中三那年忘不了的三個月: 38
突然，我回過神來，我突然見到本莉同零姐係隊中間排緊隊。我驚訝到即刻企左起身起身。驚訝既原因係因為我見到本莉都突然望左過黎，而且我地四目交投左幾秒，我好驚本莉又好似上次係故宮博物院到咁樣拉住零姐走左去。
所以我鼓起左勇氣準備行過去，點知個石階原來有凹位，個環境又好黑，因為附近好少街燈之如，又冇乜高樓大廈廣告板之類，搞到我叉錯腳仆左落去，不過好彩個石階唔高，如果唔係個頭實穿都似。
但係個膝頭骨就係落地個下CHOK左CHOK，搞到自己冇力起返身。
我心諗﹕"唉，柒埋呢次，以後就真係冇啦。"
我覺得有好多目光凝視住自己，呢種感覺真係唔好受，我好係搵個地洞埋左自己算。
正當我仲諗緊好唔好爬返起身，我聽到一把好溫柔但係好焦急既聲音，而且係我呢日朝思暮想既聲音﹕「喂，喂，你冇事呀嘛?你有冇受傷呀，你快啲起返身先，我幫你睇睇!!」
我一聽到本莉叫我，我就即刻好快爬返起身，之後依靠係一棵樹幹上，來支撐起我整個人。
我無理會到我身上既所有既傷痛，我將目光放左係本莉既表情上。我見到佢心急如焚個樣，我就好清楚知道本莉仲好關心我，我個腦都即時將之前所以負面既想法拋諸腦後，原來個啲係我個人既猜疑。
我感覺到我既淚水已經不受控制地從眼框中流出，本莉即刻變得好緊張﹕「你做乜喊呀，你有冇事呀!!」但係我真係激動到想講既都一概卡在喉嚨到，我真係好想講——我愛你。
「喂喂，你唔好唔應我啦，你係咪真係好痛呀，洗唔洗我幫你叫老師黎幫手??」我見到本莉都眼泛淚光，我就一直望住本莉替我緊張既表情，但我只可以說我唔係唔想唔應佢，而係我真係太開心，太激動，一個女仔為我咁緊張，真係除了我老母，我真係諗唔到第二個。
「你企係到先，我呢加去叫零姐搵阿SIR黎，你忍住呀!!」說罷佢就準備轉左身走人。
但係我一下子握緊佢隻手，佢突然成塊臉紅哂，好驚訝咁望住我。我終於開口說﹕「我冇事，你唔洗擔心我。」
我講完呢句佢就即刻FING甩我隻手，接著用扮哂好嬲既表情望住我，慢慢...慢慢...佢就激動到流下了眼淚。本莉佢突然好緊緊地攬住我，好似唔想比我離開佢咁，我感覺到佢既眼淚沾濕了我既上衣；喊聲，亦被佢竭力地壓低。
「衰人...衰人...」佢不斷用臉左右掃擦我的胸膛。睇黎本莉完全唔想我有事咁，如果佢做到我女朋友，死又何況呢?
我左手抱緊了本莉，右手則輕撫佢背，放鬆佢緊張激動既心情。我將頭，慢慢，慢慢地貼近佢耳邊講﹕「對唔住呀本莉，之前對你講左啲唔應該既野。」
本莉就嗯左一聲，佢好似冇乜反應，咁我接著說﹕「不如我地連朋友都唔好做，我諗咁樣對大家都會好啲。」
佢一聽到呢句，就攬得愈黎愈鬆，直到佢放低左手。佢dup低頭，一邊哭泣，一邊講﹕「點...點解...你要...咁樣對我....點解呀!!!我唔想連朋友都冇得做呀，唔好咁....唔好咁....」
「本莉，本莉，你望住我先。」說罷本莉徐徐抬高了頭，但係唔敢正視我。佢明亮既眼睛如今都變成一雙佈滿紅筋既眼睛。
「不如你做我女朋友呀，好唔好呀?我真係...真係好鍾意你...由FORM1入學見到你個一刻開始，我就已經愛上左你...但係可惜我地唔同班，我連認識你既機會都無。你可唔可以比個機會我呀，本莉......」
我講完呢句，我即刻閉上了眼睛，因為我真係好驚，好驚本莉會拒絕我。突然，本莉抱緊住我條頸，我頓時打開眼睛，佢慢慢靠近我耳邊講﹕「你個衰人..你個衰人...你知唔知我等左你呢句幾耐...正衰人...」之後我又聽到佢喊既聲音，我就攬住佢條腰。
我都安慰返佢﹕「唔好喊啦，本莉。再喊既話就唔靚女啦」佢塊臉慢慢由我耳邊移開，接著我地面對面，我見到佢塊臉雖然係佈滿著淚水，但係笑得好燦爛，好自然。呢一刻，我感覺到，我已經成為世界上最幸福既人.....
"人生最痛苦既事，不是你和不能相愛，而是我站在你面前，你卻不知道我愛你"
呢句說話，亦都不再存在......
我望住本莉水汪汪既眼睛，真係好吸引，令我不自覺慢慢，慢慢地將嘴唇貼近。而本莉見到我咁，當然好緊張地閉起雙眼。
我感覺到我個心跳得好快，因為咁大個仔，都係第一次認真同女仔嘴嘴，令我一時不知所措。
正當我諗緊係正面就咁嘴，頂係側側地頭，免得個鼻擋住個時，突然零姐出現係我手邊，佢拎住兩塊新鮮出爐既豪大大雞排，講﹕「你想對本莉做啲乜野，難得本莉好心過黎幫你，你竟然咁樣對佢??」
睇黎我已經被零姐誤會了，而本莉見到咁既情形，就即刻輕輕力推開左我。「係囉，好心著雷劈，哼!!」本莉扮出好嬲既樣，我懷疑佢地係唔係玩緊我。
「我地走囉零姐，唔好理呢啲衰人。」佢就拖住零姐隻手就咁走左去。我望住佢地兩個徐徐離去，走到不遠處個時本莉突然擰轉頭對住我笑，我就諗佢應該唔想比人地知我地拍拖。咁我就對佢揮手，直到佢離去。
我見到佢地兩個離去，我個身體就開始知道痛，我將條褲腳拉高，見到菠蘿蓋個位擦傷哂。我過我都好感謝呢個傷，令我得到一個對我好好既女朋友。