好想告訴你: 好想告訴你11_禍不單行
阿立父親帶阿立上了的士，準備回家。在的士到達後，無力的阿立，像一條行屍一樣，被父親拖着行。但父親並無帶阿立回家，他帶阿立到了樓下的一個公園。細個時候，阿立最喜歡和父親在公園玩。自從父母離婚，阿立已經好小和父親談話，更何況在公園這樣的坐在一起。兩個人並沒有交談，阿立坐喺度，繼續責備自己害死咗阿中，而父親只係在一旁。不久，父親先說話。
「阿立，有冇煙呀？」
阿立聽到後，個人醒了一醒。「你講咩呀？」
「你有冇煙呀？」
阿立個心真係想講﹕「吊你咩！」父親都唔食煙既，問我拿支煙做咩鳩呀？而家係唔係你個仔好撚慘既時候，仲要搞我兩下呀？
「阿爸煩嗰時都鍾意食支煙，你阿媽道最清楚。」
你又講咩阿媽呀？係唔係玩野呀？咁多年都冇講過阿媽既野，今日就咁關阿媽？係既當日唔好卑佢走啦。
「阿爸好後悔，當年我同你阿媽離婚，搞到你而家變成咁。」
「但係冇人想到咁做會搞成而家咁，就好似你而家，唔知道會搞成你朋友咁樣。」
呢一句刺中阿立，係，我真係冇諗過會搞成咁，真係冇諗過。。。眼淚又不自覺的可始流。
「而我最錯既係，」父親繼績講，「我冇去做番好自己。結果我失去埋你。」
阿立沒有回應，繼績飲泣。
「我今日喺差館見到你，我好想喊，想喊唔係因為我個仔被人拉咗，好掉架。係因為，我個仔出咗事，身為阿爸，我竟然係咩都幫唔到佢。」父親都可始哭了。
「我救過咁多人，但我救唔到我家庭，都救唔到你。」阿立意識到父親喊了。他不能相信，平時很強的父親竟然哭了，還要在兒子面前哭。
「我…..我真係好對唔住你，我好想講，我嗰日真係唔想打你…..好想同你對唔住。」
原來父親仲記得當年佢點打自己。
「我知道你而家好辛苦，你可唔可以…..可唔可以卑個機會阿爸，卑我同你分擔，卑我同你捱過今次，好唔好？」
「嗚……嗚…….」阿立開始喊出聲。
「喊啦，喊咗舒服D。」
「呀…..我好辛苦呀，呀！」阿立抱着頭痛哭，父親攬着阿立。
「對唔住……真係對唔住……」
「嗚……嗚…….」
「以後兩父子，有咩都一齊捱過去。」
兩父距離，終於都可以拉近了。
**********************************************
父親帶着阿立回家，時間已經差不四五點。阿立沖了涼，就入了房。阿立很累，但一直都訓到到。雙眼一合，阿中被斬，和以前和阿中一起的片段，不停的出現。差不多到八時多，房門有人，巧門。
「邊個？」原來是父親。
「點呀，訓唔訓到？」父親温文的說說。
「都ok既。。。」阿立沒氣地說着。
「多d抖下，訓唔着都合埋眼休息下。阿爸陣間返工，聽晚我地三個人一齊食飯啦，好耐都冇食喇。。。」
原來父親今日要返工，阿立望一望父親，發覺父親有點愁緒。那當然，昨晚折騰了一晚，還要在公園安慰自己的兒子。
「嗯。。。。」阿立點一點頭，父親展露出很久沒有見的笑容。
「好喇，快d訓，唔好諗咁多，聽朝見。」說擺，父親輕輕的關了房門。父親是做消防員的。由最低層可始做，現在是隊長了。父親熱愛工作，不知是否因為咁而冷落了母親，結果離婚了。
阿立見自己和父親的關係好了，心裡好點兒高興，但又覺得自己很邪惡，因為自己可以修補關係，全因為阿中的死。阿中沒辦法再與母新同阿茵一齊，自己郤因此而得到了好處。
「真係仆街。。。」阿立心裡不禁罵了自己，眼淚又開始流下。
**********************************************
阿珊昨晚陪了阿茵一晚，凌晨才回家。睡醒發覺已經下午一點了。出了廳，原來父親已經上完晚班回家，當然，現在已經下午一點了。他坐在梳化上，看着報紙。，電視新聞正說着昨晚阿中的事。隱約聽到，「案件例作謀殺案處理」。
「爹地。」阿珊說道，正想去厠所梳洗。
「林詠珊你過黎。」父親語氣很差 ，還說了自己全名，明顯應該因為昨晚的事而沖着自己來。
「爹地。」阿珊有點驚，靜靜的站在父親旁。
「你識嗰個李銘中既咩？」父親繼續看報紙，一眼都沒有望過阿珊。
「佢係小學同學。」阿珊細聲的說。
「好熟架？」繼續看報紙，而阿珊只係默默咁企喺度，唔知點答父親呢個問題，手也開始發抖了。
父親見狀，放下報紙，「你幾時識埋d咁既人？」父親大聲罵道，阿珊已經淚下。
