中三那年忘不了的三個月: 39
如是者，我就拎返起杯西瓜汁，慢慢細味頭先每一分每一秒。好快，我地就遊走完士林夜市，我見到個個都食到飽一飽咁，而我就淨係拾吓拾吓咁飲左杯西瓜汁，乜野都冇放落口到，就返左酒店。
返到酒店都已經十點幾，但係我肚餓到成隻狗咁，樓下間超市又閂左，黎黎好好都係得附近間M記。但係自己一個食M記又覺得好毒，所以就放棄左呢個念頭。我打開旅行箱，見到除左欣恩比我既99%濃度朱古力，基本上無野可以食。
台灣之旅最後一晚，阿SIR都講明話唔會CHECK房，但係叫我地唔好嘈到其他住戶同唔好玩到咁夜，所以瘦林同阿峰都去左另外既房到玩，當然阿泰亦不例外，佢臨走前問我﹕「喂，孖撚，一唔一齊去肥陳到玩，豪仔阿義同阿達都係個到。」
我隻腳傷左，加上我又幾肚餓下，所以就同阿泰講唔去。說罷佢說講﹕「咁呀，你留係到睇房啦，你自己一個人唔驚呀嘛?」
比阿泰咁講一咁，我就開始就啲驚，話哂間房大咁，自己一個人係到，真係唔係幾慣。但係我為左面子問題，所以就硬著頭皮講﹕「得啦，你當我孖撚係邊個?」
阿泰好高興咁講﹕「咁得啦，我諗我應該會玩通宵，你頂唔順覺得悶就過黎搵我地啦，我地係肥陳間房好似係7樓。」
「嗯嗯，拜拜。」說罷佢就咁走左去。而呢種孤獨既感覺真係不好受，我盡量打開哂全部燈，將電視都開埋，因為起碼有聲係到，好似熱鬧啲。我就見到呢加11點左右，我就襯未到12點，就快快手沖左個涼。因為聽人講12點之後仲沖涼，會洩漏陽氣，有凶兆。
話口未完，我沖完涼之後聽到門口有人敲門........
我小心翼翼地往防盜眼望，見到外面有一個可愛既女仔，手中有個袋，但望唔清楚裝住啲咩。當然呢個女仔係我最心愛既本莉，我開左對門比佢，講﹕「本莉!!!!」
「啦，拎住!!」說罷佢比左袋野我，我用疑惑既眼光望住本莉，之後打開個袋一望，原來入面有出前一丁，仲有消毒藥水，跟住我望返本莉，佢笑笑口同我講﹕「嘿嘿，我呢個女朋友算唔錯啦掛。」
我好驚奇咁問﹕「有消毒藥水我就明姐，但係點解有出前一丁既??」
本莉一副無奈既樣，唉左一聲之後講﹕「乜你咁蠢家，我今日唔理你成日，你一定冇心情食野啦。」
難得本莉咁明白我，呢個女朋友真係唔話得。之後我問﹕「零姐呢，我驚佢又冇啦啦彈出黎嚇我。」
「唉你唔好提佢，佢聽到阿SIR話今日唔CHECK房，即刻走左過去同心穎間房到玩，唔陪我訓呀。所以咪黎睇下你囉，點，我呢個女朋友，係唔係唔話得呢?」說罷佢笑笑口，好似想我讚佢咁。
「如果有人幫入黎我擦埋藥水，煮埋野食，咁就真係prefect啦!!」我提高著嗓子，當本莉唔係到咁。
「乜你咁對人家.....」本莉既聲音聽起來帶有點傷心。
「入黎啦，企係門口唔係咁好。」說罷我拖住佢隻手，再將門關上。
「乜阿泰佢地唔係到咩??」本莉問。
「佢地去哂玩，好似你咁，得返我一個。」我扮哂可憐咁同本莉講。
本莉見到我滑稽既表情，就不禁笑了笑，說﹕「係啦係啦，最慘係你啦。」
我講﹕「嘿，講笑姐，你坐陣先，我拎藥水搽一搽先。」說罷我從袋中拎出棉花棒同消毒藥水，訓左係梳發上面，就開始痛苦之旅。
「本莉，不如你幫我搽呀，求下你呀。」我用一種好誘人既聲音同本莉講。
「唉，你懶到咁家。」本莉好無奈咁樣就坐左過黎梳發到。
「鬼叫我係傷者咩。」我說。
我將隻腳放係本莉既大腿上面，好讓佢幫我搽我的傷口。
「乜你隻腳咁重家...」說罷佢就將沾有消毒藥水既棉花棒搽落去我個傷口到。
「嗯....呀....喔.....」我不斷發出呻吟聲。
「好痛呀??哼哼，抵你死，唔睇路就行。」說罷我見到佢竟然一次拎五枝棉花棒一次過搽埋黎。
我心入面即刻大聲講左句﹕我屌!!!!!!!!!!!!!!!!!!!
但係我忍住左，本莉見到我咁辛苦既表情，就安慰我﹕「好啦好啦，搽完啦，你訓係到先，我幫你煮個麵先。」 「唔該哂老婆大人!!」我笑笑口說著。
「係啦，唔好賣口乖，你訓係到先，我呢加幫你煮。」本莉說。說罷佢就入左個廚房，但係個廚房就好似之前所講，係開放式，所以我訓係梳發到。
以下係實景圖
我訓係梳發到，望向廚所中既本莉，令我不禁想起欣恩，我呢加好想第一時間同欣恩講我得左，我終於得左。我會心微笑，而本莉見到我係到笑，就講﹕「做乜望住我笑笑口咁呀?諗緊衰野呀?」
「我諗緊一個女仔姐...」我說著。
「邊個黎??話唔話得比我聽??」本莉問著，本莉就唔似啲港女咁，一聽到男朋友話見到，諗起第二個女仔，就發哂脾氣個種。
我長嘆左一聲，就講﹕「已成往事...」
「個女仔好重要??」本莉邊煮麵邊問。
「就算幾重要，都唔夠我女朋友重要啦。」我笑著說。
「又賣口乖，哼，唔理你。」本莉說。
我發現本莉真係好鍾意講"哼，唔理你"。呢句野由本莉口中講出來，真係幾可愛。
之後我就走落梳發，打開左部電視，睇我最鍾意既日本摔角!
隔左一陣，本莉就講﹕「麵煮好啦，過黎拎啦。」
「哦...」說罷我就起身過去廚房拎。我一入到去，見到本莉煮左兩碗。我就好奇地問﹕「點解有兩碗既..?」
「一碗你既，一碗我既，咪兩碗囉。」本莉應該覺得我既問題好幼稚。但係我再問﹕「你唔係食飽左咩?」
「唉，尋日咁樣比你激一激，我都冇心情食野啦...」本莉嘟起塊臉講。
「哈哈!」我笑左幾聲，就幫佢手，拎埋兩碗麵出廳食。