(突發!)我買咗杯咖啡俾女神,點知見倒個師奶...: (求救!)得罪咗隻鬼,佢仲跟埋我返屋企
![](https://scontent.xx.fbcdn.net/hphotos-xta1/v/t1.0-9/11951094_409102005962333_6384549789153414200_n.jpg?oh=779479a936b2bfa791c50f6968e11651&oe=56E3135E)
(得罪咗隻鬼,佢仲跟埋我返屋企)
我已經出嚟做咗幾年嘢,對於鬼呢家嘢呢,就一向唔信,仲認為係傻的嗎嘅FF嘢嚟,但係今次真係唔到我唔信。而家情況相當危急,我一路用手機同網上嘅大家求救,一路喺返屋企嘅路上,左手邊係馬路,右手邊係屋村嘅住宅大廈,而我後面呢...就有隻鬼反哂白眼咁跟住我,佢仲不停咁吹緊我後頸,我而家真係好驚!
話說幾分鐘前我貪快行公園?邊捷徑,由於太急,加上太黑嘅關係,我一個唔小心踢跌咗唔知邊個死仔擺喺度嘅香爐,就喺下一秒,突然有陣冷風吹過,跟住我面前就憑空出現咗個長頭髮著白衫嘅女鬼,之後佢反哂白眼咁飄過嚟,就係咁我比佢追到而家。
我再睇下手機,見倒有幾個人好快覆咗我。
「比我就跑啦!」
「真人真事?」
「打撚死隻鬼!」
「有無帶保鮮紙同朱古力?」
「等睇你比鬼上身變痴線佬!」
「隻女鬼索唔索?」
大多數留言都係喺度食花生,睇嚟靠網上班友仔都係無咩用,叫我即刻跑?其實我一直都跑緊,無停過,唔係我一早就比隻女鬼捉住啦!
我跑到斷哂氣,終於跑到屋企樓下,見倒保安阿伯,我不知安心幾多,再望下,隻女鬼唔知幾時唔見咗喎!我當堂輕鬆哂!
我就一個人住嘅,屋就一百尺左右,租私樓住,唉!
我插鎖鑰開門?一刻,一陣陰風由我單位吹出嚟,我打咗個冷震,見倒隻女鬼好似當咗呢度係自己屋企咁一路食住花生,一路睇電視,仲開到冷氣大一大,究竟知唔知冷氣費好貴架。
佢一見到我就反一反白眼陰深深咁話:「咁...慢架,等咗你好...耐...啦...」
聽倒佢仲咁串咁款,我...我....我要爆啦!!!!
「仆你個街!你用我部電視,食我包花生我都唔同你計啦!你竟然同我開大冷氣!?你知唔知我日日食麵包慳?幾十蚊咁就無哂啦!個個月仲要比人食幾千蚊租,今個月我食屎都似!你同我走!即刻!而家!」
唔知係我太惡,定係陽氣太勁嘅關係,隻鬼竟然喊,但講嘢仍然係陰聲細氣。「嗚....嗚,對唔住呀....我都...唔...想架...」
我竟然鬧喊隻鬼,搞到我都有少少唔好意思。
女鬼講:「我都...唔想架...而家香港熱咗咁多...又話搞咩恆溫...冷氣開到咁細,搞到無哂...濕氣,現唔倒身,如果唔係鬼節...我都現唔倒身....」
唔得!我唔可以心軟!我不甘示弱咁話:「咁你都唔洗搞我架!」
女鬼聞言,即刻再次大喊,喊到好似比人殺哂全家咁。
喊咗幾分鐘佢情緒仲有少少激動咁話:「嗚...你估我想咩!?就算到我現咗身,而家啲人行住路都剩係低頭望住個爛鬼死人箱,就算有人見倒我都會當我係推銷,講咗句粗口就直行直過,理都唔理我呀!而家啲人真係好鬼死冷淡呀!嗚~」
講到呢度我想比張紙巾佢,但又醒起佢係隻鬼,所以根本拎唔倒。
「仲有....如果你唔係咁好彩踢跌個香爐,增加你同我嘅連接,我都唔會有方法吹唔倒你後頸呀!」
隻女鬼就繼續不停喊,我好同情隻鬼嘅經歷,我嘗試拍一拍佢掂唔倒嘅膀頭安慰佢。
「我明架...」
佢望一望我。
「你明?你真係明?」
「我明!」
唉,作為香港人喺香港生活艱難、壓力大,但估唔倒做隻香港鬼都一樣咁辛苦。
我同佢傾咗成晚,當然唔係各位所諗嘅會同隻女鬼床上激戰唔知幾多回合咁啦,只係大家互相吐下苦水,我就傾下我啲生活壓力,而佢就講下佢啲做鬼難處咁,不知不覺間就傾到天光。我望一望時間,原來已經夠鐘返工,我企起身,伸個懶腰,打個喊露。
喺呢個時候...
「係機會啦!」
「吓?」我未嚟得切比反應,就覺得有一股冷流走入我全身唔同部位,然後好似觸電咁樣,跟住我就開始控制唔倒自己。
然後「我」對住鏡入面嘅自己舉一舉中指:「好嘢!我忍咗咁耐,終於成功咗啦!」
「發生咩事!?」
「我」無理到我,直接走去開我部電腦,然後開始笑淫淫咁瀏覽有好多裸男嘅網站,然後抄低幾個地址,再睇下我銀包有幾錢。
唔係呀嘛!?今次仆街了!
《得罪咗隻鬼,佢仲跟埋我返屋企》完