【突發】有個巴打PM我，話我聽佢死左。: 拾肆

「點解妳……會知呀鋒比網友叫去死既事？
呀鋒連高登既野都會同妳講？而且，佢比人罵左冇耐就自殺……」

Miss Tang笑左笑，貌似對我既質疑毫不驚訝。

「因為，代呀鋒pm妳既人其實就係我。」Miss Tang開手機比我睇佢登入左呀鋒帳號既畫面。

虛驚一場，原來冇鬧鬼之說，而係Miss Tang扮呀鋒既。






「但，點解妳可以入到佢帳號？就算係妳扮，妳都要有佢密碼先登入得去send pm……」

「因為佢臨自殺前，送左本日記比我。」Miss Tang係抽屜入面拎左一本好厚既啡色日記比我睇。

「妳打開最後一頁睇下。」

日記冇全本寫曬，所以唔講都好難發現最後一頁有兩行野，分別係登入用既email同密碼。


「咁但係……點解妳要pm我？佢比呢個帳號妳為左咩？」





「或者等妳睇曬本日記之後，就會知道。本日記從今日開始屬於妳架啦，我幫呀鋒搵到本野既主人，我就功成身退。如果妳睇完都唔明既話，妳再搵我啦。」

我望一望Sharon， 諗住將本日記比佢。

「本日記應該屬於妳架，如果呀鋒生前既意願係將佢交比妳既話。等妳睇完本日記，妳再話我知發生咩事啦。」Sharon推開我隻手，堅持要將本日記交比我。



到底點解呀鋒要Miss Tang咁做呢？




點解呀鋒要我睇佢既日記呢？
到底本日記入面有咩秘密呢？