靜看到了啞口無言，現場的氣氛令她不敢發問。

阿申看到她後拉她到一邊。

「做咩出黎？」阿申問。





「搵Lincoln。個呀嬸做咩？」小靜聲線顫抖地問。

「今朝接班站崗既男人話唔見左尋晚放哨個呀嬸。科斯達就叫人去搵。跟住係依到搵到佢就係咁喇。」阿申看一看大嬸後說。

「佢點解變成咁？」小靜問。

「佢不斷話有人比野拉左落水。有怪物襲擊佢。總知佢依家好似痴左線咁。科斯達決定唔帶佢番去，廢事嚇親人。」阿申神色緊張地說。

「怪物？」小靜問。

「佢話。。。」阿申嚥下口水，繼續說。

「佢話。。。尋晚聽到有人尖叫。佢立即衝黎依到睇，見到有人拉左另一個女人落水。佢上去幫手時救唔到個女人，仲比個人拉埋落去。佢好





辛苦先爬番上黎。」阿申用最簡單的句子講述了自己也覺得離譜的事。

「咁。。。咁個女人同個人呢？」小靜急問，四處張望。

「女人就唔見左喇。。。果個人就。。。唉，我都唔知點講。」阿申單著眼，苦惱地翻查自己腦海的字典去描述句子。

阿申手一指，指著水邊的一具浮屍。

小靜像長頸鹿一樣伸長了脖子，張大嘴巴看著阿申。

「喂，佢點講我點聽咋。」阿申尷尬地解釋。

「我唔係話左唔好出黎架咩？」科斯達怒氣沖沖地問小靜。

「我出黎關你咩事？」小靜狠狠地反唇相駁。





她本來腦海中早已波濤洶湧，亂作一團。剛好科斯達點燃了她的壓力藥引。

「我只係唔想大家恐慌，之後陷入一片混亂。」科斯達說。

「哦！所以入面既人就冇權知依到發生咩事？喂大佬依家有人失縱，有人比野襲擊呀。佢地有知情權囉。」小靜怒罵。

「佢地有知情權，但係為左佢地好我地要多啲時間諗下點處理。」科斯達的臉漲成紅色。

「我地，佢地。你邊位呀！你憑咩決定人地幾時知道呀？」小靜的怒火一發不可收拾。

她挺高鼻子走向科斯達。

「喂，冷靜啲。」阿申急忙說，一手拉開小靜。





「所以你依家要做既野就係衝入去大叫有人失左縱。跟住大家都可能有生命危險？」科斯達托一托眼鏡質問小靜。

「可能。關你咩事？阻我丫笨。」小靜已經進入一個蠻不講理的模式。

「喂。」阿申嚴厲地說。

小靜正想繼續大罵，但被阿申呼喝了一下便把句子吞回肚子去。

「佢岩架。如果我地可以搞清楚件事先，可以少好多麻煩野。純粹成本問題。」Lincoln冷靜地說。

小靜聽到Lincoln也同意科斯達的做法時胸口一陣納悶。

「唉，我唔想理。晞敏唔舒服你番去睇佢啦。」小靜話畢轉身就走。

阿申向眾人苦笑，跟著小靜回去了。