好想告訴你: 好想告訴你8_運動會之吻
由聖誕節開始，阿立和阿珊有時會這樣寫紙仔溝通。當時如果要傾電話，一定是用家庭電話，那父母一定發現，也會過問阿珊和誰傾，所以他們都係用這種方式溝通。但問題是，阿立住上層，阿珊住下層，所以只有阿立可以主動找阿珊，而阿珊只有呆坐的等。有時珊温習到要睡覺時也不見到阿立有什麼紙仔吊下來，便會想，
「佢又去咗玩？定係去咗嗰個女仔度？」
阿珊最後只有忐忑的走上床睡，但睡眠前一定是望着窗外，期待紙仔出現。
時間過去，阿立的紙仔越來越小，但內容多咗。阿立會解釋下點解成個星期都冇紙仔，也會講番呢幾日發生咩事。阿珊不介意，只要有就可以了。聖誕節後，都沒有大伙兒一起出去玩。阿珊固然忙功課，琴試，還有各式各樣的校內活動。阿茵都一樣，果然在band five考第一是真的，好快老師都覺得阿茵很叻，給他好多機會參加不同的學術比賽。
時間過去，暑假又來臨。這是他們中學時代的第一個暑假。中學跟小學唔同，小學放暑假，可以留在家大玩特玩，到最後一日做好暑期作業便可。中學生一入學就要面對五年後的會考(當時分會考和高考，會考淘汰一批人，再在高考中爭奪大學位置)。聖保二世這樣的書院，當然會在中一開始，在暑假搞很多補習班，其望推高會考成績，希望可以加強學校的聲譽。而陳耀南這些「雞校」都希望擺脫BAND FIVE既命運，向一班如阿茵這樣的高材生埋手，可始催谷他們成為校長8A的希望(以前是ABCDE級，再分A1A2那樣的)，要他們參加補習班。這些校鬥從未停止過，就算香港政府點變考試模，學生最終都成了當中的棋子，犠牲品。
阿立和阿中就不同，被學校認定是無藥可救，所以最好他們不來上學。阿立更曾被要求退學，阿立是沒所謂，只是老爸和家姐多次的勸服了學校，才繼續可以升學。而理所當然他們三個下年不同班了，阿茵繼續精英班，阿立和阿中去了最差的班。
暑假過了。暑假中阿立阿中基本都一齊去玩，而阿茵和阿珊則不時在圖書館裡温習，四人都沒什麼一齊玩過。但只有阿立和阿珊知道，這個暑假他們繼續用窗來溝通，大家都知道大家的情況。唯一阿立沒給阿珊知的，是他的感情生活。阿立已經飛咗皇人校花，跟另一名在DISCO識的女仔行埋，暑假有一段時間在女友家住。
來到新班級，阿立和阿中間直脫胎換骨。在這個班課，老師有老師講，佢地有佢地玩。鋤D，聽歌，睇漫畫咩都可以，有時仲可以公然喺課室食煙，自由度商當大，其實，係學校放棄咗佢地。
十一月，是學校的運動會。對阿立來講，是一個走堂的好時間。兩日運動會他已經準備不來，當然上一年的也沒有。其實阿立的運動神經很好，原本是足球校隊主將，也聽聞當時體育學院都想要他，但由於紀律問題，阿立不能參加校隊，當然阿立也不悕桿参加。運動會原本應該不來，但最終阿立都來，因為阿中強行拉了阿立來參加。阿茵今開始幫手搞下社的活動，以中二生來講﹐真是小見。
運動會有一比賽，係社制爭霸戰，每個項目中裡得最高分的一社，會成為全場總冠。這些當然不關阿立事，但關阿茵事，她要同屬於紅社的阿立和阿中出賽，「包尾都有分架！」這是阿茵說的。阿立當然睬佢有味，但阿中說一定會參加，還拉了阿立一起來。
兩個人坐在運動場的頂坐，看着阿茵在訓練啦啦隊。
「你其實係唔係有點偷窺狂呢？」阿立不耐煩的說。
「你講咩呀？」阿中繼續看着阿茵。
「你睇能咗成朝啦。有咩咁好睇呢？一個傻婆。」
「你唔明架喇，情聖。」
「吊你！你係鍾意人咪同佢講囉。」
「我唔同你，你玩玩下。」
「唔係點呀，你想過人世呀？你中二咋大佬！」阿立不俏的說着。
「我想拍一次拖架咋。」
「你冇撚野呀？我當你只係諗住拍一次，都唔係梗呢條傻婆呀！」
「咁你又唔同林婉珊拍下？」此時阿立靜了沒再出聲。他們兩兄弟其實很清楚大家對方的感情事。
不久，阿立先開口。
「我見到你咁婆媽真係忍唔撚住，我幫你。」跟着，阿立一支箭的走向阿茵。
「喂！你做咩撚野呀！」阿中立刻跟住阿立。
