(突發!)我買咗杯咖啡俾女神，點知見倒個師奶...: (非ff)同大家分享下，同一個好多年無見嘅女同學Tea嘅經歷

(同大家分享下，同一個好多年無見嘅女同學Tea嘅經歷)


是咁的，出嚟做咗幾年嘢，工作都開始上軌。最近，有個中學時期嘅女性同學突然whatsapp我，我望一望佢Icon，正呀喂!之後，佢同我傾到好埋，仲約我一齊食Tea，我再望一望佢icon，果斷咁答應咗。

同大家講，我可以肯定條女對我有意思!

嗱!講明先!我唔係俾人收兵!唔係ff!身為一個喺職場上打滾咗幾年嘅男人，當然講嘢會有理有據啦!我所講嘅理據都係不外乎三樣嘢:主動、關懷同埋希望關懷。






首先，佢主動Whatsapp返我、同我傾計，已經係一個好主動嘅表現，你都知啦，女人無啦啦搵你一定有啲嘢。

第二，佢會不定時關心我，例如會話:「最近天氣轉涼呀!記得著多件衫。小心凍親呀!嘻嘻!」，唔通呢個仲唔係超越朋友嘅關懷!?

最後，佢會周不時同我講有咩壓力、人生目標之類，仲唔係想我關心!?，之後仲借機約我出嚟傾!


Anyway，總之佢肯定對我有嘢!要問點解?Well，錢我就無啦，除咗靚仔之外我真係諗唔倒其它理由囉。

實不相瞞，我地約咗喺一間華麗嘅外國式coffee shop-Starbucks等，而家正係去緊Starbucks嘅途中。今日我著咗一套修身深藍色老西嚟突顯我完美嘅Bo~dy，加上一頭Allback髮型，我肯定以我呢一身造型一定遇女殺女!





正所謂見女呢，造型同氣勢永遠都係最重要!我用強而有力嘅腳步，充滿自信咁步入Starbucks，在場嘅女士連男伴都唔理，無一個唔望住我，眼見我約?位靚女已經坐在喺度等我。佢留有一把長而柔順嘅黑髮，身穿緊身嘅OL制服，完全突出佢嘅S形身材，身經百戰嘅我都忍唔住吞咗淡口水。

我當然唔可以輸咗個勢，我無視一眾望緊我嘅女士，一步步咁行過去，用一個殺死萬千少女嘅目光望住佢話:

「靚女，等咗好耐呀?」

佢用好甜美嘅聲線話:「唔係呀!嘻嘻!好耐無見啦!」

見佢微紅嘅雙臉，同埋對住我講嘢怕怕羞羞咁，我就知今晚SureWin!





我好gentlemen咁幫佢買嘢食，返到嚟仲見佢整理緊一啲文件，睇嚟佢係一位事業型女性，我視線再向下移少少，果然!係一位事業型女性!

「食嘢先!」我將啲食物放喺佢面前。

「唔該!」

我地有講有笑咁完成咗呢個tea，而喺我正準備「談正事」之際，佢突然話：

「而家香港人成日夜訓，而且最近天氣時冷時熱，好易病...」

然之後，佢拎咗一疊紙出嚟，我定睛一望...

佢話:「所以我覺得呢份醫療保.........」





我即刻打斷佢，同樣拎咗疊紙出嚟，笑笑口咁話:「咁你有無財政困難?」

<<同大家分享下，同一個好多年無見嘅女同學Tea嘅經歷>>完