好想告訴你: 好想告訴你2_作弄(下)

一如以往，早會過後，老師帶同學到課室上堂。今年3A班的班主任是伍老師，很好人，好錫學生，是阿珊最喜歡的老師。來到班房，阿珊走到班房窗旁的坐位，坐在尾二的位置。這是她最喜歡的坐位，閒時可以望向校外的風景。阿珊比較高，所以每年她都會坐較後的位置，但她不想坐最尾﹐因為阿茵成日話坐在最尾會有鬼同學和她一齊上堂，所以阿珊死也不坐最後。上年下學期就因為老師要她坐最後，阿珊立刻哭成淚人，更被同學取笑她為巫婆，加上她內向的性格，結果經常被取笑，只有阿茵和伍老師會幫佢解圍，所以阿珊最喜歡他們兩個了。

「點解伍老師仲未到既？」阿珊問着坐她前面的阿茵。
「唔知呢，頭先佢都冇帶我地上班房。」
此時，伍老師走到課室，還帶着一個男生。
「各位，呢位係林道立同學，他今年先到呢度讀書，記得要照顧佢呀。」
阿珊一眼便看出，這是今朝在校巴講粗口的男仔，原來是同一班的同學。
「阿茵，係佢呀！」細聲地說着
「係呀，嗰個壞孩子呀！」
「道立，你暫時就坐在那個空位先，遲些我再安排位置。」伍老師指着阿珊身後的方向。




「吓！」阿珊呆了一呆，阿茵沒有為意，因為這個小女孩經常都會呆一呆。道立走到坐位，安靜地坐下。阿珊想回頭望一望他，確認一下這個真是今早校車內滿口粗言的男仔，但她不敢，好像知道後面有一隻鬼在，不敢直望，怕會被吸走靈魂一樣。而課堂就如常地開始了。

阿茵被老師點了做班長，其實阿珊都很想做這個班長，但自己內向，不聰明，又成日被人取笑，所以一直不敢去試。相反，阿茵比同齡的小朋友都成熟，所以老師都會選她做班長。而男班長就是智文，跟阿茵一樣，都是較成熟的。伍老師繼續上課，和同學們談一談大家暑假去邊，做了什麼。不久，阿珊感到後面有人摸她的馬尾，阿珊有點驚，唔敢轉身望誰搞她的馬尾。但跟着他竟然大力一下扯她，阿珊立刻大叫！伍老師見狀立刻問﹕「做咩事阿珊！」
「他閔我頭髮。。。」此時阿珊已經開始哭了。
「林道立，你做咩閔前面同學頭髮。」說着，伍老師已經走到阿珊身旁。
「MISS 你地講既野好悶呀！咪揾野玩下囉。」
「咁就可以閔人頭髮既咩！」伍老師實在有點嬲，那有一個小三學生那麼壞。做錯事，在老師面前還駁咀。
「咁MISS，你可唔可以講下馬尾除咗被人閔之外，仲有咩功能呢？」
「你講咩呀！」連平時温柔的伍老師都扯哂火。
「如果冇其他功能，咁我唔閔咪浪費咗佢囉，MISS」




伍老師真係忍唔住，她叫阿立出去罸企，要落堂先准回來。
「唔夠人講就罸人，大人個個都係咁。。。」阿立一路說着，一路慢慢行出班房。伍老師給了阿珊一張紙巾，安慰了她，便繼續上課。但房堂的氣紛已經唔同哂，大家的焦點放咗喺阿立同阿珊，而阿珊過了她人生最慘的一個開學日，不過，之後的日子，將會是她一生中最難忘的時光。