期求女神回頭的小男孩: 初中開始

第一日到一間成績唔太好，有陣時會有一兩件醜聞既中學。課室入面都係唔識既新同學，難免會有d尷尬，重要大部分所係女仔添!一向面對女仔就會怕羞既我，梗係揀番個角位坐啦。直到打鐘，終於有番d男仔入黎，仲以為今年要對住班女仔成年咁慘=皿=
2。。你咪肥澤??
喂，傻仔好耐冇見啦喎，仲係咁瘦既?
唔通似你咁肥咩，坐我隔離啦，呢個位岩曬你睇女。
識揀喎，傻仔，睇得一清二楚喎，冇見一排進步左唔小下!喂，個個呢 個波好似幾大喎。。。
肥澤係我小學時候係街場打波識既，由於佢肥，所以個個都中意叫佢做肥澤。都可以話係由細挽到大，所以大家都好清楚大家。仲知佢無時無刻都咁鹹濕，一見到靚女就好似發春咁，仲要次次都拖埋我落水，拉埋我去問人攞電話，真係服左佢。
我地傾下傾下，個班主任終於到。佢一黎到既唔係叫我地起立敬禮，而係講左一大堆英文。我又唔撚明，咁咪問下肥澤囉，點知一問個班主任就火爆爆咁指住我又講左一大堆英腸，我又好似傻仔咁望住佢，呆左咁坐係到。直至有個女同學同我講：老師叫你出去門口罰企丫，仲坐係到，估唔到你又真係咁大膽架喎。?
個女同學講完，我就知食得屎啦，唔係好似出面啲傳聞話係呢間學校做錯野，要俾人罰企罰到7點下話??第一日番學炸喎大佬!我唯有行出門口等死啦。。。
直到班務都講完，個個都走得既時候，心諗：唔撚係丫?英文差少少就乜都唔明既，做錯左d咩丫????班主任ms leung行出黎同我講：you can leave now.但我仲傻傻地咁企左係到，佢先用中文同我講：走啦。原來你係英文聽唔明頭先先坐定定係到?仲以為今年又有一件麻煩友添，你快d追番d英文啦，咁樣你遲早死架炸。我話 好。
班入面d女同學個個都好似笑笑口咁望住我，話我傻仔咁英文都唔識多個。但其中一個女仔細細聲咁話，佢又好似幾得意喎?




我緊係唔理佢地講就拎埋書包打機啦!就係咁，我就同肥澤兩個柴娃娃咁番左屋企啦，咁瘀既一日真係乜都唔想理，一放低個書包就即刻打機打到凌晨lu