[末日][極限生存][獵奇]　致人類的輓歌－首部－墮落: 2.11

「呀下～～～。」他從背囊拿出老爺子的小刀。呆了半響，突然滑稽地笑著說。

「喂！依把開信刀黎架，唔好話掟，插都插唔死人啦。」他檢查著刀身的木柄，看到有十分精緻的雕花。

「幾靚啵。。。」他低頭打量著小刀。他抬頭問。

「可唔可以送比我？我用把真刀同你換丫？」少年像小孩子一樣看到玩具般興奮。

「唔得。」小靜斬釘截鐵地回應。





「車～吝惜鬼。」少年扁嘴，像 鬧彆扭的孩子一樣，接著說。

「咁我食你一塊餅。」他在桌上拿起一包百力滋打開，一根一根地細味咀嚼。

房屋裡迴盪著少年咬餅時的聲音，小靜則沉著呼吸，耳聽八方準備對方有所行動。

氣氛變得十分灰諧，有如白免看著雄獅睡教一樣。小靜覺得越來越難受，這個界乎於放鬆與警剔的忐忑心情令她感到痕癢難耐。

「你係邊個？」小靜打破沉默。





少年皺眉，咬著餅做出一個深思的模樣。然後打開雙手聳起肩說。

「問題黎架？」少年反問小靜，小靜如有被大學教授質問自己數學公式的準確性一樣深思自己的說話。她陷入了一片思潮。

「我係邊個。。。我係依到係邊個？我係第到又係邊個？我。。。我同你有咩分別？」少年又開始長篇大論。

「哼。。。依個係一個好好既問題。。。我諗我係一個人。」少年以這一句作結。

小靜整個人凍在原地打冷顫。





她側著頭苦苦思良，開始感到不耐煩。

「無論我講咩，對你黎講都只不過係一個印象。嚴格黎講我就係你面前見到既我，依個就係我。所以我講我係咩都唔會影響到我既本質。」少

年繼續轟炸小靜。

「名你有喇掛？」小靜粗魯地說。

「哦～～～你早啲咁問丫嘛。哈哈。」少年哈哈大笑。

「我叫。。。免靈。」少年認真地說。小靜開始覺得自己遇上了一個瘋子。

「你呢？」免靈繼續吃餅乾，一邊問。

「小靜。」小靜簡潔有力地回應。





「唔～～～小靜。」免靈瞇起雙眼，滿足地笑。

「Nice to meet you.」免靈突然走過來和小靜握手。

小靜呆若木雞，條件反射地慢慢舉起手。免靈輕輕一握後便坐回椅子上。

「你唔係有多個朋友係門口咩？」小靜問。免靈再一次皺眉，答。

「朋友？同伴？冇，我自己一個入黎。」免靈說。

「岩岩。。。你唔係同出面個人講野咩？」小靜越來越肯定他有精神病。

「岩岩。。。。哦！」少年豎起手指，記起了殺華叔前的對話。





「你地有四個人，我得一個。所以自言自語扮有接應係出面等你地乖乖地聽我命令，權宜之計。哈哈哈哈。」免靈得意地笑著。

「喀。。。喀喀。喀」門口傳來一段有節奏的敲門聲。