唔好玩啦，我係月老個助手？: 4.2

「傻左咩你，你依家走去嘈住人，一拳打鑊你都似啦。」 正正就係洛賢。

「佢喊到就黎暈低啦…」 話口未完就傳黎「砰」一聲，我擰轉身見到個男人訓左係地。

「先生你冇事吖嘛？」我即刻跑過去想扶佢起身。

但佢太重，我稱住佢起左少少身又跌返低，洛賢見到都行過黎幫手扶起佢。

「 無力又學人做好人…」 我聽到洛賢又自言自語。





「咩話？？」因為我依家淨係諗住扶個男人去急症到，所以唔係咁聽到佢講乜。

「冇呀！仲有你呀，唔好痴到咁埋啦你，同佢好熟咩依家。」 佢冇啦啦話我同個男人痴得埋，咁唔搭實啲點扶佢呀。

「做咩變到咁敏感架你，幫下人姐，又唔係做啲咩。」我都費事理佢。

「如果你真係做啲咩，我…」 洛賢講到一半窒住左又停係到唔行。

「你咩呀？」我隔住個男人問佢。





「我…我我唔扶啦！」 洛賢突然鬆開搭係佢膊頭既手，搞到依家個重心係哂我到，我估唔到佢突然鬆開手，個男人壓到我就跌低。

「頂你個林洛賢……嘩！」我為左搵重心個腳步亂咁黎，點知自己kick親自己。

但我冇跌到，個男人都冇跌落地，係洛賢捉住左我地。

「頂你頂你頂你！」我將個男人推比洛賢，之後自己轉走左。

洛賢將個男人交比個路過既護士之後，亦都轉走左。