[末日][極限生存][獵奇]　致人類的輓歌－首部－墮落: 1.3

「點呀？做咩叫我過黎。」老爺子問。

「收番紅白藍上黎先．」亞力說，一邊拉開背囊．

「我岩岩係”LIKE”專門店既倉入面搵到幾枝水樽．應該係之前尐職員既，應該飲得．依面都係電器同時裝多，冇咩野食搵到．」亞力翻著背囊
拿出戰利品．

「你呢？」老爺子問小靜．

「我搵左一件灰色防水褸仲有幾個吉水樽．」小靜也翻著自己的背包．





灰色的防水褸卻變了鮮紅色．

老爺子和亞力互相對望了一眼．亞力鄙視地發出“嘖”一聲．

「對唔住阿．．．我果層得運動鋪同食店．我已經盡力架喇．」小靜一面自責，一面為自己抱不平．雙眼漸漸泛淚．
 
「好喇好喇，再搵啦．依家有咩計？」老爺子問．

「咁少水唔夠．我地依家得番幾日野食同一兩日既水．我地點都要搵多啲野先走，唔係幾乎白行一趟．老野，依有幾耐日落？」亞力看著散落地





艇上的物品沉思著．

老爺子向天空一望，厚重的雲層間透出一絲的陽光．他大約評估了太陽的位置．

「咁厚雲好難講啵．依家秋未．．．」老爺子低頭屈指一算．

老爺子望向西邊，再回頭望一望東邊．他比較了一下兩面雲層的光亮度．

「拿，睇下兩面雲．太陽東升西落，如果就日落應該西邊光啲，東面暗係唔係？」小靜跟亞力像兩個學生一樣，視線跟隨老爺子手指方向點頭，





往東往西兩邊遠眺．

「你地覺得依家兩邊既雲分別係邊？」老爺子認真地問．

亞力痴呆地望著天空，小靜則扁著嘴搖頭．

「係囉，哈哈，我都覺得冇分別．」老爺子呵呵大笑．

小靜被老爺子突如奇來的幽默打個措手不及，輕鬆地笑著．

亞力板著臉，露出一個滑稽的微笑．

「依家算係最光架喇，應該係中午左右．秋末五點半左右就開始日落，六點就黑齊．應該仲有三個鐘左右．」老爺子認真地說．
 





「三個鐘．．．」亞力喃喃自語．

「我地要搵啲有獨立包裝既野食，因為佢地防水．我地應該直接搵超市．」小靜斜著眼不屑地用眼角瞄了亞力一眼，亞力剛好視線對上小靜．小

靜立即把頭轉向另一邊．鼻子輕輕“哼”一聲噴出一小口氣．

「最近既超市係CD Super．其實我覺得優脂涼品應該仲多．佢地好多真空雞翼呀，鴨舌之類．唔會飄走丫嘛．但佢地冇乜飽肚既野食，雞翼食

幾多都唔飽啦．你地點睇．」

小靜望看著附近的往宅一聲不作，沒有回應亞力．

「咁去超市啦，你咁大食，優脂涼品下次再黎囉．」老爺子答．





「嗯．」亞力看著小靜，沒勁地回應．
 

老爺子把艇划到數十米外．

「依到應該係大會堂附近．間野應該係下面．」

「我落去搵入口先，小靜你係到唞下啦，一陣先落黎．」亞力溫柔地說．

小靜點點頭．亞力滿意地笑著．

「比個紅白藍我．唔洗揼，好快番．」亞力說，老爺子把紅白藍遞給亞力．亞力背上背囊，帶上泳鏡便跳進水裹．