昨晚好朋友死咗，姊妹哭死了，心愛既人給拉了，現在又給父親話，已經忍唔住，越哭越厲害。母親聽到他們對話，立刻放下正煮着的午餐，走了出廳。
「老公，唔好好似審犯咁問個女啦。」母親哀求着。
「我教女你收聲！」父親是家裡權威，母親也只能抱着阿珊，不再出聲。
「我同你講呀，林詠珊，呢d人遲早教壞你！」父親怒火中燒，「你叫阿茵都唔好羣埋呢d人，揀個咁既人做男朋友，書都未讀完就拍拖。仲有嗰個林道立，你唔好再見佢，唔係我門口都唔卑你出！」父親罵完。便拿起報紙繼續看。母親把阿珊帶到房間，着她睡多一會才出來食東西吧。
阿珊已經泣不成聲，現在她好痛苦，好想見一個人，那人就在自己房上面。
雖然在房內哭了一個下午，但內心的痛苦仍然未退。阿珊勉強地裝出平常的面孔，一如以往的和家人食飯，食畢便回房休息和練琴。其實她沒有心情練習，現在她只想打個電話問候阿茵，和打電話看阿立有冇事。但父親整晚都在，所以沒有機會。不經不覺到了十一點，阿珊在床上訓，父母都應該以為自己訓了。此時阿珊床上爬起來，用枱頭的細燈，在微弱的光線下，寫了一封信，問候一下阿立的情況。把信縛在繩，用手搖一搖，希望阿立看到這個舉動會知道有信給他，但阿珊一直等，一直都沒有回信，之後自己也睡了。
那是因為，阿立在醫院過了一晚。
*************************************************
已經差不多下午六點了，阿立被夢驚醒，滿身都是汗。他慢慢的起身，慢慢地走出房間，想去洗手間清洗一下，讓自己清醒下來。
「chur.....chur.....」阿立在洗手間門外，聽到裡面有人在嘔，應該是家姐。
「家姐，你沒事吧？」門內久未有回應。
「家姐，你點呀，你應下我啦。」阿立有點焦急，究竟家姐發生什麼事呢？
跟着，是一陣的沖厠所聲音，阿美開門。
「我冇事呀，你唔訓多陣？」阿美微笑着說，但明顯阿美雙眼已滿了淚水，應該是因為剛才嘔過。
「家姐你有冇野呀？好似好辛苦咁？」
「冇野呀，可能腸胃炎啫。」
「真係冇野？係唔係呢排食多咗野呀，你好似肥咗。。。。」阿立並唔係取笑阿立，他也沒有這種心情。他真的留意到，阿美好像肥了。是否因為之前等會考放榜壓力太而食多咗野呢？
「冇野呢，唔好諗咁多，快d休息下。」一路說着，一邊行到門口穿起鞋子。「我落街買餸，順便買埋聽晚我地同阿爸嗰餐。你想食咩呀？」
「家姐，你唔舒服就抖下啦，我地出家食咪算囉。」
「唔得，你知唔知我地幾耐冇一齊食飯，仲要係開心嗰隻wow!」阿美好似好興奮咁。這正常的，因為對上一次三個人食飯係暑假前既事。
「又係呢」，阿立心想，平日如果真係有機三個人食飯，我十五分鐘食完就走，或者最後因為和父親吵架而飯都食唔完。說實，自己也期待這一餐飯。
在沙發上坐了一陣，看着無線那些在新聞前經常重播的劇集。其實阿立跟本唔知電視做緊咩，也不知套劇好唔好睇，個心仍然想着昨晚的事。突然，劇集中斷咗，阿立給突然的情況嚇一嚇，原來係特別新聞報導。
「各位，而家為大家跟進一下，有關佐敦永利大厦大火既消息。再次重申，火警已經升為四級，而家交卑現場既馮佩樂報導。」
「佐敦？阿爸係旺角，唔知有冇去呢？」阿立心想。
在電視中，阿立感到有點震驚，因為從來未見這樣的火警。細時經常聽父親說火是怎樣，火警有機恐怖，但都只係聽，未親身見過。但單單看新聞，已經知道這場火一定會燒得很厲害。
不久，家姐回來，身體好像沒有什麼大礙了。家姐煮飯，阿立則在沙發上不停的看新聞更新。那時沒有什麼新聞台，只是靠電視台不定時的播出特別新聞。看來真的不是小事，新聞不停的更新，最新一章說。
「消防處剛剛宣布，永利大厦火警升為五級。」
「五級？」家姐聽到新聞後走了出來。
「嗯….」
「阿爸可能有去WOW。」
「嗯….」
「阿叔實有份啦，阿叔係油麻地。」阿立是來自一個消防世家，阿爺，阿爸，阿叔，都是消防員。
「鈴鈴鈴！鈴鈴鈴！鈴鈴鈴！」是電話響了，阿美走去拿起來接了。
「喂？」
「阿美呀？」電話對面是阿嬸的聲音。感覺有點急
「嬸嬸，咩事呢？」
「你阿叔打來….叫你兩個…..」阿嬸的聲音有低沉，好像還有點哽咽。「快D去QE(伊利沙伯醫院)。」
「嬸嬸，係唔係出咗咩事？」阿美有點失措。
「你地阿爸出咗事！」