期求女神回頭的小男孩: onon99又一日

出左名懶瞓既我緊係珍惜一分一秒可以瞓既時間啦，點知一瞓就瞓到9點。
我一望到個鐘就大叫 屌!遲左成個鐘番學添。唯有拿拿聲着校服跑番學校，差啲俾人當罷課。死死地氣既我行上課室，原來上緊最無聊既數學堂。?
其實又唔係數學無聊既，只不過大家都應該遇過每一間學校總會有一兩個on9得黎，你又唔知佢講乜既老師。我地個數學老師林sir正正就係咁.佢成日都覺得自己講野好好笑，但就係無人笑炸嘛。數學堂有邊個唔瞓教架?我又唔執輸瞓堆一份。
每日番學，我都係無所事事，唔係瞓覺，就係同肥澤講野，所以佢地個個所叫我做黑子，話我你透明人喎。我又冇乜所謂既，我最憎就係懶醒既人不過唔關我事既我都唔會理。每日就係咁過住悶到死既中一生活。
只不過每一班總有一兩個低能仔，我地班都唔例外。個個就係低能軒，佢全名叫做李若軒，但係佢就係日日都做埋啲on9野博人注意，所以先話佢低能。中學生仲好似個小學雞咁，我諗佢都真係唯一一個~~~
有一日，佢無端端又係到整古人，我心情又唔係幾好，見住佢女仔都搞，有冇咁仆街丫?一手推走左佢，但係整醒左個女仔，我望住佢個臉紅到熟左咁都知麻煩，我又扮曬野咁番埋位瞓覺。但個低能仔就嬲9我阻住佢溝女，又話我打佢。喂，女仔你都用挽到咁盡，佢唔開心咪又麻煩。。?
佢緊係唔係咁諗啦，用盡辦法整9我，佢知我成日瞓覺。佢攞左成桶冰水，親我瞓緊個陣一野淋落黎。你都唔係唔知我把口臭架啦，大大聲爆十幾廿句粗口出來，沖埋去打鑊佢。打左幾拳，其他人都覺得唔對路想隔開我同低能軒。但我係嬲到繼續打，打到佢流曬血咁。佢又係到扮曬蟹咁係到喊，我緊係唔留手啦，打到主任都黎埋先停?以前都學過下打拳，都打得幾重手，佢都就黎變豬頭。
其他同學都呆曬，估唔到我咁恐怖，搞到我好似殺左人咁。落到樓下間黑房，緊係俾人話啦。吊，打左幾拳，洗唔洗入醫院丫?又話斷手，又話乜，係到博同情。個主任又真係信乜到我錯曬咁，食得屎啦。
俾隻厲鬼罰完，咪死死地氣番課室執野走囉。點知見到阿澄走係到好似等人。(阿澄係上次臉紅紅個個女仔。。)
我又冇理佢，嬲嬲地咁走左，一路行番屋企個陣，就總係覺得有人跟住我，望去後面又冇人喎。咁咪照行囉，行下行下都係覺得唔對路，特登行入商場行個圈。




行左一陣先發覺到原來跟住我個個係阿澄 。見佢好似唔太開心咁，咪去Starbucks飲杯野囉，順便同佢傾下計。(都唔知點解個陣咁大膽)?
之後，佢就好似想喊咁同我講：對唔住。?