阿立跑到阿茵前面，一手拉着阿茵。
「你搞咩呀？好痛呀！」阿茵罵着阿立捉她的手。
「喂！同你講樣野！」阿立露出一個鬼臉。此時阿中已經趕到，立刻想阻止阿立繼續說，但太遲。
「我同你賭一輔。」賭一輔？阿中呆了一呆，阿立不是想和阿茵講，自己鍾佢嗎？
「賭咩Q呀？」阿茵其實骨子裡都是很爽直的人。
「如果我陣間一百米跑第一，你要錫我一啖！」SHIT！！仆街仔你講咩呀！阿中心想，你是不要跟我爭阿茵吧？
「你係唔係痴咗呀？」阿茵不解？錫你？你幾時對我有興趣。而阿中聽到真係呆咗，繼續看阿立說道。
「咁你要我出力，都要比D回報我架。」阿立跳皮地說。
「錫你我就唔會，我寧願輸呀！」
「好，咁唔好係我喇。錫阿中！」你又講咩呀仆街？阿中心裡真的給阿立搞亂了。但此時阿茵沒出聲，只是望了一望阿中。阿中跟阿茵雙目交投，阿中立刻害羞的避開。
「你兩條友又玩咩呀？」
「冇玩咩。你諗下，你一幫手就幫紅社攞到總冠軍，好耐冇人試過WOW，呢個報酬值得諗下。」
阿茵諗咗一諗，竟然開口話﹕「好！」阿中立刻覺得整個人軟了。
「但係，我要你所有参加既都嬴。」
「好！冇問題。」跟着阿茵走了，繼續她的訓練。阿中立刻拉走了阿立，問他為何做出這樣的舉動。
「你自己見到啦，佢唔介意錫你呀。」阿立原來想證明給阿中看，阿茵不介意你，她等着你。
「你係唔係好耐冇搞野，個腦有問題呀？」阿中雙手撐着扶手桿，細聲的說。
「我只係幫你呢次。跟住睇你自己。我去換衫先。」阿立拍了中臂膀一下，阿中覺得他在為自己給力。果然係好兄弟。
一如阿立所料，阿立一路贏。其實阿立一早已經計出自己一定會贏，在同年來講，根本冇人在運動比他好。最後一個項目，係社制混合接力，紅社出的係阿立，阿茵，阿中，同黃敏貞。黃敏貞係細一級的學妹，聽聞小學運動會已經拿獎，阿茵知道後立刻找她一起比賽。而阿中，雖然他不及阿立那樣運動出色，但作為配角，他沒有問題。而阿茵，今年的丙組男女子全場總冠軍，就她和阿立。所以，這次可以說是贏硬。
「你唔好諗住唔找數而跌捧呀。」阿立輕佻的說。
「你係唔係痴線架，埋位啦。」
敏貞第一捧，跟着係阿茵，阿中，最後係阿立。一開始，已經贏咗一半，敏貞可以拍住男仔跑，到阿茵己經開始帶離﹐阿中既時候，己經贏咗九成。阿中交捧給阿立時，阿立對阿中做了一個口型，「交卑我」。阿中真係好開心能認識到阿立。小四轉校，和阿立一樣，父母離婚，沒有兄弟姊妹，只係跟母親兩個相依為命。來到新學校，沒有朋﹐但很快便認識到阿立，雖然大家都說他很壞，但阿中知道他根本不壞。有如哥哥的阿立，對阿中照顧有加。阿中心想，你是我阿哥就好了。
結果，第一。阿立贏哂所有獎牌。
所有獎項頒發完畢，連啦拉隊獎都由紅社奪得，紅社是全場總冠軍。負責的老師，也是他們中一的班主任MISS CHAN好開心，抱着阿茵慶祝。此時，阿立帶着阿中，走到阿茵面前。
「點呀？總冠軍你不會走數掛。」阿茵和阿中的臉突然紅了。知道事情的一班紅社幹士都在笑，看阿茵是否真的會錫下去。
阿茵心裡想了一陣，突然大聲叫道。「拿張卡紙來！」
「你搞咩呀？」阿立問道。有一個女同學給了阿茵一張透明卡紙。
「阿中你過來。」下？真係過來？阿中心裡小鹿亂撞，不懂反應。但阿茵已經主動走到他面，微微的抬頭望着他，大家也抬頭望着他們。阿茵二話不說，把透明卡紙蓋着阿中的咀，然後自己吻了下去。
「你咁都得呀！」阿立裝作憤怒的罵，但口郤在笑。
之後，阿茵把卡紙給了阿中，大聲說，「走！去飲野！」轉身就拉着幾位幹士走了。
而阿中，仍然呆咗。
一陣子後，阿立拍一拍中，看他是否還生存，接着兩人一齊離開，行去公園食煙。
阿中點了一口煙，抽了一口，呼出一口白煙，說﹕「多謝你阿立。」
「你講咩撚野呀？」
「總知多謝你啦。」
「唔好講呢D啦。」阿立又抽一口，「你地未算拍拖架。」
「我知呀。」
「咁你而家有哂信心講啦。」
阿中深深的抽一口煙，呼出大大的白雲。「吾，我有。」